Новости за 08.01.2018

Шеман президентан Асад Баширана муьтIахь болчу ницкъаша Iаткъам бар алсамдаьккхина Идлиб провинцехь болчу гIаттамхошна. Шеман тIеман кеманаш бомбанаш а, ракеташ а етташ ду Идлибан къилбаседа-малхбузехь йолчу территорина. Идлиб, провинци Iуьллуш ю Туркойчоьнан дозанца. Цу меттигашкахь  дIатарбела бу Шеман режимана дуьхьал болу оппозицин ницкъаш, шайна юкъахь Юккъерчу Азера пачхьалкхашкара баьхкина тIемалой а болуш. Цхьаболчу хаамашца, Кавказерчу тIемалойн "Ажнад аль-Кавказ" тобано Iуналла дечу Идлиб... Читать дальше...

Германехь "Боруссия-Дортмунд" футболан тоба эккхийта гIоьртинчу  оьрсийчо даре дина ша зулам дина хилар. Германин низамашца цуьнан цIе йийца йиш яц. Цундела иза вуьйцуш ву В. Сергей цIарца. Оршот дийнахь кхелехь вистхуьлуш ша цхьа а вен дагахь вацара аьлла цу стага. Оьрсийчоьнан а, Германин а махкахо волу В.Сергей бехке веш ву 28 пунктехула, шайна юкъахъ, эккхийтар а дина, адамаш дайа гIортар а долуш. И стаг, валлалц хан а тоьхна, чуволла мегаш ву. Зуламхо дагахь хилла футболхой а байина шена са яьккха. Читать дальше...

Кхушеран Дечкен-беттан 1-чу дийнахь дуьйна 4 процентана алапаш тIетоьхна Оьрсийчохь эскархошна а, ницкъаллин структурийн белхахошна а. Цунах лаьцна дуьйцуш ду Оьрсийчоьнан Iедалан сайта тIехь, хаам бо орцаллан министраллан Нохчийчуьрчу урхалло. Цу хаамца а догIуш, алсамдохуш ду эскарехь а, федералан ницкъаллин структурашкахь а гIуллакх динчу нехан пенсеш а.

Туркойчуьрчу шина клинико шаьш кийча хилар хаийтина, дарба лелон тIеэца ПаьнгIазехь полицин операци дIахьош чевнаш йина волу Мачаликашвили Темирлан. Цунах лаьцна хаам бина Гьуржийчуьрчу "Рустави-2" телеканало. Масийттоза дагабевллачул тIаьхьа лоьраша жамI дина, 19 шо долу Мачаликашвили кхечу пачхьалкхе дехьаваккха мегар ду, оьшуш долу дарба лелон аьлла. Лоьраша бечу хаамашца, 2017-чу шеран ГIура-беттан 26-чу дийнахь коьртана а, белшана а чов йина волу Мачаликашвили карарчу хенахь цхьанаэшшара вочу хьолехь вуьсуш ву. Читать дальше...

ГIажарийчохь дIайоьлчучу дуьхьалонан акцешна гIортор ярна лаьцна цу мехкан президент хилла Ахьмадинежад Махьмуд аьлла, хаам бинера Al- Quds Al-Arabi газето. Амма Erm News зорбанан гIирсо бинчу хаамца, иза бакъ ца дина Ахьмадинежадан адвокато.

СаIудийн Iаьрбийн пачхьалкхан Iедалша дIахьедар дина, шайна мехкан хазнара ахча ца даларна паччахьан хIусамна хьалха охьахевшина дуьхьалонан акци дIаяхьначу 11 элана кхел йийр ю шаьш аьлла. СаIудийн инарлан прокуроро ал-Моджиб Сауда дIахьедар дина, цхьана а махкачуьнан бакъо яц низамо бохучул тIехвала аьлла. ДIадахнчу кIиранах, еарин дийнахь, СаIудийн Iаьрбийчохь паччахьийн доьзалашкара 11 кIант лаьцнера, пачхьалкхан бюджетера паччахьийн доьзалашна хьежо ахчанаш совцор ду аьлла Iедало бинчу сацамна дуьхьалбовларна. Читать дальше...

ЦхьамогIа юкъараллаша "политикан тутмакх" а лоруш, набахтехь хан текхна ваьлла Кавказан Къаьмнийн ассамблеян президент Кутаев Руслан. Цкъачунна бакъо яц цуьнан шен хьалхалеррачу дахаран жигаралле верза. Амма бехкамаш чекхбевлча, шо даьлча, ша, хьалха а санна, шен некъ дIакхоьхьур бу политикехь, боху цо.

3 шо ду Дагестанерчу ХIинжа-гIалахь автобус лелочу 65 шо долчу Чупалаев Iабдулмежеда пIераскан деношкахь а, ГIурбан дийнахь а адамаш мехаза дIасалелон. Цу кепара Далла хастам бо цо, 4 инфаркт а, 2 инсулт а хиллачул тIаьхьа ша дийна висарна. ХIинжа-гIаларчу бахархоша, шайн агIор, ахча а гулдина, ХьаьжцIа вахийтина Чупалаев.

Нохчийчуьра блоггер Абдурахманов Тумсо набахтера дIахецна Полшерчу Iедалша. Иза Маршо Радион корреспонденте тIечIагIдира ша Абдарахмановс. 2015-гIачу шарахь дуьйна Нохчийчуьра ведда, Гуьржийчохь лечкъина вехаш вара иза. Абдурахмановс дийцарехь, хIетахьлерчу Соьлж-ГIалин мэрца Кадыров Исламца дов иккхинера цуьнан, машенахь волчу гIалин ден некъ хадор бахьана долуш. Шина шарахь Гуьржийчохь Iийначул тIаьхьа цигарчу Iедало шена политикан тховкIело ца елча, иза яханчу аьхка Полше дIавахнера шен доьзалца цхьаьна. Читать дальше...

Дечкен-беттан 8-чу буса Флорида штатехь Канаверал олучу меттигера хецначу Falcon 9 ракето космосе яьккхина Zuma цIе йолу къайлаха спутник. Иза дина Iамеран Iедалан дехарца, цIарца ца юьйцучу миссица. ШолгIа дакъа кхиаме дIакъаьстича, масийттоза пайда эца мегаш йолу Falcon 9 хьалхара дакъа доьссина леррина кечйинчу охьахоу майдане. Стохка Зазадоккху-баттахь Маск Илонан компанино исторехь дуьххьара космосе хьажийра цигахь цкъа хилла долу ракетан хьалхара дакъа. Эксперташа дийцарехь, Falcon 9 олу... Читать дальше...

Бусалба динехь болчу эскархошна хьажийна маьждиг дина  Нохчийчохь Къилбаседа федералан гонан гIашсалтийн дивизин кертахь. Цу чохь ламаз дан аьтто бу цхьаьнаметта 50 стеган. "Кавказский узело" дийцарехь, керла маьждиг дан долийнера Невран кIоштахь стохка Лахьан-баттахь. Нохчийчьурчу муфтиятан векалшна хетарехь, керлачу маьждиго, эскархойн ламаз дан аьтто бина ца Iаш, гIо дийр ду церан вовшашца болу барт чIагIбан.

ГIажарийчуьрчу протестан гуламашкахь 20 стаг вийна. Шелахь дохийначу нехан цIенойх видео яккхинчарна довдина. Герзаша нах бойуш лаьтта Нохчийчохь. Мел алапа ло министрна? Нохчийчуьрчу Лакхарчу кхеле кхин а цхьа керла белхахо хьажийна Путина. Уьш а кхиболу а кIиранан хиламаш...