Маршо Радион тIаьххьара керланаш (21.08.2019)
Тюменехь бехк кховдина нохчашка, некъабохамехь зуда йийна, Нохчийчуьра машен ю лоьхуш
Тюменехь бехк кховдина нохчашка, некъабохамехь зуда йийна, Нохчийчуьра машен ю лоьхуш
Блогер Плато Артем мехкашкахула а, гIаланашкахула а лелаш ву, шен Youtube-каналехь видео роликаш арахьоьцуш. Маситта бутт хьалха иза хилира Къилбаседа ХIирийчоьнан коьртачу гIалахь Владикавказехь. Ша арахецначу видеохь блогеро дуьйцу цу гIалах лаьцна, иза ГIалгIайчоьнан хила езаш ю бохуш. ХIирийчуьра бахархой цу ролико оьгIазбахийтина, яздо "Регион Онлайн" керланийн агенталло. Цара атака йина блогеран аккаунтана, цунна кхерамаш туьйсуш. - Вуно дукха дералла ю! Вуно дукха! Ма дарра аьлча, иза шуна хетарг ду, ткъа ас лара дезаш ду иза. Читать дальше...
New York Times хьостано хаамбарца, Кремло ахча ло Европерчу мухIажиршна, цара цигара къепе йохорна. Мел лахара а, пхи теш ву оьрсийн журналисташа Швецехь мигранташка шаьш ахча а лур ду бохуш, камера хьалха оцу пачхьалкхехь "проблемаш яхар" доьхуш хезна. Оцу юкъа дукха хан йолале, иттанашкахь яххьаш хьулйинчу наха тIелатар дира полисхошна, церан машенаш а ягош.
Бохам хилла Гуьмсан кIоштарчу Герзель-Аулана гергахь. ТIеттIакхеттарг ю 56 шо долчу Ножай-Юьртан кIоштарчу вахархочо урхалла дон "Камаз" а , ГIалгIайчура 25 шо долу вахархо хьалха хиина хилла "Лада-Гранта" а. Хиллачу некъахьовзамехь кхелхина "Лада-Гранта" машенна чохь хилла 38 шо долу зуда, ткъа цуьнца хилла 29 а, 17 а шераш долу ши зуда охьайиллина ю Гуьмсерчу кIоштан дарбанан цIийнехь. Хилларг къастош бу полицин белхахой.
Дов даьллачохь герз тоьхна стаг вийна Краснодарехь кхаарин буса. Иза ву Дагестанан вахархо, хаам бо "Регион Онлайн" керланийн агенталло. Буьйсанна хилла инцидент толлуш, полисхоша лоьхуш ю зуламхойн хила мега машен. Талламхой шеко йолуш бу герз диттинарш цу тIехь дIабахана хила мега аьлла. Болчу хамца, лоьхург ю Нохчийчуьра номерш йолу "Лада Приора". Талламан комитетан Краснадаран махкарчу урхаллан зорбанан сервисо бинчу хаамца, шина тобанан дов даьлча цхьана стага, хьежа а ца деш, герз диттина. Читать дальше...
Коьртахь йовлакхаш лелош, дуккха а зударий ган аьтто бу Гаванерчу ширачу, исбаьхьачу урамашкахь. Бакъду, бац уьш кхечу мехкашкара баьхкина туристаш, Кубан бусалба зударий бу уьш. Де дийне кхуьуш ду церан терахь.
1999-2019-чу шерашкахь лаьцна, кхелаш а йина, 80 сов стаг чувоьллина Дагестанерчу БотIлихан а, Цумадан а кIошташна тIелатар дарна. Цунах лаьцна хаам бо Оьрсийчоьнан Талламан комитето. Цу нахана хенаш тоьхна 3-нна тIера 19-сса шаре кхаччалц колонешкахь яккха. Карарчу хенахь дуьненаюкъарчу а, федералан лехаме велла ву 28 стаг. 7 тIемалочун дуьхьал долийна бехктакхаман гIуллакх, шайна юкъахь Басаев Шемил а волуш, сацийна уьш кхалхар бахьана долуш. Оьрсийчоьнан Талламан комитетан Къилбаседа Кавказехула... Читать дальше...
Оьрсийчоьнан Талламан комитетан Тюменера урхалла теллина яьлла, пIелг а кагбеш, полисхочунна еттарна нохчашна дуьхьал долийна бехктакхаман гIуллакх, хаам бо ZNAK интернет-газето. Талламан версица, 2018-чу шарахь Марсхьокху беттан 8-хь полисхошна а, нохчашна а юкъахь дов иккхина хилла Тюменехь Тура хина тIехула дехьаваларехь. Цигахь болх беш волу 4 нохчи а, 2 полисхо а вара леттарг. И бахьана долуш полисхочо тапча тоьхна лазийнера цхьа нохчо, ткъа нохчаша йиттина цхьа полисхо тIаьхьо реанимаце кхачийнера. Читать дальше...
ГIалгIайчохь бехктакхаман гIуллакх долийна Зазадоккху-беттан 26-27-чу деношкахь Магасехь хилла митинг дIасалалла реза ца хиллачу 13 полисхочун дуьхьал. Цунах лаьцна хаам бина «МБХ медиа» зорбан гIирсо, адвокатана Куриев Мохьмадна тIе а тевжаш. Цо бинчу хаамца, полисхойн гIуллакх къастор ду кхелехь къевлинчу рожехь. Берриг а жоьпе озийначу наха кехат тIе куьг таIийна, цу гIуллакхах лаьцна дIасадуьйцур дац шаьш аьлла. Болчу хаамца, Марсхьокху-беттан 20-хь суд реза ца хилла цара шаьш балхахь юхаметтахӀоттарах лаьцна бина латкъам листа. Читать дальше...
Мы не навязываем Вам своё видение, мы даём Вам объективный срез событий дня без цензуры и без купюр. Новости, какие они есть — онлайн (с поминутным архивом по всем городам и регионам России, Украины, Белоруссии и Абхазии).
123ru.net — живые новости в прямом эфире!
В любую минуту Вы можете добавить свою новость мгновенно — здесь.