Новости за 19.01.2018

Тбилисехь спецоперацехь вийначу нохчийн тIемалочун Чатаев Ахьмадан чалх лаьтте кховдо хIинца а дIакхачоза ю ПIаьнказа. Меттигерчу бахархоша шаьш кхи дехарш дийр дац аьлла, цуьнан дакъа схьадоьхуш, нагахь схьалахь, дино ма хьоьхху, дIавуллур ву шаьш аьлла, яздо IPN агенталло. Бахархошна хеттачунна тIехь ву ПIаьнказара къанойн кхеташонан хьалханча а "ТIаьххьарлера хиламаш Чатаевн цIарца боьзна бара. Къанойн хьалханча со хиларе терра, ца воллу со байинчинй чалхаш схьаеха. Доккха вуон деана тхуна тIе. Читать дальше...

Кхерамзаллан Кхеташонан декъашхошца Оьрсийчоьнан президенто цхьанакхетар дIадаьхьна Украинерчу хьолах дуьйцуш. Кремлан сайт тIехь яздарца, Донбассан реинтеграцех Лакхарчу Радас тIеэцна низам бIостанехьа дерза там бу Украинан чуьра ситуаци ерзорехь тIейогIучу ханна. Минскан бертан дийцарийн а, "нормандин форматан" а альтернатива яц аьлла хета Кремлна. Оьрсийчоь агрессор-пачхьалкх а лоруш, юкъадаьккхинчу  Донбассан реинтеграцех низамна Москох реза яц аьлла, дIахаийтинера хьалхо президентан пресс-секретара Песков Дмитрийс. Читать дальше...

Бакъонашларъярхо Титиев Аюб маьршаваккхар тIедожош, Оьрсийчоьнан президентан харжамийн кандидато, журналисто Собчак Ксенияс Нохчийчоьнан куьйгалхочуьнга Кадыров Рамзане яздинчу кехатна жоп делла мехкан урхалхочун пресс-секретара Каримов Iалвис. "Нохчийчоь тахана" агенталло бина и хааам. "Компетенте органаш ю "Мемориалан" куьйгалхочун Титиев Аюбан гIуллакх луьстуш, талламчийн процесса юкъа ца гIерта мехкан куьйгалхо", -  аьлла пресс-секретара. Харжамийн шен кампанина тIе терго озорхьама дина Собчака и дIахьедар... Читать дальше...

МухIажирша меттигерчу бахархошачул а  алсам зуламаш до бохург бакъ ца дина немцойн полицино.  ТIебаьхкинчу наха де зуламаш таллархьама  Германерчу Брауншвайг гIалахь лерина  кхоьллинчу полисхойн зондер-тобан куьйгалхочо Кюх Улфас дийцарехь, хаамийн гIирсашкахь даржош долу криминалечу мухIажарийн сурт харц ду. Шайн тобанан зеделлачух лаьцна дийца Вене веанчу полисхойн хьаькамо элира, Германе тIаьххьарчу шина-кхаа шарахь миллион сов мухIажир кхачаро цу махкахь деш долчу зуламийн терахь башха хийцина дац,  иза цхьаьнаэшарехь дисна аьлла. Читать дальше...

Стенгахь ву Бакаев Зеламха? Мила ву иза лачкъорна бехке? ХIун боху цуьнан гергарчара, доттагIаша, махкарчу Iедало?

Австрехь уггаре а евзачарех мухIажаршна гIодархо, адамийн бакъонаш ларъярхо Бок Уте кхелхина оршотан Iуьйранна. Ша кхоьллинчу а, куьйгалла дечу а "Ute Bock Haus“  цIе йолчу кхерчахь ша ехаш хилла йолу Бок мухIажарийн карахь дIаяьлла аьлла, хаам бина Маршо Радион хьостано. 75 шо долу Бок Уте берийн кхетош-кхиорхо санна болх бина яра. Ша пенсе яханчул тIаьхьа шен доллу дахар а мухIажаршна Iуналла дарна леринера цо. Эзарнаш нохчий а чекхбевллера цо куьйгалла дечу мухIажарш чохь Iачу кхерчехула. Австрерчу... Читать дальше...

Наркотикаш лелийна аьлла, бехке а вина, лаьцна латточу Титиев Аюбан гIуллакхан хьокъехь пIераскан Iуьйранна Соьлж-ГIаларчу "Мемориалан" офисах хьовса полисхой баьхкина хилла, яздо "Новая газетано". Москохарчу "Мемориалан" куьйгалхо Орлов Олег регионехь ву, кхуза схьаван тIекхочучохь а ву аьлча а, тергал а ца деш, шайн талламаш болийна ницкъахоша иза схьакхачале. Де хьалха "Мемориало" Соьлж-ГIалахь лаьцначу хIусаман долахо йолчу а баьхкинера полисхой. Кху беттан 16-чохь а, 18-чохь а шозза хеттарш дина цара зудчуьнга... Читать дальше...

