ყირგიზეთის პრეზიდენტის ოფისი უარყოფს ჯეენბეკოვის კავშირს რადიო თავისუფლების გამოძიების სუბიექტთან
ყირგიზეთის პრეზიდენტის, სოორონბაი ჯეენბეკოვის ოფისმა განაცხადა, რომ სახელმწიფოს მეთაურს არასოდეს ჰქონია საქმიანი კავშირი პირთან, რომელიც რადიო თავისუფალი ევროპა/რადიო თავისუფლების ყირგიზული სამსახურის, კორუფციისა და ორგანიზებული დანაშაულის გამოძიების პროექტისა და საინტერნეტო გამოცემა „კლუპის“ ერთობლივი გამოძიების ცენტრში იმყოფება.
საქმე ეხება მასშტაბულ კორუფციას ქვეყნის საბაჟო სფეროში და ნაღდი ფულის მასიურ გატანას უცხოეთში.
პრეზიდენტის წარმომადგენლმა, ტოლგონაი სტამალიევამ 22 ნოემბერს განაცხადა, რომ პრეზიდენტის თანამდებობის დაკავებამდე ჯეენბეკოვი შეხვდა ხაბიბულა აბდუქადირს, გამოძიების მთავარ ფიგურას, მაგრამ მას არასოდეს ჰქონია ერთობლივი საქმიანი პროექტი ამ პირთან.
ამ საქმისგან დამოუკიდებლად ყირგიზეთის პროკურატურამ განაცხადა 22 ნოემბერს, რომ დაიწყო გამოძიება მუქარის ფაქტების გარშემო საიმაითის მოკვლამდე.
მუქარის ფაქტები ერთობლივი გამოძიების შედეგად გამოვლინდა.
კვლევის თანახმად, 37 წლის იუღური ბიზნესმენი ჩინეთის ჩრდილო-აღმოსავლეთის რეგიონ სინიანიდან, აირქენ საიმაითი, საიდუმლოდ იძლეოდა იმის დამადასტურებელ დოკუმენტებს, თუ როგორ გაჰქონდათ ასეულმილიონობით დოლარი აბდუქადირის, ჩინეთში დაბადებული, ყაზახური პასპორტის მქონე ეთნიკური იუღურის მიერ შექმნილი ქსელის მეშვეობით.
საიმაითი სტამბოლში, 10 ნოემბერს მოკლეს.