Новости за 24.05.2018

Маршо Радионо бовзуьйту таханлера боцца хаамаш

Трамп юхаваьлла Ким Чен Ын-ца цхьаьнакхетаре вахарх. Цу хьокъехь кехат хьажийна Iамеркан президенто Къилбаседа Корейн хьалханче. Цуьнан текст арахецна КIайн ЦIийнан зорбанан сервисо. Цу кехата тIехь аьлла ду, Къилбаседа Корейно вуно йоккхачу оьгIазаллица а, хьул а ца деш, мостагIаллийца а деш долчу дIахьедарша ца оьшуш дон карарчу хенахь и сатийсина цхьаьнакхетар аьлла. Iамеркан президент Трамп Доналд тIебогIучу баттахь Къилбаседа Корейн хьалханчица Ким Чен Ын-ца шен хила езачу саммите вахарх... Читать дальше...

Нохчийчохь бехктакхаман гIуллакх таллар дIадерзийна 38 шо долчу меттигерчу вахархочунна Бекмурзаев Русамбекана дуьхьал долийна хилла. Иза бехке веш ву 2000-чу шарахь Оьрсийчоьнан ши эскархо а, федералан кхерамазаллин сервисан эпсар а верна. Цунах лаьцна яздо "Регнум" агенталло, Оьрсийчоьнан талламан комитетан урхалло бинчу хаамна тIе а тевжаш. Цуьнца а догIуш, 2000-чу шарахь ГIадужу-беттан 8-чу дийнахь Бекмурзаевс Хьалха-Мартанарчу базарахь, улле тIе а вахана, герз тоьхна вийна кхо эпсар - ши эскархо а, ФСБ-н белхахо а. Читать дальше...

Скрипаль Сергейн йоIа официалан дIахьедар дина прессехь.

ГIалгIайчоьнан талламан комитетан бехке во меттигера оппозиционер Хазбиев Мохьмад, республикан куьйгалхочуьнга Евкуров Юнус-Беке а, Iедалга а, суьдан системан векалшка а, ткъа иштта Iедалан а, ницкъаллин а структурашка а цабезам кхолларна Цунах лаьцна «Медиазоне» хаам бина, Хазбиевн адвокато бакъонашларъярхойн «Агора» тобанан векло Сабинин Андрейс. Цу кепара, оппозицин жигархочунна дуьхьал схьадиллина ду бехктакхаман кхо гIуллакх. Хьалхо цунна бехке диллинера Iедалан векалш сийсаз бар а, бакъонца доцу герз латтор а. Читать дальше...

Кхиазхой, уллехь да я нана доцуш, я цаьрга хаттаза, буьтур бац маьждиге я килсе Казахстанехь. Ишта сацам кечбина пачхьалкхан парламенто.

Мировалев Мансур Рождествено, Оьрсийчоь – таджик Солиев Назим тешна ву ша кхузахь оьшуш хиларх Аьлча а, ша ву, боху Тверна гергахь дIатарвеллачу 35 шо долчу таджико (иза Советан Iедал доьхча кхоллаеллачу пачхьалкхех уггаре къечу Таджикистанера веъна), дакъазъяьлла оьрсийн юрт лечуьра кIелхьаръяккхинчех. "Кхуза тхо ховшар гIолехьа ду китайхой баьржачул, - элира дийнахь шина ражехь болх беш, школехь пеш ягочу, Таджикистанерчу барамашца дуьстича, ши алапа – 200 доллар - оьцучу Солиевс. Оьрсийн мотт цIена буьйцуш а... Читать дальше...

Малайзин авиакомпанин  "Боинг-777"  2014-чу шарахь Товбеца-беттан 17-чу дийнахь Донбассана тIехула чудаийтина хилла Оьрсийчоьнан тIеман ницкъийн 53-чу зенитан-ракетан бригадан "Бук" системо. Цунах лаьцна хаам бина Нидерладийн прокуратуран векло, хилларг къасточу талламан тобанан зорбанан конференцехь. Цо дийцарехь, талламхошка цкъачунна жоьпаш  ца далало хIунда дина иза, мила ву жоьпехь иза дарна бохучунна. Хьалха а талламана хууш дара "Боинг", "Буках" пайда а эцна, чудаийтина хилар. Амма, талламхоша дийцарехь... Читать дальше...

ГIалгIайчохь ши йиша лаьцна, дIадаханчу кIиранах зудий-майрий дерна бехке хила мега аьлла шеко йолуш. Кавказ.Реалии-но дийцарехь, йижарша Л. Iайна а, Танзилас а, шайгахь дуккха а дашо ду дохка аьлла, Iеха а дина, хан а, меттиг а йиллина, дийна дашо хIуманаш юхкучу туьканан долахо долу зудий-майрий. Маршо Радионо дийцина ма хиллара, герз тоьхна, вийначу ГIалгIайчуьрчу вахархочуьанан дакъа карийнера Назранан йистехь машенчохь. Болчу хаамашца, коьртах тапча тоьхна вийначу 49 шо долчу меттиегрчу... Читать дальше...

