Новости за 26.08.2019

Нохчийчоьнан премьер-министран ваша Хучиев Денис лаьцначуьра дIа а хецна, цIавахийтина. Полицин эксперташа теллина цуьнгара Внуковохь кемана хууш яьккхина хилла хIур-коьчал – иза лелон магийна долу ахкаргийн молха «Уроторопин» ду.   Тахана Iуьйранна лаьцна Шуьйтан кIоштарчу прокуроран гIовс Хучиев Денис, шегара наркотиках тера коьчал а йоккхуш, Внуково аэропортехь кемана хаа, электронан гурах чекхволуш, аьлла бара «Московский комсомолец» газето баржийна хаам. Хучиев дIахецнийла хаийтина массех хьасто.

Хучиев Муслима, Нохчийчоьнан министрийн кабинетан куьйгалхочо, шен ваша рак лазаро хьийзочу шайн дена молханаш эцна вогIуш вара, хаамбина МК газете. Хиллачух йист ер ю гергарчу 1-1,5 сахьтехь, карийначу хIур-коьчална экспертиза ма-яьккхи, аьлла Хучиевс. Тахана Iуьйранна лаьцна Шуьйтан кIоштарчу прокуроран гIовс Хучиев Денис, шегара наркотиках тера коьчал а йоккхуш. Внуково аэропортехь кемана хаа, электронан гурах чекхволуш сацийна иза. Онкологи йолчу наханна Нохчийчу хьош молха ду аьлла цо шегахь карийначу коьчалх.

Хучиев лаьцна, ипотека ца оьцу нохчаша, санцеш юха а.

Оьрсийчоьнан президента Путин Владимира ша ГIалгIайчоьнан куьйгалхочун дарже къастийначу кхаа кандидатан цIерш чуелла ГIалгIайчоьнан парламенте. Уьш бу: Несара-шахьаран кхеташонан депутат Евлоев Урусхан, "Вымпел-Коммуникации" компанин ГIалгIайчуьрчу декъан коьрта говзанча Зурабов Мохьмад, карарчу хенахь мехкан куьйгалхочун декхарш кхочушден Калиматов Махьмуд-Iела. Мехкан куьйгалхо къастош Оьрсийчоьнан низамо билгалбоккху некъ бу ишта: Пачхьалкхан Думехь болчу шайн векалшкахула партеша йоккху кхаа кандидатан цIерш... Читать дальше...

Шуьйтан прокуроран гIовс Хучиев Денис лаьцна Внуково аэропортехь девзаш доцу, наркотиках тера, кIайн хIур шеца а долуш, хаамбо "Московский Комсомолец" газетанна тIе а тевжаш, Оьрсийчуьрчу цхьамогIа хьасташа. Лаьцнарг ваша ву Нохчийчоьнан премьер-министран Хучиев Муслиман. "MKRU" шен хаамехь тIетевжа Baza цIе йолчу телеграм-канална. Аэропортехь магнитан гурах чекхволуш сацийна Хучиев, иза Несара ваха дагахь хилла, боху газето. Цуьнгара чуьччабехкина телатан ши тIоьрмиг баьккхина, евзаш йоцу... Читать дальше...

Оьрсийчуьра веддачу иччархочунна Скрипаль Сергейна а, цуьнан йоIана Юлияна а Британехь дIовш даларна бехкеечу Оьрсийчоьнна дуьхьал хIиттийначу санкцийн шолгIа тептар леладоьлла оршоьтадийнахь. И документ довза йиш ю Iамеркан Цхьаьнатоьхначу Штатийн Федералан реестран сайта тIехь. Цхьана декъанна, санкцеш хьакхало Оьрсийчоьнна кхечу пачхьалкхаша лучу ахчан декхарех. Шайн а, дуьненаюкъарчу а финансийн хьукматашка Оьрсийчоьнна кредиташ цадалар тIедожадо Штаташа. "СкрипалгIеран санкцийн" тептар шордеш дуйла гучуделира кху беттан юьххьехь. Читать дальше...

