Новости за 23.11.2018

Москохан Къилба Малхбалехь таксхо вийнарг шеконашца лаьцна аьлла, хаамбина "Москва" агенталле Оьрсийчоьнан Талламан комитетан гIоьнчас Иванова Юлияс. "Талламчийн хаамашца, пIераскан Iуьйранна Угрешская урамерчу цIенна хьалха урс диттина, вийна стаг карийнера. Шеконаш йолуш лаьцна такси чохь вуьгуш хилла пассажир. Гергарчу хенахь талламан декъе дIакхачор ву иза хеттарш дан", - аьлла Ивановас. "Москва" агенталло хьалхо яздора, "Вайн нах" хостелан хадархочо хаамбинера, шайн гIишлонна гергахь урс даьккхина, вовшахлетарш хилла аьлла. Читать дальше...

Маршо Радион таханлера боцца хаамаш

Китайга а, дуьне мел ду баьржинчу китайхошка а шайна къинтIера довлар доьхуш, видеокхайкхам баржийна италхойн модельераша Дольче Доменикос а, Габбана Стефано а. Китайн модел гIожмашца, ка а ца йолуш италхойн даар дууш реклама арахецначул тIаьхьа расизм къадийна цара аьлла, бехкединера доллу модан цIа а. Скандал гIаьттинчул тIаьхьа Dolce & Gabbana олучу брендан хIуманаш туьканашка юхакхехьнера, ткъа Гонконгерчу яккхийчу туьканийн долахочо дихкира церан бедарш йохкар.

Цкъа а цадаьлларг даьлла кху кIиранах Кадыров Рамзанера. Цо наггахь болу Нохчийчуьра хилам а ца буьтура социалан машанашкахь хьахоза, цуьнан мах хадоза. Амма официалехь дош а ца хазийна ерриг а Оьрсийчоьно юьйцучу Соьлж-ГIаларчу тIаьххьарчу терактах лаьцна. ХIу ду-те иза?

Бзаров Аслан Авиацино маьрша нах бехачу меттигашна тIе тохарш дарх лаьцна хаамаш кхочу Шемарчу Дейр-эз-Зор кIоштара. Байинчу нехан терахь дуьйцу кеп-кепара: 40 тIера 240 тIекхаччалц. Оьрсийчоьнан а, Шемин а пачхьалкхан хаамийн гIирсаша билгалдоккху кхелхинарш зударий а, бераш а хилар, бехкейо Iамеркан Цхьанатоьхна Штаташ коьртехь йолу дуьненаюкъара коалици. Пентагоно бакъ ца до терахьаш, цо чIагдарехь, экстремистийн ДАIИШ тобанна дуьхьал тIемаш бечу ницкъашна гIодеш ю авиаци. Оцу юкъанна президента... Читать дальше...

Адамийн бакъонаш ларъярна аьлла, Францин, Германин совгIат дина Соьлжа-ГIаларчу "Мемориалан" офисан куьйгалхочунна Титиев Аюбна. 2016-чу шарахь дуьйнна Францин, Германин арахьарчу гIуллакхийн министраллаша юкъадаьккхина и совгIат дIасадоькъу хIора шарахь шайн мехкашкахь адамийн бакъонаш хьалхаяьхна, уьш Iалашъеш схьабогIучу бакъонашларъярхошна, яздо "Мемориалан" пресс-гIуллакххоша. Кху шарахь совгIатан лауреаташ дIакхайкхийна ишта Китайра а, Таиландера а, Африкера а, Камбоджера а, Ливанера а... Читать дальше...