"Перехват" аьлла операци кхайкхийна Волгоградехь. ТаьIначу басара 75 регионан "Инфинити" а, 163 регионера "Лада-Приора" а лоьху Росгвардино а, полисхоша а, хаамбо "Комсомолан бакъдерг - Волгоград" газетано. Яхначу суьйранна 7 сахьт долучу хенахь веа стагах лаьтта компанин (ши ваша азербайджанхо, Нохчийчуьра цхьаъ, оьрси) садоIуш хилла меттигерчу кафе чохь. Уьш цу чуьра ара ма бевлли царна тIелатар дина. Кафена 30 метар юьстах сецначу Iаьржачу Джип чуьра герзашца масех стаг охьавоьсина хилла. Кафечуьра арабевллачарна тIе герзаш а диттина... Читать дальше...

"Навальный Live" шен YouTube-каналехь хIора кIиранах арайолучу программехь Нохчийчохь бакъонашларъярхошна Iедал тIаьхьадаьлла леларх вистхилла политик, оппозиционер Навальный Алексей. "Къилбаседа Кавказера кху кIиранах дукхха а хаамаш хилла, и хаамаш там боцуш а бу", - аьлла цо. Уггар хьалха "Мемориалан" куьйгалхо Титиев хьахош, политика аьлла "наркотикаш цунна кхийсина хиларх цхьаннан а шеконаш яц", аьлла. Иштта Навальныйс тергоне эцна "Мемориалан" ГIалгIайчуьра офиц ягор а. Цо бахарехь, "меттигерчу полицин гIоьнца" дина зулам ду и. Читать дальше...

Нохчийчоьнан прокуроран Абдул-Кадыров Шарпуддин дехарца Грозненск кIоштан прокуратурано талламаш дIабаьхьна корта лазийна дарбан хIусаме кхачийначу кхиазхочун хьокъехь. Илиновскерчу школехь физкултуран урокехь шеца доьшуш волчу кIантаца леттачохь и дешархо лазийна хилар билгалдаьлла талламхошна. Оцу заманчохь хьехархо дIасаваьлла хилла. Цул совнах, школано конфликтан ситуаци ерзорехь цхьа а некъаш ца лелийна. Школан директорна а, кхечу бехкечарна а дисциплина лардина цахиларна жоьпалла тIедожийна... Читать дальше...

Нохчийчохь вевзачу нохчийн юкъаралхочо Успанов Юнис Фейсбукерчу шен пена тIехь кхайкхам бина "Мемориалан" Соьлж-гIаларчу декъан куьйгалхо Титиев Аюб маьршаваккхар доьхуш. Успановс ша ца теша боху бакъонашларъярхо Титиев наркотикашца бала болуш стаг ву аьллачух. "Цуьнах ян чIагIо ю сан. Иза адамийн бакъонашларъяйтарна гIаролехь лаьтташ хилар ду цунна дуьхьалдаьккхинарг",- боху юкъаралхочо. ХIораммо а Титиевна тIехIуттуш, шена хетарг, майрра дIакхайкхо деза боху Успановс. "Титиев Аюбана тIехIоьттинарг муьлххачу а стагна дуьхьалдаккха йиш ю. Читать дальше...

Оьрсийчоьнан президентан харжамийн кандидата, журналисто Собчак Ксенияс диллина кехат дитина Нохчийчоьнан куьйгалхочун Кадыров Рамзанан цIарах. Цо яздо: "Рамзан Ахматович! КIира хан ю бехк боцуш Титиев Аюб набахтехь латтон. Цуьнан лацарх дуьйцуш, ахь элира бакъонашларъярхой "къам а, тайпа а" доцуш нах бу аьлла. Хьо хIунда ца кхета, адамийн бакъонаш ларъеш хилла, йийна Эстемирова Наталья а, Алексеева Людмила а, Светова Зоя а, Титиев Аюб а, - уггар а лоручу, доккхачу тайпан нах буйла. Со тешна ю, мацца эшна а, церан гIо хьуна а оьшур хиларх. Читать дальше...

НуьцIкъала лаьцна латтош я низам дохош цхьана а кепара Теркйистерчу яхархочунна Автурханова Аминатна дуьхьал лелийна харцонаш яц аьлла, дIакхайкхийна Нохчийчоьнан омбудсмено Нухажиев Нурдис. "Автурханова Аминат къайлаяьккхина бохуш, цхьадолчу зорбанаша а, бакъонашларъярхоша а дийцахь а, и жима зуда шен цIахь ю, могуш а, маьрша а", - аьлла, хаамбина мехкан куьйгалхочун цIарах бакъонаш ларъян векал винчу Нухажиевс. Автурханова яйна аьлла, информаци шега ма кхаьчча, шен векал вахийтира ша боху бакъонашларъярхочо и гIуллакх талла. Читать дальше...