Новости за 27.08.2019

Нохчийн "Вайфонд" юкъараллина интервью еллачу Хангошвили Зеламхин гергарчийн шеко яц из вейтинарг Оьрсийчуьра ФСБ хиларх. Германино болийначу талламна герга йолчу хьасташа бахарехь, «Сибрехара Оьрсийчоьнан вахархо Вадим С.» ву зулам динарг, вац нохчо, юьхьанца немцойн прессо аьлла ма-хиллара. Лаьцначо жоьпаш ц  ло шега полицино дечу хеттаршна, тIебоьху шена Берлинера Оьрсийчоьнан векалтан белхахой. Нохчийчуьрчу Iедалан хьасташа хаамбина, Германехь вийна Гуьржийчоьнан вахархо вацара Нохчийчоьнца зIе йолуш... Читать дальше...

Европан кхеле бевр бу,дагестанхой,нохчийн мехкдаьтта,онкоцентрна дина къола. (Керланаш кечдеш иллюстрацина пайдаоьцу Маршо Радион архивех а, официалан сайташкарчу материалех а)

Страсбургерчу Европан адамийн бакъонашкахула йолчу кхело кхо сацам тIеэцна Нохчийчохь тIемаш боьлхучу заманахь байначу нехан хьокъехь. "Бакъонийн инициатива" проектерчу адвокатийн гIоьнца бахархоша чуделла пхи дов ду листинарг: МальцаговгIеран, Юнусован, Евлоева Лидин, Томова Розин, Мурдалован, Эльмурзаеван, Мецоеван гергарнаш хIаллакбарна Оьрсийчоьне йолу претензеш. Байначех стагга а вац Оьрсийчоьно тоамехь лехна, берзийна бац болийна хилла талламаш. 2000-2005-чу шерашкахь лечкъийна нах бу Страсбургехь хьехийнарш. Читать дальше...

Социал-демократин партин лидеро, таксисто, студенто дуьйцу шайна нохчех лаьцна хетарг – дуккха а бу гIиргIазошлахь 1944 шарахь депортаци йинчул тIаьхьа Кавказе юхабахканза бисина нах.

2016-чу шарахь Нохчийчуьрчу онкологин центро радиацица болхбен дарбан гIирс оьцуш контракт хIоттийна хилла Оьрсийчоьнан цхьана  регионерчу фирмица 16,5 миллион соьманна. Бина барт кхочушбеш, эцархочо и ахча дIа а хьажийна гIирс бухкучу фирме. Амма дIахьийсинчохь дисина миллионаш. Онкоцентрна бина тешнабехк Iора а баьккхина, Нохчийчуьрчу прокуратуро фирмина дуьхьал дов айдайта Талламан комитете хьовсийна документаш - кхечу метте дIайбоьхкина хилла Нохчийчоьно эцна баьлла гIирс. Ша шен сайтехь... Читать дальше...

Оьрсийчоьнан федералан кхерамазаллин сервисан Москох а, Москох кIоштан а урхаллан куьйгалхочун гIоьнчо Медоев Марата дарж дитина жарналист Галунов Иван лаьцна юха дIахецначул тIаьхьа дукха хан ялале, яздо "Iамеркан аз" портало. Цунах лаьцна хаам бина РБК-но, низамаш лардечу органашкара хьастана тIе а тевжаш. "Марат дIаваьккхина балхара цхьа бутт гергга хьалха", аьлла РБК-ца къамел динчу ФСБ-н белхахойх цхьаммо. Медоев Марат, ФСБ-н инарла-майоран Медоев Игоран кIант вую Иза вара Голуновс Москох... Читать дальше...

2020 шарахь дуьйна электронан кепехь лелар ду Оьрсийчуьрчу вахархочун къинхьегаман тептар (трудовая книжка). Цунах лаьцна хаамбина Оьрсийчоьнан Пенсийн фондан куьйгалхочун гIовсо Чирков Сергейс. Цо бахарехь, кечамаш бина, проблемаш йоцуш, юкъаер ю керла кеп. ТIедогIучу шарахь белхан меттигийн дайша онлайнехь дIаяла йолор ю информаци Пенсийн фонде, ткъа кхин а шо даьлча хир дац лелаш кехатах долу къинхьегамхочун тептар, Ткъа иштанаш дуьсийла луучу наха дехар дан деза белхан куьйгалхошка хьалххе, боху ТАСС агенталло. Читать дальше...

Чукотка дIаяьлчхьана, массо а регионашкахь зударий дукха бу божарел. Лаьттар ду хьал ишта, кхин а алсам а ер ю башхалла хенан йохалла, боху Оьрсийчоьнан пачхьалкхан статистикан урхалло (Росстат). Карарчу хенахь 1000 стагана кхочу 1154 зуда. "Юьхьанца агIонаш цхьана барамехь нисло, масала, 4 шо кхаччалц долчу берашлахь ах-ах ду зудабераш а, божабераш а. Амма хьал хийцало и нах 20-25 шаре хьалакхиича: зударий алсам буьсу дийна. Божаршлахь совдовлу баларш", - боху Оьрсийчуьрчу Плехановн цIарах йолчу... Читать дальше...

Нохчийчоьнан долара мехкдаьттан маьIданаш пайдене ерзор тешор ду  Самарерчу "Мехкдаьттан сервисан компанина", хаамбо Neftegaz.ru портало. Цхьаьнакхетар хилла оцу хьокъехь компанин директоран Ендемиров Алексейн Нохчийчоьнан куьйгалхочун а, министрийн кабинетан а администрацин буьйранчица Таймасханов Галасца. Мехкдаьттадоккху гIирс тобар шена тIеэцна компанино. Нохчийчуьрчу маьIданийн майданех 2 эзар гергга ю республикан долахь - 7740 гектар лаьтта тIехь 1100 хьоста. Царех дукхахъерш болхбеш йоцу ю дукха зама. Читать дальше...

Бакъоларъярхойн "Дуьненаюкъара Агора" а, "Бакъонан инициатива" а юкъараллаша Европерчу адамийн бакъонийн кхеле арз хьажийна, дахар хадор а, гIелояр а дехкарх, кхелехула бакъо лаха йиш хиларх долу дуьненаюкъара низамаш талхийна Дагестанера 8 стаг вар толлуш, аьлла. Оцу хьокъехь хаам баржийна РБК-но. Орзехь бакъоларъярхоша билгалдоккху талламо адвокатийн дехар кхочушдина цахилар. 2016-чу шеран гурахь кегийнах байча, талламо церан телефонаш сихха ца зейтина, видеотергамна хIиттийначу камерашкара тоьшаллаш шайна ца довзийтина, боху юристаша. Читать дальше...

Оьрсийчоьнан вахархо лаьцна Берлинехь Паьнгазара схьаваьлла Хангошвили верца доьзна. Нохчийчохь Оьрсийчоьнан эскаршна дуьхьал жигара тIемаш барца а, цхьацца ницкъаша шена маситтаза кIелонаш ярца а вевзаш вара Хангошвили. Берлинна юккъехь, нахана а гуш, иза вен а вийна, вада гIоьртинарг лаьцна полицино. Юьхьанца зуламхо нохчо ву аьлла даржийра, амма хIинца билгалдаьлла и стаг Сибрехара Вадим С. хилар (FAZ, DW).