Новости за 14.03.2018

Кху деношкахь Оьрсийчохь дIахьош ю спортан эстафета, «180318» цIе а йолуш. Акцин Iалашо ю алссам нах президентан харжамашка кхайкхар.

Кху деношкахь Оьрсийчохь дIахьош ю спортан эстафета, «180318» цIе а йолуш. Акцин Iалашо ю алссам нах президентан харжамашка кхайкхар.

Нохчийчуьрчу харжамийн каппашкахь кхаьжнаш тосучу дийнахь тIехь терго латто 53 шен лаам болу тергамча вахийта Iалашо ю оппозиционеран Навальный Алексейн штабан. "Нохчийчоь. "99 процент наха кхаьжнаш тесна" йолу. Тхоьга Iаламат дукха кехаташ даьхкина оцу республикера. Лечкъа а ца деш, кхаьжнашна тIехь фальсификаци ю лелош, шаьш болх бан кхоьру бохуш, яздо бахархоша. "Тхо кхузахь даха дезаш ма ду кхи дIа а", ишта кхин а… Царех кхета мегар ду, делахь а цхьа ши майра стаг ву, тергамчаш санна цига ваха лаам болуш... Читать дальше...

Путин президент хIоьттинчу заманчохь дуьненчу бевларш бу дуьххьара кхаж таса боьлхуш. Уьш хIу лелош бу, харжамех хIун хета царна, шайн а, пачхьалкхан а кхане муха го царна?

Оьрсийчоьнан Талламан комитетан регионашкарчу урхаллаша а, чоьхьарчу гIуллакхийн министраллаша а керла юкъаевллачу смартфонашна чудовла аьтто беш гIирс эцна Оьрсийн "Би-би-сино" бо и хаам. Ницкъаллийн структураша юкъалелачаьрца барт а беш, Израилан "Cellebrite" компанин продукци эцна, смартфонаш а, керла юкъаевлла iPhone X телефонаш а йосту. ГIирс арахецначу компанино тоьшаллаш дарехь, оцу технологино аьтто ло гаджетера суьрташ схьаэца а, телефонаш дIа-схьа хьаьнга йиттина талла а, месседжершкара вовшашка кхехьийтина йозанаш деша а. Читать дальше...

Великобританера оьрсийн 23 дипломат аравоккхуш ву. Оцу хаамца йистхилла премьер-министр Мэй Тереза. Цо иштта дIакхайкхийна, Британин официалан декъашхой Оьрсийчохь дуьненаюкъарчу чемпионатехь хир бац аьлла а. Лондоно Оьрсийчоьнца шен юкъаметтигашкахь а дозанаш латтор ду аьлла премьер-министро. ГРУ-н хилла полковник Скрипаль Сергейна а, цуьнан йоIана Юлина а британхойн Солсбери гIалахь дIовш тохарна бехкейо Мэйс Оьрсийчоь. "И инзаре инцидент бахьанехь хьалхалерачу тIегIанехь хуьлийла дац тхан юкъаметтигаш. Читать дальше...

ГIаттамхошна гIо латтийна аьлла бехкевина, кху гурахь лаьцна ГIалгIайчоьнан вахархо Хамхоев Альберт маьршаваьккхина, кхи дIа йолчу ханна шен цIахь лар а веш. "Мемориал" олучу бакъонашларъяран юкъаралло шен сайтехь бина и хаам. Шинаридйинахь  кхелан кхеташонехь чоьхьарчу гIуллакхийн Назранан кIоштарчу талламан декъан белхахочо Евлоевс кхи а цхьана баттана Хамхоев чохь сацаве аьлла, дехнера суьдхошка. Кхело цуьнан дехар дIа а тоттуш, сацам тIеийцира, Хамхоев шен цIахь вуьтуш. Кхелахоша бахарехь... Читать дальше...

