ანგელა მერკელის თქმით, გერმანიისთვის ნატოს შენარჩუნება პრიორიტეტად რჩება
გერმანიის კანცლერმა ანგელა მერკელმა განაცხადა, რომ ნატოს კავშირის შენარჩუნება ქვეყნის პრიორიტეტად რჩება.
როგორც მერკელმა ოთხშაბათს, ბუნდესტაგში გამოსვლისას, თქვა, ნატოს შენარჩუნება დღეს გერმანიისთვის კიდევ უფრო მნიშვნელოვანია, ვიდრე ცივი ომის დროს - ან, ყოველ შემთხვევაში, ისევე მნიშვნელოვანი. კანცლერმა აღიარა, რომ ევროპას მარტო, აშშ-ის გარეშე, არ ძალუძს ყველა საფრთხისგან თავის დაცვა.
მერკელმა ეს განცხადება გააკეთა ჩრდილოატლანტიკური კავშირის მომავლის შესახებ დისკუსიის ფონზე, რომელიც საფრანგეთის პრეზიდენტმა ემანუელ მაკრონმა წამოიწყო. მაკრონის თქმით, ნატო „ტვინის კვდომას“ განიცდის.