ლატვიამ აკრძალა იური კოვალჩუკთან დაკავშირებული რუსული ტელეარხების რეტრანსლაცია
საბჭოს თავმჯდომარის, ივარ აბოლინშის თქმით, აკრძალვა დაკავშირებულია იმასთან, რომ ამ არხების ბენეფიციარი არის რუსი ბიზნესმენი იური კოვალჩუკი, რომლის მიმართაც მოქმედებს ევროკავშირის სანქციები „უკრაინის ტერიტორიული მთლიანობის, სუვერენიტეტისა და დამოუკიდებლობისთვის ძირის გამოთხრის გამო“. როგორც აბოლინშმა თქვა, აკრძალვა მანამდე იმოქმედებს, სანამ ძალაში დარჩება კოვალჩუკის მიმართ სანქციები.
რუსი მილიარდერი იური კოვალჩუკი არის ბანკ „როსიის“ მთავარი აქციონერი და დირექტორთა საბჭოს ყოფილი თავმჯდომარე. ის არის აგრეთვე „ეროვნული მედია ჯგუფის“ ერთ-ერთი დამაარსებელი და აქციონერი. 2014 წელს ყირიმის ანექსიის შემდეგ კოვალჩუკი ევროკავშირისა და აშშ-ის საფინანსო და სავიზო სანქციების სიაში მოყვა. აშშ-ის ფინანსთა სამინისტროს განცხადებაში ნათქვამია, რომ ბიზნესმენი შედის რუსეთის პრეზიდენტ ვლადიმირ პუტინის „ვიწრო წრეში“ და მისი „პირადი მოლარეა“.