Москох Немцов Борис ваьхначу цIенна тIе цуьнан безамна ун тухур ду пIераскандийнахь. ГIалин мэрига хьалхо и дехар динчу президентан харжамийн кандидата Собчак Ксенияс бина и хаам. "Мэрис пурба делла тхуна, цул совнах оцу цIа чохь бехачара куьйгаш а яздинера дехарна буха. ХIуммаъ атта а дацара куьйгаш лехьо.  Массарна а царна баркалла ала луур дара суна. Тхан дехарна жоп деллачу гIалин мэрана Собянинна а, инициативан тобанна а баркалла. Баркалла иза вийначу тIай тIехь хIокху кхаа шарахь ха латторна а... Читать дальше...

Парламентерчу жураналистийн-зудаберийн коча ихна аьлла, вьйцучу пачхьалкхан Думан депутатан Слуцкий Леонидан агIо лаьцна Кадыров Рамзана. "Сайн ваша лору ас Слуцкий Леонид, - яздина Нохчийчоьнан куьйгалхочо Твиттерерчу шен агIонехь. – Тхан къоман уггар а халачу хенахь тхоьца вара из. Зударийн иза коча ихна бохург – аьшпаш бу. Хазачу йоIе забар йина хир ю. Муьлххачу а стеган декхар ду и. Суна сайна гина-кх мехкарий цуьнан коча оьхуш. Цкъа а ца гина, иза зударшца эвхьаза вала гIерташ. Леонид, шек ма вала хьо... Читать дальше...

Оьрсийн зорбанашкахь байначу баттахь Нохчийчоьнан куьйгалхо Кадыров Рамзан хьехор лахделла, цул хьалхарчу баттаца дуьстича. Оьрсийчоьнан регионийн куьйгалхой хаамийн гIирсашкахь хьехор теллинчу "Медиалогис" хIоттийначу рейтингехь ду и жамIаш. Москохан мэр Собянин Сергей ву хьалхарчу меттигехь, цунна тIаьхьа вогIу Москох кIоштан губернатор Воробьев Андрей. Дагестанан куьйгалхочо Васильев Владимира а, ГIезалойчоьнан урхалхочо Минниханов Рустама а дIалаьцна кхоалгIа а, йоьалгIа а меттигаш. Нохчийчоьнан куьйгалхо пхоьалгIачу меттигехь нисвелла.

Нохчийчуьрчу прокуратурано гIуллакх айдина Гуьмсерчу жимчу стагна дуьхьал, кхело экстремизмалле лерина, федералан тептаре даьхна бардан Муцураев Тимуран иллеш социалан машанехь даржорна, яздо "Кавказан узел" агенталло. "ВКонтактерчу" шена агIон тIе масех Муцураевн илли даьккхина хилла бехкевечо. "Низамца а догIуш, цу кепарчу зуламна 3 эзар сом гергга гIуда догIу я административан таIзар – чохь даккха 15 дей, буьйсий", - аьлла, дийцина прокуратуран векало агенталле. Гуьмса кIоштерачу вахархочух ши эзар сом хьарчийна кхело. Читать дальше...

Шелан кIоштахь кхаа стагана чевнаш а хуьлуш, некъан бохам Iоттабелла. Чири-эвла чу воьрззучохь, болчу хаамашца, 30 шо долу Лада Приора машенан долахо шена дуьхьал йогIучу автомобилна тIекхетта. Чевнаш йина ший а шофер, дарбан хIусаме кхачийна. Хиллачу инцидентан гонах талламаш дIахьош бу полисхой.

Оьрсийчоьнан президентан харжамаш герга кхочучу юкъанна Нохчийчоьнан куьйгалхочун Администрацино эстафета кхайкхийна #сохаржамашкагIурву аьлла. Mylistory-н агIонерчу урхаллан официалан пена тIехь бина и хаам. Эстафетехь уггар хьалха дакъалаьцна Администрацин куьйгалхочо Израйилов IабдулкъахIира. Социалан машанехь шен сурт оьллина цо "Со харжамашка гIур ву" аьлла, тIе а яздина. Акци йолийна шинарийдийнахь. Амма хIинцале цу юкъахь шайн позици дIахаийтина иттанашкахь махкарчу хьаькамаша.