ქეთევან ციხელაშვილი: ვაჟა გაფრინდაშვილს რამდენიმე დღეში გამოუშვებენ
შერიგებისა და სამოქალაქო თანასწორობის საკითხებში სახელმწიფო მინისტრმა, ქეთევან ციხელაშვილმა განაცხადა, რომ ექიმ ვაჟა გაფრინდაშვილის გათავისუფლება რამდენიმე დღეში მოხერხდება.
მისი თქმით, ყველა უწყება მუშაობს იმისთვის, რომ ექიმი დაუყოვნებლივ გათავისუფლდეს.
„რამდენიმე არხით მიღებული ინფორმაციით, მისი გათავისუფლება მოხერხდება რამდენიმე დღეში, ახლა ძალისხმევა იქითკენ არის მიმართული, რომ რაც შეიძლება მალე დაუბრუნდეს ვაჟა ექიმი თავის ოჯახს და მის პროფესიულ საქმიანობს“, - ამბობს ქეთევან ციხელაშვილი.
მინისტრის განცხადებით, ვაჟა გაფრინდაშვილის ჯანმრთელობის მდგომარეობა ნორმალურია.
ექიმ ვაჟა გაფრინდაშვილს ოკუპირებული ცხინვალის დე ფაქტო სასამართლომ 15 ნოემბერს 2-თვიანი პატიმრობა შეუფარდა. დე ფაქტო უწყება მას „საზღვრის“ განზრახ უკანონო კვეთას ედავება.