Новости за 10.02.2019

Цхьаьнатоьхначу Штаташа гIо деш йолу Шеман демократин ницкъийн тобанаша шотдийнахь тIелетта цу пачхьакхехь "Исламан пачхьалкх" шех олучу ДAИШ-ан (ад-Дауля аль Исламийя фи-ль-Ирак уа-аш-Шам) тобано дIалаьцна латточу территорина. Курдийн тIемалойн тобанаша коьрта дакъалоцучу Шеман оппозицин ницкъийн коалицин векло, Reuters агенталлана интервью луш, дIахьедар дина, шаьш болийнарг тIаьххьара тIом бу Шемахь болчу "Исламан пачхьалкхан" тIемалошна дуьхьал аьлла. Курдийн тобанашна хIаваэхула гIортор еш ю Iамеркоа хьалхаяьлла йолчу коалицин авиаци. Читать дальше...

CarsWeek компанин аналитикаша рейтинг хIоттийна Оьрсийчохь юхкучу уггар йорахачу жимачу машенийн. Хьалхарчу меттигехь ю Lada Granta. Цуьнан мах дIаболалуш бу 415 эзар соьмана тIера. Аналитикаша дийцарехь, шолгIа меттиг дIалоцуш ю Японин Datsun on-DO. Цу машенех уггаре йораханиг ю 480 эзар сом мах болуш. Рейтинган кхоалгIачу могIарехь ю 489 эзар сом мах болу Lada 4х4. ПхоьалгIачу меттигехь ю Renault Logan – 534 эзар сом. Йорахачу машенийн рейтингехь 5-гIа магIаре хIоьттина Lada Vesta - 555 эзар сом.

Дагестанерчу "Дагтехкадастр" урхалло дозанца доьзна хаттар дийца ХIинжа-ГIала кхайкхина Чиллан-беттан 11-чохь Нохчийчоьнан дозанца Iуьллучу Гумбетан кIоштарчу МехIелтара бахархой. Доза хийца мегаш ду шайн латтанаш дIадохуш бохуш, латкъамаш беш бу и нах. Цара дийцарехь, Нохчийчоьнна дIаяла мегаш ю 100 гектар цара пайда оьцу даьхнин дожийлаш. И бахьана долуш МехIелта эвлахь леррина гулам дIабаьхьна цу хаттаро синтем байинчу бахархоша, аьлла хаам бинера цу эвлан куьйгалхочо Абдулнасыров Мохьмада.

КIиранан буса 11-чу сохьтехь цIеххьана ток йоцуш бисинера Ножай-Юьртан кIоштара эзарнаш бахархой. Бахьана лохуш арабевллачу говзанчашна карийнарг дара Бетти-Мохк эвлан гергахь, тIе машен тоьхна богIам а саттийна, тоькан серий хедийна хилар. И бахьана долуш дIяйнера 58 трансформаторийн подстанци. ТIе йогIуш ток йоцуш дисинера 22,8 километр тоькан серий. "Нохчийчоь тахана" агенталло дийцарехь, говзанчаш каде хьовзар бахьана долуш, хилларг дIанисдина 2 сахьт бен кхин ха ца оьшуш. Карарчу хенахь... Читать дальше...

Дуьннена а евзачу социалан институша а, юкъараллаша а а бинчу талламан тIе а тевжина 2018-чу шарахь хIоттийначу рейтингехь дахаран хьелашца уггаре лакхарчу тIегIантIехь лаьтташ ю Норвегин коьрта гIала Осло. Цунах аьцна хаам бо Visasam.ru интернетан зорбанан гIирсо. ШолIачу меттехь ю Швецин коьрта гIала СтокъхIолм. Рейтинган кхоалгIа могIа дIалаьцна Оттаво (Канада). Дахаран хьелаш тоьлла долчу 15 гIалана юкъахь ю кхин а 10 Европерчу пачхьалкхан коьрта гIала – Брюссел (Белги) - 4 , Рейкьявик (Исланди) - 7... Читать дальше...

Номерш йоцуш йогIу Лада-Веста машен сацийна хилла некъаца лаьттачу автоинспекторша Шелковски кIоштахь. Цу машенна урхалла деш хилла 59 шо долу Эвтарара вахархо. Кехаташ теллича гучудаьлларг ду и иза стохка ГIура-беттан 22-чохь дуьйна зулам дарна шеко йолуш федералан лехамехь хилар, хаам бо чоьхьарчу гIуллакхийн министраллан Нохчийчуьрчу урхаллан зорбанан сервисо. И стаг лоьхург хилла Шеларчу полисхоша.   2018-чу шарахь ГIадужу-беттан 18-чохь бехктакхаман гIуллакх долийна хилла цу стагана дуьхьал курхалла лелорна. Читать дальше...