გერმანიის ელჩმა რუსთავში, გერმანელ სამხედრო ტყვეთა სასაფლაოზე გვირგვინი მიიტანა
გერმანიის ფედერაციული რესპუბლიკის საგანგებო და სრულუფლებიანმა ელჩმა საქართველოში, ჰუბერტ კნირშმა, რუსთავში, მეორე მსოფლიო ომის მონაწილე გერმანელ სამხედრო ტყვეთა სასაფლაო გვირგვინით შეამკო. ცერემონიას ადგილობრივი ხელისუფლების წარმომადგენლები ესწრებოდნენ.
17 ნოემბერს, გერმანიაში სახალხო გლოვის დღეს აღნიშნავენ და ძალადობრივი მმართველობის მსხვერპლთ იხსენებენ.
მეორე მსოფლიო ომის დროს ტყვედ ჩავარდნილი გერმანელი სამხედროები 1944-1945 წლებში რუსთავის მშენებლობაზე იყვნენ დასაქმებული. მათი უდიდესი ნაწილი რუსთავში გარდაიცვალა.
ტყვეთა ნეშტების მოძიებისა და იდენტიფიცირების მიზნით, გერმანელი სპეციალისტები რუსთავის ისტორიულ მუზეუმთან ერთად, ჭყონდიდელის დასახლებაში მეორე წელია, კვლევით სამუშაოებს აწარმოებენ. სასაფლაო რუსთავის საწარმოო ზონის ტერიტორიაზე გახსნეს. სასაფლაო რუსთავის საწარმოო ზონის ტერიტორიაზე გახსნეს.
უკვე აღმოჩენილია 600-ზე მეტი გერმანელი ტყვის ნეშტი. რუსთავის ისტორიული მუზეუმის დირექტორის ნაზი პაჭიკაშვილი, ისტორიულ წყაროებზე დაყრდნობით, ვარაუდობს, რომ რუსთავის გარშემო ტყვეთა ოთხი ბანაკი იყო, დაახლოებით, ექვსი ათასი პატიმრით.