ვენეციის ხელისუფლებამ ძლიერი წყალდიდობის გამო საგანგებო ვითარება გამოაცხადა
წყალმა დატბორა ქალაქის მთავარი ღირსშესანიშნაობა - წმინდა მარკოზის მოედანი. ოთხშაბათს იქ წყლის დონემ ერთ მეტრს მიაღწია. წმინდა მარკოზის ბაზილიკა მეექვსედ დაიტბორა უკანასკნელი 1200 წლის განმავლობაში.
ზარალი მიადგა სხვა ღირსშესანიშნაობებსაც. ხელისუფლება სტიქიის წინააღმდეგ საბრძოლველ ზომებს ატარებს.
ქალაქის მერმა ლუიჯი ბრუნიარომ წყალდიდობას გლობალური დათბობის შედეგი უწოდა.
როგორც იტყობინებიან, წყალდიდობის შედეგად ორი ადამიანი დაიღუპა.