ბიძინა ივანიშვილი საქართველოს მართლმადიდებელი ეკლესიის მეთაურს, ილია მეორეს შეხვდა
3 ნოემბერს „ქართული ოცნების“ თავმჯდომარე, ბიძინა ივანიშვილი საქართველოს მართლმადიდებელი ეკლესიის კათოლიკოს-პატრიარქ ილია II-ს შეხვდა.
„ქართული ოცნების“ პრესსამსახურის ცნობით, ივანიშვილი მეუღლესთან, ეკატერინა ხვედელიძესთან ერთად ესტუმრა პატრიარქს.
საპატრიარქოს პრესსამსახურის თანახმად, ივანიშვილი „შეეხო ბოლო დროს მომხდარ ხმაურიან მოვლენებს, რაც ცნობილ უპასუხისმგებლო ბრალდებებს მოჰყვა და საზოგადოებაში დიდი შფოთი გამოიწვია“.