Новости за 07.05.2018

Толаман дийнан 73 шо кхачар даздеш тIеман ветеранашна 10 эзар соьмаш дIасадоькъур аьлла, бина хаам бу Оьрсийчоьнан къинхьегаман министраллан сайтехь. КIирандийнахь президента Путин Владимира куьйгяздина омра кхочушдийр ду министралло. Иштта ахчанаш доькъур ду Орсийчоьнан а, Латвин, Литван, Эстонин территореш тIехь бехачу оьрсийн ветеранаша. Динчу зерашца, 103 эзар гергга стагна дийр ду ахчанан совгIаташ.

"Мемориало" бечу хаамца, цхьахйолчу Мадинат Насран кIоштахь рогIера рейдаш дIаяьхьна Мисарарчу полицино байначу беттан 25-чу буса. Каирерчу организацино бахарехь, масех стаг дIалаьцна, билггал маса вигина хаа аьтто бац. ДIабигинчух цхьа а кост дац, церан гергарчаьрца зIене ваьлла стаг а вац, чIагIдо хьостано. Иштта хоуьйтуш дац дIалацаран бахьанаш а. Оьрсийчоьнан бахархой дIабигина ца Iаш, Советан хиллачу республикашкара нах а бу царлахь,  яздо "Мемориало". Маршо Радионо яздира, ах шайлахь бераш а долуш... Читать дальше...

Оьрсийчоьнан урхалле хIоьттинчу президентан Путин Владимиран инаугураци яра тахана делкъанна Москох.

Пачхьалкхан Думана премьер-министран дарже Медведев Дмитрийн кандидатура хьехна Оьрсийчоьнан президенто Путин Владимира. Президентан сайтехь бо и хаам. Хьалхо Москох дIайирзина Оьрсийчоьнан президент даржехь чIагIлуш инаугураци. Барам бирзинчул тIаьхьа министрийн кабинет дIасаяьлла.

Зуламан кодексан 3 артикл йохорна бехкевеш ву 27 шо долу Уфан а, 29 шо долу Нохчицчуьра а ши вахархо. Республикан прокуратуран пресс-гIуллакххоша бина и хаам. Талламчийн зерашца, бизнесхо лар а вина, цунна тIелатар дина кегийчу наха. Цунна йиттинчул тIаьхьа, цуьнан хIусамненан компанин цIархчу Mercedes-Benz машенан догIанаш дIадаьхна, лачкъийна. Масех бутт баьллачул тIаьхьа цушиннах цхьаъ шен доттагIчуьнца Уфарчу Театран скверехь цхьана довхочуьнца цхьанакхеттачу хенахь летарш нисделла. Бехкевечун... Читать дальше...

Хасу-юьртарчу администрацина хьалха оршотдийнахь гулбеллера бедарш юхкучу базарара 40 йохкархо. "Титаник" цIарца дика евзаш ю и меттиг. Дагестанерчу "Кавказ.Реалиин" корреспонденто бина и хаам. Шаьш базар хIуьтту меттиг дIаяккха гIертачу Iедална дуьхьалбевлла уьш. ГIалин мэрино бахарехь, бакъо йоцуш дIахIиттийна ю цигахь йохка-эцаран аьттонаш бен гIишлош. Набережная олучу урамехь ханна йина гIишлош, рагIуш шаьш дIадохо дагахь хиларх хаам Хасу-юьртан администрацино шен сайте оьллинера. ГIалин... Читать дальше...

ТАСС агенталлана еллачу интервьюхь Нохчийчоьнан куьйгалхочо Кадыров Рамзана некъаш, школаш, белхан меттигаш йоцу мокх, терроризм а эшош, кхиаме хилла дIахIоьттийна тIаьххьарчу 18 шарахь аьлла, дIахьедина. "Нохчийчоь хийцаелла. Вайна дагадогIу 18 шо хьалха вайн школаш, некъаш, цхьа а инфраструктура яцара. Экономика йоьжна яра, 100 процент белхазалла яра. Оьрсийчоьнан президент а, цуьнан доьналлийн сацамаш а бахьана долуш вай дуьненаюкъарчу терроризмца а толам баьккхина, меттахIоттийна экономика... Читать дальше...

Криминалехь лаьттина Кадыровн накъост ву нохчийн диаспоран урхаллехь?

Оьрсийчоьнан урхалле хIоьттинчу президентан Путин Владимиран инаугураци ю тахана делкъанна Москох. Кремлерчу шен белхан кабинетчуьра дIа Йоккхачу Кремлан хIусамчуьрчу Андреевн холле гIур ву Путин. ЧIагIо йиначул тIаьхьа Соборан майданехь Кремлан полкан параде хьажа Iалашо ю президентан. Цул тIаьхьа Благовещенскан килс чохь йоцца далла Iамал йийр ю цо. Оршотдийнахь Путина Пачхьалкхан Думехь керлачу премьер-министран кандидатура а йовзуьйтур ю. Хьалхо зорбанашкахь яздора, даим санна Москохан урамашкахула президентан ковр чекхъер яц... Читать дальше...

ГIалгIайчоьнан а, Нохчийчоьнан а дозанехь журналисташна а, бакъонашларъяхошна а тIелатар дар таллар дIадахдина Товбеца-беттан 25-чу дийне, хаамбина тIеIаткъам хиллачех Сковорода Егора. Маршо Радионо хьалхо яздира, гIуллакх листар дIатеттина хиларх, амма журналистна Сковородана хIетахь билггал хууш дацара, муьлхачу ханна. Лурчаха Зазадоккхучу баттахь ГIалгIайчоьнан а, Нохчийчоьнан а дозанехь муьлш бу ца хуучу наха тIелатар дина, йиттинера микроавтобус тIехь Соьлжа-ГIала боьлхучу 8 бакъонашларъярхочунна а... Читать дальше...

Соьлжа-гIалин коьрта некъ дIакъевлина толаман денна хIотточу парадна кечамбеш. Бараман декъахоша дийцарехь, кечаман тIаьххьара репетици ю тахана дIахьош. Кадыровн а, Путинан а проспекташ дихкина ду. Урамашкахь лаьтта Кадыровн суьрташ тIехь тIеман техника, шайлахь БТР-аш а йолуш. Путинан проспектехь чIаьгIна ю кафен а, туьканийн а неIарш. МогIарерчу нахана дихкина ду проспекташка бийлар.

Коммуналан декхарш пачхьалкхан белхахошкара схьагулдеш ду, балхара дохор ду бохуш, кхерамаш а туьйсуш. Белхан хьаькамаша тIедожийна шайн белхахошна, шайна тIехь газах, тоьках, хих а декхар цахиларан тоьшалла-кехат да аьлла. И тоьшалла чу ца лахь я алапаш сецор ду, я балхара дIабохур бу аьлла, дIа а хоуьйтуш, дийцина "Кавказан узел" агенталле меттигерчу бахархоша. Шайн балхах ца бохархьама, ахчанаш дIалуш, кассашна хьалха гулбелла дуккха а нах лаьтта. Республикан дешаран, Iилманан министраллехь цу кепара омра дина хуьлийла дац аьлла... Читать дальше...