Маршо Радион тIаьххьара керланаш (20.08.2019)
Нохчийн хоккеист чувоьллина, Гуьмсехь косманавташ Iамор, школашкахь смартфонаш йихкина
Нохчийн хоккеист чувоьллина, Гуьмсехь косманавташ Iамор, школашкахь смартфонаш йихкина
ГIиргIазойчохь дика вевзаш ву нохчийн къона дантист Юсупов Ислам. Цергийн дика лор ву аьлла, цIеяккхарал совнах, Ислам гоьваьлла гIиргIазойшлахь нохчийн синбахамалла йовзуьйтуш, яржош хиларца а. Маршо Радион корреспондент хилира ЮсуповгIеран хIусамехь.
Шелахь дина даьлла "Бусалбанийн дозалла" цIе тиллина керла маьждиг. Меттигерчу Iедалша чIагIдо иза Европехь уггар доккха ду бохуш. "Бусалбанийн дозалла" схьадоьллур ду Товбеца-беттан 23-хь, Кадыров Ахьмад-Хьаьжа винчу дийнахь, хаам бо "Нохчийчоь тахана" агенталло. 5 гектар сов лаьтта тIехь дан долийра Шелара маьждиг, "Шали-Сити" комплексна гена доццуш. 2012-чу шеран ГIуран-баттахь болийра цу тIехь белхаш. Цунна чутарлур ву 20 эзар стаг.
Уггар ларам болчу бусалбанашна юкъара къилбаседакавказхой
Космонавташ кечбон центр кхолла мегаш ю Къилбаседа Кавказехь. Цунах лаьцна хаам бина Роскосмосан куьйгалхочо Рогозин Дмитрийс, "Машук-2019" форуман декъашхошна хьалха вистхуьлуш. Цо дийцарехь, космонавтийн ламанан а, парашютан а кечам бар аьтто болуш хир ду Къилбаседа Кавказехь. И бахьана долуш масийтта республикехь хилла шаьш, космонавташ кечбан центр кхолла меттиг лохуш аьлла Рогозина. Хьалхо хаамаш баьржира 2020-чу шарахь дуьйна Оьрсийчоьнан космонавташ цхьана декъана кечбийр бу Нохчийчохь... Читать дальше...
Кхо шо колонехь доккхур ду Нохчийчуьрчу вахархочо Хадисов Абубакар-Сиддикъа. Иза бехке вина интернетехь экстремизман чулацам болу комментари йитарна. Цу кепара сацам бинарг ю Къилбаседа Кавказан гонан тIеман кхел, хаам бо "Кавказский узело". Болчу хаамца, 2018-чу шарахь Стигалкъекъа-баттахь Хадисовс интернетехь ши сурт хIоттийна хилла, тIематасадаларехь вийна ши тIемало тIехь а волуш. Оцу сурташна бухахь комментари йитина цо, суьдо яздарехь, "терроризм лело а, терроризм бакъ лору а" чулацам болу. Читать дальше...
Томскерчу хоккеистана Калиниченко Ильяна 5 шо хан тоьхна колонехь яккха, терроризм бакъ ларарна. Цунна дихкина 2-на шарахь интернетах пайда эцар. Цунах лаьцна хаам бина "Итерфаксо", Оьрсийчуьрчу Талламан комитетан меттигерчу урхаллан зорбанан сервисна тIе а тевжина. Агенталло билгалдаккхарца, Калиниченко – Казахстанан махкахо ву. Талламхойн версица, 23 шо долу Сибрехан студентийн хоккейн лигерчу клубан хоккейн-кевнахочо" Калиниченкос "ВКонтакте" шен агIонехь кхечу цIарца посташ хIиттийна уггар... Читать дальше...
Нохчийчуьрчу хенахIоттаман говзанчаша бинчу хаамца, шинарин дийнахь делкъалтIаьхьа дуьйна моггIара 3 де чIогIа довха дан мегаш ду республикан къилбаседерчу а, юккъерчу кIошташкахь. ХIаваъ дохлур ду 40-41 градусе кхаччалц. Йовхо хIуттуш хиларна говзанчаша кхайкхина бахархошка арахь мелла кIезиг хан яккхаре, ткъа лоьраша дагадоуьйту тоъал хи мала дезаш хилар. Довха денош дарна ялташ хIаллакьхила мега аьлла саготта бу Нохчийчуьра юьртабахамхой а.
«Visit Chechnya» туризман информацин центр болх бан йолаелла Туркойчуьрчу Истанбулехь. Цунах лаьцна хаам бина Нохчийчоьнан туризман министро Байтазиев Муслима, яздо "Нохчийчоь тахана" агенталло. Центро болх бийр бу Истанбулерчу Оьрсийчоьнан визан центрехь. Цигахь дуьйцуш ду Нохчийн Республике баьхкинчу туристийн хир болчу аьттонех лаьцна. Байтазиевс дийцарехь, Истанбулехь схьйиллинарг 6-гIа центр ю «Visit Chechnya» проект кхочуш ярехула. Министро бинчу хаамца, рогIера цу тайпа центр схьйоьллур ю Берлинехь а (Германи)... Читать дальше...
Дешаран процесс йоьдуш смартфонаш лелор дихкина Нохчийчохь, хаам бо ТАСС агенталло, цу республикерчу дешаран министрана Байханов ИсмаьIилна тIе а тевжаш. Цо дийцарехь, цу хьокъехь сацам бинарш ю дай-нанойн комитеташ, хьехархойн юкъаралло гIортор а еш. - Нагахь беро смартфон школе еанехь, цуьнан аьтто бу иза леррина кечйинчу меттигехь а йитина, урокаш чекхйевлча иза схьаэца, - боху Байхановс. Министро дийцарехь, хIора хьехархочуьнгахь телефон ю эшахь деца-ненаца зIе латто. Цуьнца цхьаьна дешархошна... Читать дальше...
Мы не навязываем Вам своё видение, мы даём Вам объективный срез событий дня без цензуры и без купюр. Новости, какие они есть — онлайн (с поминутным архивом по всем городам и регионам России, Украины, Белоруссии и Абхазии).
123ru.net — живые новости в прямом эфире!
В любую минуту Вы можете добавить свою новость мгновенно — здесь.