Новости за 13.03.2018

Шен ялх шо долчу хенахь футбол ловза а волавелла, цул тIаьхьа хоккей дехьа а ваьлла, эххар а джиу-джитсухь дуьненаюкъара чемпион хIоьттина Горчханов Iайнди вевзий шуна? 15 шо бен доцчу кIентан ойланех, лаамех, толамех, сатийсамех ю видео.

Оьрсийчоьнан тIеман министраллан сайтехь пIераскандийнахь доьрзур ду керласу ракетан цIе хоржуш, кхаьжнаш тасар, хаамбо "Интерфаксо". Карарчу беттан хьалхарчу дийнахь президента Путина ша хIора шарахь Федералан кхеташоне ден дIахьедар довзуьйтуш элира, Оьрсийчоьно керла тIомайолу ракета а, хин бухахула лела зарратан кеманийн система а арахецна, амма оцу герзна цкъачунна цIе тиллина яц, аьлла. Нохчийчоьнан куьйгалхочунна Кадыров Рамзанна хетарехь, Оьрсийчохь хIора вахархо а ву шена товш хета цIе яккха йиш йолуш ... Читать дальше...

Пачхьалкхан секретаран даржера мукъаваьккхина Тиллерсон Рекс Iамеркан Цхьанатоьхначу Штатийн президента Трамп Доналда. ЦРУ-н хилла директор Помпео Майк хIоттийна цуьнан метта. Ткъа Помпеон дарж дIалоцур ду Хаспел Джинас. ЦРУ-н коьртехь дуьххьара хилла зуда ю иза. "ЦРУ-н директор лаьттина Помпео Майк хир ву вайн керла пачхьалкхан секретарь, цо Iаламат дика болх а бийр бу. Баркалла Тиллерсон Рексна хIинццалц къахьегарна! Хаспел Джина ЦРУ-н коьртехь хир ю, оцу даржехь дуьххьара зуда ю иза. Массо... Читать дальше...

Соьлж-гIалара цхьа жима стаг а, йоI а дIалаца гIоьртина полисхой. Царна  новкъарло йина меттигерачу бахархоша. Кхаарийндийнахь делкъал тIаьхьа "Беркат" базаран кертарчу кафе чохь цхьана хIума кхоллуш долу йоIIий, кIанттий чулилхинчу полисхоша, ара а даьккхина, полицин декъе дIадига гIоьртина ГБР олучу полицин белхахой. Кафе чуьра а, урамера а нах тIе а беттабелла церан карара даккха аьтто баьлла и шиъ. Оцу инцидентан теш хиллаччо Маршо Радиога дийцарехь, кхин бахьана дацара и шиъ дIалаца гIортаран - йоI кIантаца кафе чохь хиина Iаш хилар бен.

Iамеркан Цхьанатоьхначу Штаташа Дамаскана ракеташ тохахь, нагахь оцу тохарша Оьрсийчоьнан эскаршна кхерам а бахьахь пачхьалкхан тIеман министралло шаьш дуьхьло йийр ю аьлла. ТIеман буьйранчас, Инарла штабан хьаькамо Герасимов Валерийс дина и дIахьедар. Цо бахарехь, Дамаскерчу хьукматашкахь а, Шеман тIеман министраллан объекташкахь а бу оьрсийн тIеман хьехамчаш а, юкъахь мостагIалла лаьттачу агIонийн маслаIат дечу Центран векалш а, тIеман полисхой а. Хьалхо Iамерко дIахьединера, шаьш Шемахь химин тIелатарш а... Читать дальше...

Йоллучу Францехь даханчу 2017-чу шарахь уггаре а кхиаме хилла спортхой базбаран церемони дIаяхьира оршот дийнахь Ниццехь. Цу даздаршкахь дакъалоцуш 400 сов спортхо вара. Францин чемпионаташна тIера Европан а, Дуьненан а къовсамашка кхаччалц хиллачу турнирашкахь толамаш баьхнарш а, ткъа иштта Олимпикан ловзаршкахь дакъалаьцнарш а, толаман меттигаш баьхнарш а бара церан могIаршлахь. Францин тоьллачу спортхошна юккъехь 6 нохчо а вара. Маьршачу кепехь латаршкахь а, дзюдохь а, боксехь а, джиу-джитсухь... Читать дальше...

