Новости за 01.02.2019

Шо шаре йовш лаьтта дуьненчу дуьйлучу берашна хIинццалц тохкуш, лелийна нохчийн орамаш долу цIераш аьлла, "Нохчийчоь Тахана" агенталле елла информаци юхаэцна Старопромыслан кIоштарчу адам кхиар-далар тергонехь латточу урхаллан (ЗАГС) куьйгалхочо Ахмедова Хьасимата. Дукха хьолахь карарчу заманахь Нохчийчохь дуьненчу дуьйлучу берашна тохку бусулба пайхамарийн, церан гергарчийн, накъостийн цIераш. Хан-зама яьлча Нохчийчохь хьалха дайша лелийна хилла нохчийн цIераш юкъара дIайовла там бу аьлла, билгалдаьккхинера цо. Читать дальше...

Арашуков Рауля газ лачкъийна аьлла, долийначу гIуллакхан гонах журналисташа деллачу хаттарна жоп делла Оьрсийчоьнан президентан пресс-секретаро Песков Дмитрийс. Оцу юкъанна, хаамийн гIирсашкахь верси юьйцу, АрашуковгIар лацар а, Нохчийчоьнна газах 9 миллиард декхар ца дитар а вовшашца доьзна хиларх. "Хенал хьалха дуьйцийла яц цунах",- аьлла Песковс. Оцу гIуллакхан хьокъехь кховдийна бехк бу, кхелахоша кхи дIа листа дезаш ду и дерриг а аьлла пресс-секретаро. Кхааридийнахь Федерацин Советан йоьдучу... Читать дальше...

Ахмедова Юлия "Новая Газетан" ("Керла Газета") пресс-центрехь бакъоларъярхоша дийцаредина, Къилбаседа Кавказехь муха эшалур ю радикализм, хIун дан догIу цунна  бахьанаш ца кхолладалийта. Гила берзалой "Къайлах Iедалх летачу тобанийн хатI хийцаделла. Хьалха оцу тобанашкахь бара тIемаша зеделла нах. Амма царех дукхахберш 2011-20017-чу шерашкахь Малхбалерчу тIаме дIабахана – къайлах къийсабала хуучех мукъаяьлла Къилбаседа Кавказ. "ТIеман аре" йисина Малхбаленца лелла финансийн зIенаш яцарал совнах... Читать дальше...

ГIалгIайчохь бехачу нохчийн мухIажиршца цхьанакхетта Нохчийчуьра Iедалхой. "Вынужденные переселенцы" цIе йолчу организацин жигархоша кхайкхамбинчул тIаьхьа, Кадыров Рамзанан дехарца Соьлжа-ГIалин мэрехь цхьанакхетар хилира церан, яздо "Нохчийчоь Тахана" агенталло. Нохчийчохь тIемаш боьлхучу заманчохь хIусамаш йохийна, шайна хилла зен меттахIоттор дехнера нохчийн бахархоша шаьш тIеэцначу гIалин мэран гIовсе Бурсагов ИбрехIиме а, кхечу лакхарчу хьаькамашка а. Цул совнах, ца бевллачу денна мухIажирш... Читать дальше...

Хьиджабан дуьненаюккъара де ду Чиллан- беттан хьалхарчу дийнахь билгалдоккухш.

Шен жима ши йоI сагIа деха араяккхинчу ненан гIуллакх теллина ТIехьа-Мартанарчу кхело. Кхелехь къаьстина, Таджикистанера Нохчийчу а еана, оцу зудчо кху аьхка шен шина йоIе сагIа доьхуьйтуш хилла. ТIехьа-Мартанан ВаларгтIе эвларчу маьждиган декъа тIехь сагIа доьхуьйтуш хилла цо цу шинга. ГIуллакхан материалаш теллинчул тIаьхьа, арахь даккха цхьа шо хан тоьхна кхело шина йоьIан нанна.

