Новости за 15.02.2019

Нохчийчоьнан Грозненск-кIоштарчу полисхойн декъехь латтийна Дебиров Долхьад дIахецна аьлла, хаамбина "Кавказ,Реалии" портале церан хьосташа. Еаридийнахь Маршо Радионо яздира, дахначу оршотдийнахь тIеман барзакъ доьхначу наха Грозненск-кIоштарчу ЧIаьнти-Юьртара кхо жимстаг вигина аьлла. КIоштан бахархоша бинера и хаам "Кавказ.Реалии" портале, уьш дIалецаран бахьанаш хууш дац шайна аьлла. Бакъонашларъярхочо Саратова Хедас тIечIагIдира, оцу кегийрхойн гергарчу наха дехар дина шега, уьш латто меттиг къастаяхьара аьлла.

Михальченко Лидия Швецерчу миграцин урхалло оьрсийн мотт буьйцу прокурор шена къасторна реза яц нохчийн мухIажир. Оцу гIулчо низам ца талхийна, боху оппоненташа    Ша бахначу баттахь Стокгольмехь миграцин хьукмате тховкIело йоьхуш, аьллера, шегара тоьшаллаш даха, Оьрсийчуьра ша ядарх дерг тешон шена оьрсийн мотт буьцуш воцу белхахо лахьара, иштта, нохчийн мотт буьйцу гочдархо а кхайкхахьара, амма ца дина кхочуш шина дехарх цхьа а, боху бутт хьалха Нохчийчуьра Швеце еъначу зудчо.   Оьрсийн мотт... Читать дальше...

ПIаьнказахь лерина операци дIахьочу заманчохь герзан чевнех веллачу 19 шо долчу Мачаликашвили Темирланан доьзало шайн цIийнах хьовсучу хенахь дIадаьхьна 22 575  лари юхадалар тIедожийна Гуьржийчоьнан кхерамзаллан урхаллана (СГБ). ПIераскандийнахь бина цунах хаам доьзалан адвокато Кублашвили Мариама, яздо IPN агенталло. Цо бахарехь, кхеле арздан Iалашо ю церан, нагахь ахча юха ца дерзадахь. "Ас масийттазза дехар дина къайлахчу сервисашка, и ахча схьало аьлла. Талламан массо а барамаш бирзина, ахча юхало аьлла, бина суьдхойн сацам а бу. Читать дальше...

Токхамаш хилла, хIусамех боьхначарна лерина Теркйистерчу ЧIулга-Юьртан йистехь хIусамаш йина. 54 цIа кийча ду нах чубита. 4200 стаг ву уггар чIогIа хьашто йолуш, арахь висина, яздо "Кавказский узел" агенталло. Стохка гурахь бахархоша латкъамбира, токхамаш хиллачу меттигашкара шаьш дехьадаха сихо ца йо Iедалхоша аьлла. Республикан урхалхоша чIагIо йинера, токхамшкара нах дIакхалхош йолу, хIинццалц сацийна лаьттина федералан программа, 2019-чу шеран юьххьехь юха йолор йолуш ю аьлла. "Деш лаьтташ ду кхи а 200 цIа. Читать дальше...

Iамеркан режиссеран Кэмерон Джеймсан "Аватар" кинон авторшлахь ша хилар тIечIагIдай, шена догIу компенсаци охьадиллийта аьлла, Заводской кIоштан кхеле латкъамбина ша аьлла, дIахьедина нохчийн яздархочо Закриев Руслана. 2015-чу шарера схьа дуьйнна Iамеркан филман сценари ша язйина бохуш, дIахьедо Закриевс. Масийттазза ша вехачу Ставрополан кIоштан кхеле а дира цо аьрзнаш, амма Кэмерон Iамеркан Цхьанатоьхначу Штаташкахь вехаш хиларна, гIуллакх доло дуьхьало йира цунна. "Новости" агенталлаца шен хиллачу къамелехь нохчийн яздархочо чIагIдо... Читать дальше...

Iамеркан президенто Трамп Доналда кхайкхам бина конгрессхочуьнга Омар ИлхIане дарж дита аьлла, жуьгташна дуьхьал шена хетарг аларна иза бехке йинчул тIаьхьа, яздо "Iамеркан аз" зорбанан гIирсо. Израилехьа политикан лоббизмах лаьцна цо дина дIахьедарш бахьана долуш Омарна критикаца дуьхьал бевлла республикан партин декъашхой а, ткъа иштта цуьнан цхьана партехь болу демократаш а.

Москварчу "Неолит" кафе чохь герзаш детташ, летарш хилла яхначу буса."Пятый канало", и дерриг а гинчуьнца хиллачу къамелна тIе а тевжаш яздо, дуьххьара нохчочо Азербайджанерчу вахархочуьнга маьттаза бага тоьхнера, тIаьхьо цуьнан махкахоша йиттира Нохчийчуьрчу вахархочунна аьлла. Герз деттарш, летар, каналца къамел динчо бахарехь, нохчаша азербайджанхошна бина бекхам бара. 100 гергга нохчийн кегийрхой кафе а баьхкина, азербайджанхочун доларчу кафечуьрчу зударшка арадовлар а хьехна, лата буьйлабелира. Читать дальше...