Оьрсийчоьнан президентан харжамийн кандидато Собчак Ксенияс телевизионехь дебаташ дIахьочу хенахь, Кремло аннекси йина ГIирма массо а "баланийн, проблемийн бух бу" аьлла, тIейогIучу тIаьхьенна а кхочур болуш.. "ГIирма бахьана долуш тахана санкцеш а тоьхна вайна, доллучу дуьненца яккхий проблемаш а ю вайн, йогIу йолчу хенахь сан берийн дезар ду ГIирман проблемаш ерзо. Дера ю и йоккха проблема", - аьлла, дIахьедина Собчака. Иштта цо дийцина, ща гуманитаран миссица ГIирме яха дагахь хиларх а. Харжамаш... Читать дальше...

Нохчийчохь оршотдийнахь дуьйнна Оьрсийчоьнца юкъахь нарктикашна дуьхьал йолийна акци ю "Хаам бе, стенгахь юхкуш ю Iожалла" аьлла. Акци дIаяхьаран Iалашо ю - юкъаралла наркотикашца къийсам латто декхаре яр, цаьрца боьзначарна гIо кхачо а, царна дарба дарехь а, реабилитаци ярехь а консультаци латтор а. Цуьнца доьзна бахархошка беш кхайкхам бу, муьлхха а наркотикаш юхкуш, пайдаоьцуш меттиг шайна хаалахь, наркотикашна дуьхьало латточу урхалле хаамбар доьхуш.

Нохчийчоьнан прокуроран хьалхарчу гIовса Хабаров Николайс Оьрсийчоьнан Талламан комитете юхакховдийна кхи а дуьззина талламаш байта чIирна дуьхьал стаг вийначу шинна дуьхьал даьккхина бехкзуламан гIуллакх. Талламчашна гучудаларехь, лурчаха аьхка бехкебечара стаг вийна хилла Нохчийчохь герз тоьхна, чIирна дуьхьал. ГIуллакхан материалаш луьстуш билгалдаьлла, зуламан-процессуалан низамаш дохийна хилар гIуллакх толлучу юкъахь, я лебина тешаш цахилар а. Кхачамбацарш дIанисдайта прокуратурано Талламан... Читать дальше...

Соьлжа-ГIаларчу "Мемориалан" офисехь карийнарг марихуана хилар гайтина экспертизано. Чоьхьарчу гIуллакхийн министраллан эксперто дIахьедина, Соьлжа-ГIаларчу бакъонашларъярхойн офисан балкон тIехь карийна цигаьркаш марихуанех юьзна хилла аьлла, дийцина "Медиазоне" Титиев Аюбан адвоката Заикин Петра. Иштта Заикина бахарехь, ши цигаьрка керла, цIена хилла, балкон йиллина йоллушехь, офисах талламаш бале масех де хьалха догIа а, ло лаьттиншехь. Дечкен-беттан 19-чохь хаамбинера, полисхоша "Мемориалан" офисех талламаш бина аьлла. Читать дальше...

Оьрсийчоьнан президент хоржу хан герга мел кхочу жигара даьхна Нохчийчоьнна информацин тIелатарш дар аьлла, билгалдаьккхина мехкан куьйгалхочо Кадыров Рамзана, харжамийн хеттарш дийцаредечу кхеташонехь. "Вайн махкахь зуламаш лахделла, кхуьуш ю экономика, адамийн дахаран хьелаш толуш ду, церан бакъонаш ларъеш ю. ХIетте а Малхбузера цхьаболу ницкъаш вайн республикехь гIурт бу, адамашна тIехь ницкъ латтабо, лелаш низамаш дац, къоьлла ю бохуш, сурт хIотто гIерта. Церан Iалашо ю – регионехь хьал талхор", - аьлла Кадыровс. Читать дальше...