2016-чу шарахь вийначу ГасангусейновгIеран шина вешин да Гасангусейнов Муртазали юха а ша цхьаъ пикете хIоьттина ХIинжа-ГIаларчу коьртачу майданахь, хаамбо "Кавказ.Реалиис". Ларамза вийна ши ваша аьлла, дIахьединчу Дагестанан куьйгалхочуьнца Васильев Владимирца цхьанакхета лаам бу цуьнан хIинца. "Сан бераш ларамза дайина аьлла Васильевс. ТIемалой а ларамза бина царех? Жа дажочу цу шинна тIе ларамза нисбеллла хилла полисхой? Шемалан кIоштан полицин декъера сан шина кIентан декъий арадохучу зударшна тIехула ларамза герзаш диттира полисхоша? Читать дальше...

Оьрсийчуьрчу колонешкахь бохкучу Къилбаседа Кавказерчу бахархойн хьал дуьйцуш леррина дIахаийтар арахецна "Гражданское содействие" комитето. Цу дIахаийтарехь юьйцург ю 2015-чу шарахь дуьйна 2018 шаре кхаччалц йолу хан.

Шо шаре йовш лаьтта дуьненчу дуьйлучу берашна хIинццалц тохкуш, лелийна нохчийн орамаш долу цIераш. "Нохчийчоь Тахана" агенталле бина цу кепара хаам Старопромыслан кIоштарчу адам кхиар-далар тергонехь латточу урхаллан (ЗАГС) куьйгалхочо Ахмедова Хьасимата. "Хан-зама яьлча Нохчийчохь тохкуш хилла нохчийн цIераш юкъара дIайовла там бу", - аьлла, билгалдаьккхина цо. Дукха хьолахь карарчу заманахь Нохчийчохь дуьненчу дуьйлучу берашна тохку бусулба пайхамарийн, церан гергарчийн, накъостийн цIераш. Читать дальше...

Кхарачойн-Чергазийчоьнан цIарах сенатор лаьттинчу Арашуков Рауфан да, Арашуков Рауль Зазадоккхучу беттан 30-чу дийне кхаччалц чохь вуьтуш, сацамбина Москохарчу кхело. Зуламхойн тоба вовшахтоьхна, курхаллаш лелийна аьлла, шеконашца лаьцна Арашуков Рауль. Бехк тIе ца лоцу цо. Байначу беттан 30-чохь Петарбухахь дIалецира Арашуков Рауль. Оьрсийчоьнан Талламан комитетехь дIахьедина, Арашуков-воккхахверг бехкехила тарло 30 миллион соьмана "Газпром" компанин газ лачкъорна. Оццу зуламашна бехкехила тарло цуьнан кIант а. Читать дальше...

1999-чу шарахь Басаев Шемалан тобанца оьрсийн эскархошна тIелатар дина аьлла, бехкевечу Батаев Русланна 14,5 шо хан кхайкхина Нохчийчуьрчу Лакхарчу кхело набахтехь яккха. Ставрополан кIоштарчу ФСБ-н пресс-гIуллакххоша бина и хаам. "Талламаш дIахьочу юкъанна бехкевечо даредина ша бехкехиларан. Нохчийчуьрчу Лакхарчу кхело бехк тIе а чIагIбеш, 14 шой, ах шой хан тоьхна цунна набахтехь яккха", - аьлла бу хаам. Къайлахчу сервисийн версица, 1999-чу шарахь Нохчийчохь леллачу гIаттамхойн тобанах шен лаамехь дIа а кхетта... Читать дальше...

Оьрийчохь уггар а къена НогIамирзин-Юьртара (Теркйист) 130 шо долу Истамбулова Кхокха кхелхина. Цуьнан йоьIан кIанта Абубакаров Илеса бина и хаам. Цо бахарехь, кхи сагатдеш хIума а дацара цуьнан могушаллица, яздо Новости агенталло. "Даим санна суьйранна цхьана хIума а кхаьллира оха. Бегаш беш, къамелаш дора цо. ЦIеххьашха вон хилира цунна, кийрахь лазар ду шен аьлча, лоьраш кхайкхира оха. Дагна таIам хилла элира лоьраша, мехий туьйхира. Жимма хан яьлча са делира цуьнан", - дийцина Абубакаровс.... Читать дальше...