Новости за 14.08.2019

Лийраш бечел дукха бу,17 шо набахтехь даккха,нене дIаделла бер

Компьютеран вирус Anubis кхоьлличийн дов ду хатта долош Ставрополехь. Жоьпе балийнарш бу эскаршкахь болхбина нах.  Юьззина цIе ю цара кхоьллинчу зуламе программин "HEUR: Trojan-Banker.AndroidIS.Anubis.n". Трояно йохош хилла вирусаш лоху программаш, йохош хилла нехан сервераш чуьра программаш. 2018-чу шарахь бен тIаьхьа ца кхиина IBM а, Google а церан трояно Android-ца лелачу телефонийн системина зуламаш дойла – смартфонан дас шен банкан код, я электронан бумаьштиг схьайоьллучу хенахь скриншот йоккхуш хилла трояно. Читать дальше...

20 шо хьалха хиллачу хиламех лаьцна дуьйцуш, Нохчийчоьнан куьйгалхочун интервью цIеххьана тоьхна стигал къовкъар санна гIовгIане хилира, цо цхьана могIаре хIотторна Кебедов Багауддина куьйгалло дон Дагестанерчу тIемалоша а, 1840-1859 шерашкахь Имам Шемила Нохчийчохь а лелийнарг.

Астраханера кхел листина яьлла Хасу-Юьртарчу вахархочо 78 шо кхаьчна къена таксист верах долу дов.   Стохка гурахь Астраханерчу футболан "Звезда" ("Седа") клубе шина баттана хаарш шардан вахийтинчу 23 шо долчу дагестанхочо ша ГIалмакхойчуьрчу Комсомольски юьрта вига аьлла хилла таксисте. Талламо бахарехь, Астрахан-махках чекхйолуш, есачу аренан новкъа яьлла машен, цигахь масситтаза урс тоьхна вийна дагестанхочо къано, дIакхоьсссина дакъа эрзашна юкъа, дIавахана машен шен дола а ерзийна. Астраханерчу... Читать дальше...

Евкуров Юнус-Бек урхаллехь волчу шерашкахь дIахIиттийна хилла хьаькамаш тIаьхьий-хьалхий даржаш охьадахка буьйлабелла. ГIалгIайчоьнан ханна куьйгалле Калиматов Махьмуд-Iела веанчу цхьана беттачохь пхеа хьаькамо дитина шайгара гIанташ. Хьалхо Калиматовс мукъаваьккхира Евкуров Юнус-Бекан хилла ворхI хьехамча. Вара дIабаьхначарлахь Оьрсийчоьнан президентан администрацехь ГIалгIайчоьнан цIарах векал лаьттина Цечоев Алихан а. Евкуровца цхьана Оьрсийчоьнан тIеман министарлле дехьаваьлла иза. Ткъа цуьнан метта дIахIоттийна Бузуртанов Адам. Читать дальше...

Ставрополан махкахь экономика кхиоран министр Мурга Андрей лаьцна Испанерчу полицино Оьрсийчоьнан дехарца. "Цунна экстрадици ян кечлуш бу Испанера низамхой. Ставрополера схьа ма кхаччийнехь, шина баттана лоцур ву иза юьхьанца", яздо NewsTracker хьасто шен Къилбаседа Кавказан Таламан комитетан урхаллерчу хьасташна тIе а тевжаш. Хьалхо "Кавказ.Реалиино" дийцина ма-хиллара, боккхачу барамехь къоланаш дарна дуьненаюкъарчу лехаме велла вара Мурга. Талламчаша бахарехь, махкахь кхиийначу рицкъанна реклама ен сайт кхуллу кеп а хIоттош... Читать дальше...

Кхушеран ялх баттахь Оьрсийчохь беллачу нехан дукхалла дуьнентIе девллачу берийн барамца юьстича, баларш совдовлу 27,6 %-на. Стохка и башхалла яцара 21 процент бен. Терахьаша гайтарехь, дина пачхьалкхехь 720 эзар гергга бер, ткъа велла 920 эзар гергга стаг. Амма 16 регион ю Оьрсийчохь адамаш тIекхиарца билгалйолуш, боху "Прайм" хьасто.  Церан могIарахь ю ерриг а Къилбаседа Кавказан республикаш а, Ямал-Ненцойн, Тюменан, Ханти-Мансийн мехкаш а, Оьрсийчоьнан малхбалера республикаш Тыва, Алтай, Буряти, Якути, Чукотка а. Читать дальше...

Дагестананний, ГIалмакхойчоьнанний дозанерчу "Артезиански" блок-постехь 50 шо долчу пассажирера 1 кийла къомал яьккхина полисхоша, хаамбина Къилбаседа Кавказан чоьхьарчу гIуллакхийн министраллин урхалло. Кхачанна тIехьарчадечу телатна юкъахь карийна наркотик. Алсам барамехь наркотикаш эцарна, лелорна, дIасаяхьарна кхачош йолчу бехктакхаман артиклца гIуллакх айдина наркотикийн долахочунна дуьхьал.

Журналиста Сугарова Элинас, ша къаьркъа дохкарх долу низам дохийна аьлла, доцург яздина, юьхьIаьржа хIоттийна, шена цуьнгара хилла эшам меттахIотто 1 сом оьшу, аьлла, кхеле арздина мехкан парламентан депутато Кочиев Роберта. Юхьанца цо 1 миллион сом доьхура журналистера кхелехула. Делахь а, "цунна шен дагна хьу йинчу адамера ахча даккхар дац коьртаниг, шен сий лардар ду", аьлла Кочиевн адвокато. Цул тIаьхьа дIаяьккхина депутато ша тIедожочу ахчан барамна тIехьара 6 "горгалг", декхар соьме охьадоккхуш. Читать дальше...

Кумторкалан кIоштахь ши машен вовшах а кхетта, велли виъ стаг. Дагестанан полицино бинчу хаамца, Алмало юьртана гергахь нисбелла бохам. Вовшахкхетта ВАЗ-2114 а, "Приора" а машенаш. Велла виъ воцург, лазийна кхин а кхо стаг, царех шиъ бер ду. Некъан инспекцино бахарехь, "Приора" шен йоцчу асанна тIе а яьлла, дIакхетта дуьхьалйогIучу машенах.

Нохчийчохь зудий, майрий дIасакъаьсташ кхело ненаца диса кхачийна бер кхо шо хьалха. Амма иза а эцна, махкара ведда да. Нохчийн пустоьпаш тIаьхьакхиина да шен кIантаца Челябинск махкахь вехаш хиларна, цара цигарчу шайн коллегийн гIоьнца схьалехна и шиъ. "Беран синкхетамна чов ца хуьлуш, бирзина барам. Юхьанца дас аьттехьа а ца дуьтура кIант нене дIавалар, делахь а иза кхетийна нийса муха хила деза", - аьлла бовзуьйту "Знак.ком" интернет-хьасто Челябинскерчу пурстоьпийн хьукматан хаам. Iедалан меттигерчу белхахошна а... Читать дальше...