Оьрсийчоьнан кхечу регионийн бахархошца дуьстича, уггаре кIезиг бу  ипотекаш оьцу нах ГIалгIайчохь, Нохчийчохь, Дагестанехь, боху РИА "Новости" агенталло. Ипотека массанхьачул а дукха оьцу, талламо бахарехь, Ямалехь а, гонахарчу Юграхь а, Тюменан махкахь а. Цигахь 1000 стагах и тайпа кредит эцнарг ву 30 гергга вахархо. Регионийн рейтингехь тIаьххьарчех ю цIерш яьхна Къилбаседа Кавказан республикаш. Гарехь, ипотека цхьайолчу регионашкахь эца цалаар (я кхерар) дозу цигахь нехан долара бизнес ледарчу хьелашкахь хиларца а... Читать дальше...

"Геноцидан де" дагалоцуш гулбелира Мьянмера Бангладеше бевдда бахана эзарнаш рохинджаш кIирандийнахь. Бангладешерчу мухIажирийн Кокс-Базаре куьпахь беха рохинджаш хьалабевлира гонахарчу раьгIнашна тIе. "Тхуна цIа даха лаьа", - мохь беттара наха. Ламазаш дира цара ши шо хьалха шайн "Ракхайн штатехь" байинчу махкахошна а, шайна а АллахIе къинхетам боьхуш.

Абхазехь президентан харжамаш бара кху мукъаденошкахь. Ца тоьлла цкъачунна цхьа а. ШолгIачу туре ваьлла цкъачунна  президентан гIант шегахь кхобу Хаджимба Раул а, оппозицин  "Амцахара" (Къоман кхерчаш) партин куьйгалхо Квициния Алхас а. Мехкан харжамийн Юкъарчу комиссин и хаам бовзийтина оршотдийнахь ТАСС агенталло. "Хьалхарчу туран терахьаш оха цкъачунна хьахийна дац. Ши кандидат ву харжамийн шолгIачу декъехь къовсалур волуш - Хаджимба а, Квициния а. Дисинарг ас брифингехь хоуьйтур ду", - аьлла харжамийн комиисин куьйгалхочо Гогия Тамаза. Читать дальше...

Трофи-спринт, аьлча а, вочу некъашца машенаш хахкаран къовсадаларш дIадаьхьина Нохчийчохь. Эна-Хишка, (Серноводск) турнирна кечбинчу некъа тIехь хьуьнар гайта баьхкинера шайн машенашца Къилбаседа Кавказан мехкашкара пилоташ. Хи а, оьрнаш а долчу некъаш тIехь, шайн а, шайн машенийн а масалла гайтира цара. Хьовса баьхкиннера дуккха а нах.

ТIедогIучу шарахь Нью-Йоркехь хинйолчу G7 саммите Оьрсийчоь кхайкха луучарний, цалуучарний юкъахь къовсам гIаттар бакъду, аьлла дуьнентIехь уггаре ехаш йолчу 7 пачхьалкхан куьйгалхой гулбеллачу Францерчу Биаррицехь дийцареден гIуллакхаш хьахош Iамеркан Цхьаьнатоьхначу Штатийн президента Трамп Доналда. "Цхьаберш сан ойланца бу, вуьйш – бац", элира Трампа журналисташка. Ша иза тешна ву Оьрсийчоь саммите кхайкха еза бохучух. Оьрсийчоь юкъакхайкхар оьшуш а, пайде а гIулч ю, бохура  Трампна. Цо хьалхо хаамбинера... Читать дальше...

Цхьа стаг велла, ворхI лазийна Дагестанехь хиллачу некъахьовзамехь, хаамбо "Регион онлайно". Карабудахкентан кIоштарчу Уллубийаулна гергахь вовшахкхетта ши машен. "КIиранан буса, 20:30 хан йолуш хилла бохам. Ши машен вовшахкхетар бахьана долуш, цхьа стаг вийна, ворхI лазийна, ши бер а ду царалахь", - аьлла Дагестанан чоьхьарчу гIуллакхийн министраллан векало. Ца бахарехь, лазийначех кхо стаг халачу хьолехь ву.