Новости за 02.11.2018

Австрин чоьхьарчу гIуллакхийн министр Кикль ХIерберт цхьаьнакхетта Москох Оьрсийчоьнан коллегица Колокольцевца. Дийцаредина нохчийн мухIажирех сихха Австри дIацIанъяр а, даймахка уьш берзабе некъаш а. Оцу хаамо сингаттам боссийна Австрерчу нохчийн доьзалшка. Венерчу "Ичкери" центран куьйгалхочо Исханов Хьусайна довзуьйту цигара хьал.

Керла доьзал кхуллучу бахархошна ВИЧ а, маждар а цамгарш ца хиларан леррина сертификаташ лур ду лоьраша Нохчийчохь, дIахьедар дина республикерчу муфтийс Межиев Салахь-Хьажас. Цунах лаьцна яздо Grozny-inform агенталло. Меттигерчу могашаллан министралло цу гIуллакхна сертификатан леррина кеп кечйина зуда ялочу божаршна а, маре боьлхучу зударшна а хьажийна. Доьзал кхолла кечлучу кегийнехан могашалла толлур ю ВИЧ а, маждар а, кхин йолу а цамгаршна. ВИЧ цамгаран могашалла таллар Нохчийчохь юкъадаьккхина ду 2011-чу шарахь дуьйна. Читать дальше...

75 шо кхаьчна пачхьалкхо Кхарачойн къам махкахдаьккхина …Вайнах, сингаттамаша, мацалло, шелоно гIелбина, казахийн, гIиргIазойн лайша лаьцначу гIамаршка цIерпоштанаш чуьра охьабаьхча, царна массарел а хьалха дуьхьалбаьхкинарш, къинхетамца, шайгахь а тоъал доцчу, амма мелла а шаьш гулдинчу рицкъанах дакъадинарш бу нохчел, гIалгIайл шо сов хьалха махбаьхна хилла Кхарачой. Кхарачошна тIера дIадолийра Сталина а, цуьнан Iедало а Кавказан къаьмнаш бале а лоьцуш, церан автономеш йохор. 1939 шеран статистико бахарехь... Читать дальше...

Европан Кхерамзаллехула а, Юкъарлонашкахула а йолчу Кхеташоно (OSCE) сацамбина адамийн бакъонаш толлу, шех Москох кхоьллина механизм олу кеп юьхьар а оьцуш, Нохчийчохь бакъонаш талхор зен. Оцу хьокъехь шен бриффингехь журналисташка хаамбина Iамеркан Цхьаьнатоьхначу Штатийн Пачхьалкхан Департаментан векалан гIовсо Палладино Роберта, яздо хьасташа. "Тахана Венехь, Европан Кхерамзаллехула а, Юкъарлонашкахула а йолчу Кхеташонехь Цхьаьнатоьхна Штаташ I6 пачхьалкхо кхоьллинчу коалицин декъа яхна, Москох кхоьллинчу механизмах ... Читать дальше...

Нохчийчоьнан парламентан куьйгалхо Даудов Мохьмад бIаьргтоха вахана  Техьа-Мартанан а, Соьлжан а кIошташкахь ГIалгIайчоьнца Iуьллучу республикан территорешна.   Шеца хиллачу юьртабахаман министарна цо тIедожийна 10 де далале тесна дитина латтанаш ахар а, уьш ялтанах дIадер а. Даудовс дийцарехь, Ассиновкана а, Буматтана а гонаха дуккха а гIишлош ю тIемаш боьлхуш йохийна йолу. Меттигерчу Iедалан белхахошна тIедиллина цо уьш я меттахIиттор, я дIасаяхар. ГIалгIайчоьнца дозанца йолчу меттигашкахь... Читать дальше...

Оьрсийчохь 10 процентана даздала мегаш ду молханаш 2019-чу шарахь. Цунах лаьцна яздо "Известия" газето, Аптекийн гилди олучу юкъараллана тIе а тевжаш. Изза аьлла хеташ бу эксперташ а, молханаш духкучу компанийн векалш а.    Говзанчаш дийцарехь, валюта даздалар бахьана долуш хила мегаш ду махкал арахьара чудохьу молханаш даздалар. Цул сов, 2019-чу шеран Дечкен-беттан 1-чу дийнахь дуьйна хьалайоккхуш ю НДС (суртасатан тIетоьхначу механа налог) – 18 процентана тIера 20 процентана тIе кхаччалц.

Нохчийчохь вайна ши вахархо лохуш ю ГIалгIайчоьнан полици, хаам бо Оьрсийчоьнан зорбанан гIирсаша. Меттигерчу чоьхьарчу гIуллакхийн министраллан тIе а тевжаш, цара дуьйцу, цу шиннахь цхьаъ 32 шо долу Соьлжа-эвлара Цечоев Муса, ткъа важа Кантышевора (Несаран кIошта) 34 шо долу цуьнан гергара стаг Гуцариев ИбраьхIим хиларх лаьцна. Цу шингехь хилла мобилан телефонаш а, паспорташ а, кхин долу а документаш а. И ши стаг вар муха нисделла кхин дуьйцуш дац.

Европехь кхерамазаллан а, цхьаьнакъахьегаран а вовшахтохаралло толлур ду Нохчийчохь кIоршаме адамийн бакъонаш талхор. Цунах лаьцна дIахьедар дина журналисташна хьалха брифинг дIахьош Москох волчу Iамеркан Пачхьалкхан департаментан векалан когаметто Палладино Роберта. Цу Iалашонца ОБСЕ-но пайда оьцур бу Москох механизм олучу кепах, боху цо. Москох механизм ю наггахь а бен пайда оьцуш йоцу кеп, адамийн бакъонаш ларъярехула йолу проблемаш талла кхоьллина, хаам бина Палладинос. Цо дийцарехь, и гIулч... Читать дальше...