ГIалгIайчохь ши йиша лаьцна, дIадаханчу кIиранах зудий-майрий дерна бехке хила мега аьлла шеко йолуш. Кавказ.Реалии-но дийцарехь, йижарша Л. Iайна а, Танзилас а, шайгаахь дуккха а дашо ду дохка аьлла, Iеха а дина, хан а, меттиг а йиллина, дийна дашо хIуманаш юхкучу туьканан долахо долу зудий-майрий. Маршо Радионо дийцина ма хиллара, герз тоьхна, вийначу ГIалгIайчуьрчу вахархочуьанан дакъа карийнера Назранан йистехь машенчохь. Болчу хаамашца, коьртах тапча тоьхна вийначу 49 шо долчу меттиегрчу... Читать дальше...

Якутера цхьана эвларчу вахархочо 5 стаг вийна. Царах цхьаъ бер ду, хаам бо ТАСС агенталло. Талламан комитето дийцарехь, цул тIаьхьа и стаг велла, ша шена а тоьхна. Бохам хиллачу меттехь болх беш бу талламхой а, полисхой а.

Къаьстттина халчу хьолан раж кхайкхош ю Стигалкъекъа-беттан 25-хь дуьйна Нохчийчуьрчу 11 кIоштахь, йокъо эккхар бахьана долуш. Цунах лаьцна хаам бина ТАСС агенталло. Республикерчу ораматаш кхиоран а, механизаци яран а департаментан куьйгалхочо Шамурзаев Хьамида дийцарехь, жилIалам карзахдаларо хIинцале а зен дина бIаьста дийначу ялташна. Цуьнан барам бу 38 эзар гектар.

Шен дахарехь массех пачхьалкхан карчам, хIоттам, иттех тIом байна НогIамирзин-Юьртарчу (Теркйист) Истамбулова Кхокхина. Ша дуьнентIехь массарел йоккха юйла а ца хиина цунна ша йолчу журналисташ леста буьйлабаллалц. Я дозалла а ца до, я йоккхаеш а яц иза шен дахарх: хала а, бале а оьмар кхаьчна шена, дуьйцу цо Маршо Радион корреспонденте.

Бакъонашларъярхо Титиев Оюб лоцуш полисхоша низамаш дохийна бохург бух болуш ца карийна Оьрсийчоьнан чоьхьарчу гIуллакхийн министраллин Нохчийчуьрчу урхаллина. Полицин куьйгалло делла жоп фейсбукехь зорбане даьккхина "Къизаллашна дуьхьалояран комитетан" талламийн декъан куьйгалхочо Бабинец Сергейс. Нохчийчуьрчу низамаш лардочу органашка шайн комитетан цIарх латкъам бинарг вара Бабинец.  Титиевн адвокаташ тIера ца бовлу цунна дуьхьал бехктакхаман гIуллакх леррина кхоьллина ду, ткъа наркотикаш машенчу кхиссина ю бохучунна.

Бакъонашларъярхо Титиев Оюб лоцуш полисхоша низамаш дохийна бохург бух болуш ца карийна Оьрсийчоьнан чоьхьарчу гIуллакхийн министраллан Нохчийчуьрчу урхаллана. Полицин куьйгалло делла жоп фейсбукехь зорбане даьккхина "Къизаллашна дуьхьалояран комитетан" талламийн декъан куьйгалхочо Бабинец Сергейс. Нохчийчуьрчу низамаш лардочу органашка шайн комитетан цIарх латкъам бинарг вара Бабинец.  Титиевн адвокаташ тIера ца бовлу цунна дуьхьал бехктакхаман гIуллакх леррина кхоьллина ду, ткъа наркотикаш машенчу кхиссина ю бохучунна.

Европан адамийн бакъонашкахула кхело 20 шарахь 2 миллиард гергга евро даьккхина Оьрсийчоьнера. Дукхачу хьолехь Оьрсийчуьрчу Iедалша дохош хилларг ю бакъонца кхелехь девнаш листа шайн махкахойн йолу бакъо а, ткъа иштта ницкъ бар дехкар а. Цу тайпа хаамаш арахецна шен дIахаийтарехь "Юкъараллан  вердикт" (Общественный вердикт) фондо. 1998-чу шарахь дуьйна берриг а Страсбургерчу кхеле кхаьчна 148 эзар латкъам. Царах 136 эзар листа тIеэца мегар доцуш лерина кхело. И таллам бина Европан адамийн бакъонашкахула... Читать дальше...