Москохарчу полицин декъехь барт хоттучу хенахь велла 38 шо долу стаг. Кхааридийнахь хилла и инцидент. "Москва" агенталлан хаамашца, кху аьхка къола дина аьлла, лецначу Таджикистанерчу 18 вахархочух цхьаъ ву вуьйцург. Даге лазар деанера цунна аьлла, дIахьедо полисхоша. Агенталлан хьосташа дийцарехь, куьйгашна гIоьмаш тоьхнера цуьнан, полисхошна дуьхьало йина аьлла. Вешняки кIоштарчу полицин декъехь шега хеттарш дечу заманчохь, вуон а хилла, гIентара охьа а воьжна, велла иза. "Керланаш" агенталло даредарца... Читать дальше...

Нохчийчуьрчу бахархоша - кеп-кепарчу социалан тобанийн векалша дIахьедарш долийна нохчийн, гIалгIайн къаьмнаш цхьана бертахь хиларх. ТIаьххьарчу хенахь нохчашна а, гIалгIашна а юкъахь гIоьртина лаьтта хьал кхи тIе а дар ца далийта Iалашонца юкъаяьккхина ю и акци. Бертахь, вежарий санна цхьана даха вай бохуш, видеош дIа а язъеш, социалан машанашкахь яржайо роликаш нохчийн жигархоша. ХIора видеохь тIехь кхайкхам бо цара, #ВАЙНАХцхьанабу аьлла, хештег а хIоттош, социалан машанашкахь видеош яржаяр доьхуш.

Къаьркъа мелча санна, корта хьовзабо цхьа могIа молханаша аьлла, и препараташ ехкарх дийца даьккхина некъан полицин урхаллехь (ГИБДД). Могушаллин министраллаца цхьана машенлелорхошна ехка леринчу молханийн тептар хIотто дагахь бу некъан полисхой гергарчу хенехь. Russia Today агенталло бина и хаам. Магийна йоцу молханаш мелла, карабаьхкинчу шоферашна таIзар дийр долуш ду, къаьркъа а мелла машен лелочунна санна аьлла, яздо Russia Today агенталлан жуурналисташа.

Еарин сарахь Москох билгалбаьхна Гайдар Егоран цIарах дIасадоькъучу совгIатийн лауреаташ. Кху шарахь преми кхаьчна историн хьехархочунна Кацва Леонидна а, бакъонашларъярхошна Каляпин Игорна а, Кочетков Игорна а, Австрин политикна Шюссель Вольфгангна а. 2010-чу шарахь дуьйна юкъадаьккхина Гайдаран цIарах преми далар. СовгIатийн дакъа кхаьчна хIинццалц схьа Iилманчана Зубарева Натальина а, бакъонашларъярхочунна Ганнушкина Светланина а, и кх.дI.

Михальченко Лидия Берлинан Виттенау декъехь, кхаа шарахь шех "Нохчийн центр" аьлча евзачу юкъарлонан хIусамах хIинца "Кавказан центр" баха долийна. НеIара тIехула цкъачунна кхозу хьалхалерра цIе. Амма бина хийцам бакъбо цунах жоп лучара – Кавказан дуккха а къаьмнийн векалш лела цига, юкъахь буьйцу оьрсийн мотт. Хьажамурд – синбахамаллин хIусамерчу "Ал-Хайр" маьждигехь имаман накъост ву. Хьалхарчу шен дешарехь – историк а, цул тIаьхьа Шемахь исламан университет чекхъяккхарца - Iеламча а ву иза. Читать дальше...

Журналист Хашогги Джамал верца доьзна, СаIуда Iаьрбийчуьрчу 18 вахархочунна дуьхьал санкцеш яьхна Францино. Шайн пачхьалкхе бахка дихкина царна. Цу кепара дIахьедар дина Францин арахьарчу гIуллакхийн министралло. Хьалхо Германин Iедалша а дIакхайкхийра шайн пачхьалкхе шаьш буьтур бац и нах аьлла. Хашогги вийначул тIаьхьа Германино СаIуда Iаьрбийчоьнна герз дохкар а сацийна. Журналист Хашогги Джамал вийра байначу беттан юьххьехь Истанбулерчу саIудхойн консулаллехь. ТIаьххьарчу хенахь Эр-Риядан... Читать дальше...