Москван малхбузенехь "авторитете бизнесхой" бойуш, хиллачу тасадаларшкахь дакъалаьцнарш кхеле ца озо сацамбина талламчаша, яздо "Росбалто". Крылатские холмы олучу меттигехь хиллачу летаршца доьзна айдина хилла гIуллакхаш дIакъевлина Оьрсийчоьнан Талламан Комитето. Iаткъамечу совдегарша Байсуров Шарпуддис а, Халидов Мохьмада а куьйгалла а деш, 40 Нохчийчуьра вахархо гулвеллера цигахь 2017-чу шарахь. Герзаш диттина кхо стаг вийра хIетахь, шайлахь бизнесхой БайсуровгIар а цхьана. Талламчийн версица... Читать дальше...

Росстатан зерашца, Къилбаседа Кавказерчу регионашкарчу хьехархойн белхан алапаш уггар а лахара ду. Нохчийчохь а, Кхарачойн-Чергазийчохь а, ГIебарта-Балкхаройчохь а, Къилба ХIирийчохь а школашкахь хьехархоша оьцу 20 эзарна тIера 23 эзар соьме гергга ахча, хаамбо "БИЗНЕС Online" гIирсо. Дахначу шарахь юккъерчу барамехь аьлча, Оьрсийчуьрчу доьшийлашкарчу хьехархойн беттан алапа 38 419 сом хилла. 2016-чу шарахь Оьрсийчоьнан премьер-министр Медведев Дмитрий даржах мукъаваккхар доьхуш, интернетехь... Читать дальше...

Массарел а кхераме лору онкологи уггаре а яьржина лелачу цамгарех ю Нохчийчохь. Махкарчу лоьраша шайга далург дерриг а до цамгаро лазархошка хьоьгуьйту бала байбеш. Берийн онкологина махкахь шаьш муха дуьхьаллальтта дийцира Маршо Радиога Республикан онкодиспансеран лоьро Хасмагомадова Хедас.

Туризман сфера юкъахь кхио Iалашо хилла Нохчийчоьнан а, ГIирман а. Информацин гIо а латтош, керла туристийн проекташ кхочушъеш, зеделлаучуьнца дакъа а деш, белхаш бан сацамбина шина регионан туризман министралло Сочехь дIаяьхьначу форумехь. "ГIирмера туристаш республике оьхуш бу хIинццалц а, делахь а тIейогIучу заманчохь церан терахь кхи а лакхадер ду аьлла, тешна ву со. Соьлжа-ГIалара ГIирме кеманийн рейсаш а йоьллур ю аьлла, дегайовхо ю тхан", - аьлла ТАСС агенталле Нохчийчуьрчу туризман министраллан урхалхочо Байтазиев Муслима. Читать дальше...

Нохчийчоьнца дозанаш къасторехь дикка зеделларг ду шайн, цундела Дагестанна хьехаршца а, консультацешца а гIо кхачо кийча ду шаьш аьлла РБК-н телеканалехь гIалгIайн куьйгалхочо Евкуров Юнус-Бека. "Нагахь Дагестан тхоьца дагаялахь, оха хьоьхур дара дозанех дискуссин майданашка дуккха а адам гулдар, тхоьгара дийлина гIалаташ цаьргара а ца дилийтархьама. Со тешна ву, шина субъектна юкъахь нийсонан юкъаметтигаш хила а еза, бартбан а хууш хила беза уьш", - аьлла Евкуровс. Цо бахарехь, "Нохчийчоьнца... Читать дальше...

ХIусаман 5-чу гIат тIера чудоьжна, деллачу беран хьокъехь Нохчийчуьрчу Старопромыслан кIоштарчу талламхойн декъо гIуллакх долийна, луьстуш ду. Кхааридийнахь оцу кIоштан Маяковский олучу меттигерчу цIийнан корера чувоьжна 4 шо долу кIант оцу сахьта велла. Дийцарехь, ден-ненан тергонера ваьллачу кIанта кор ша схьа а диллина, цуьнан у тIе хIоьттина хилла.

Жигархочун Муцольгов Мохьмадан блогерехь ГIалгIайчуьрчу протестхойн боламан цхьахволчу лидеран Чемурзиев Бараханан сий дойуш пост зорбане яьлла еаридийнахь. Бакъонашларъярхочун блоган агIо яьстинчул тIаьхьа "Кавказский узел" агенталлехь араяьлла и публикаци. "Кавказ.Реалиига" Муцольговс дийцарехь, и материал цо язйина яц. Iуьйранна 10 сахьт даьллачул тIаьхьа зорбане яьккхина хилла материал дIаяьккхира хьостан администрацино тIаьхьо, дийцина юкъаралхочо. "Со Интернетца гIуллакх долуш вац карарчу хенахь... Читать дальше...