Новости за 03.01.2018

"Кавказ.Реалии" портале бинчу хаамашца, Шела кIоштарчу Эвтарахь динчу тIелатарехь вийна цигарчу территорин полисхойн декъан куьйгалхо Устарханов Абубакар. Карарачу хенан информацица, бехке ву аьлла, шеконашкахь лоьхуш ву полицин декъан хилла белхахо, 1990-чу шарера Баймурадов Хьамзат. Вийначун Iаьржачу басахь хилла К 7552 РА Камри машен ядийна зуламхочо.

Iамерко шен социалан машанаш дIакъовлар ГIажарийчохь дIахьочу протесташца доьзна Нохчийчоьнан куьйгалхочо Кадыров Рамзана. Шалхаллаш лелорна Iамерка бехке а еш, шен Телеграмехь цуьнах лаьцна  йоза дитина Нохчийчоьнан куьйгалхочо. Iамеркан Цхьанатоьхначу Штатийн позици шалхаллаш йолуш ю, хIунда аьлча, Вашингтоно дош ца элира сан Фейсбукерчу аккаунтна блок хIоттийча, аьлла Кадыров Рамзана. Цо иштта билгалдоккху, Фейсбук маьрша маша цахилар а, Iамеркан карахь гIирс и хилар а. Пачхьалкхан департаментна ца тов аьлла мехкан куьйгалхочо... Читать дальше...

Гуьржийн ницкъаллийн структураша лерина операци дIахьочу хенахь лаьцначу Мачаликашвили Тамирланна дарба дан кхайкхина веана кхечу пачхьалкхера лор. КIентан дас Мачаликашвили Малхаза хаамбарца, Iамеркан Цхьанатоьхначу Штаташкара веанчу лоьро тахханехь зуьйр ю кIентан могушалла. "Хьал цкъачунна вуон ду, хIетте а дегайовхо ю тхан цунна гIоле хир ю аьлла. Соьга бинчу хаамашца, Iамеркара лор схьакхаьчна", - аьлла дархочун дас "Грузия онлайн" хаамийн гIирсе. Спецопераци йоьдучу хенахь лаьцна 19 шо... Читать дальше...

Къилба Корейн лидеро шен стоьла тIерачу зарратан нуьйданех аьллачунна дуьхьал жоп делла Iамеркан президенто Трамп Доналда. "Мацалло гIелдинчу, якхдинчу хьелашкахь къам латточунна" Твиттерерчу шен агIон тIехь Трампа хьоьху, Ын Чен Киме дIахаийтар, Iамеркан президентан а зарратан нуьйда хиларх. Цул совнах, иза цуьнчул а йоккха а, нуьцкъула а, болх беш а хиларх а. Керлачу шарца шен декъалдарехь, Къилба Корейн президенто дIахьединера, 2017-чу шарахь къоман зарратан ницкъаш кхоьллина шаьш довларх. Читать дальше...

Банкехула ахчанаш лечкъор сацийна ду, яздо "Вести" хаамийн гIирсо. Оьрсийчоьнан йоккхачу банкан урхалхочун гIовсан Кузнецов Стаиславан дIахьедарх дуьйцу сайто. Цо бахарехь, Нохчийчохь масех ахча къайладоккху канал хааеллера.Иштта Кузнецовс билгалдоккху, чоьхьарчу гIуллакхийн министраллан тIегIанехь цхьана а кепара беш талламаш бац Нохчийчуьрчу Сбербанкан хиллачу куьйгалхочун Джабарилов Сайд-Мохьмадан хьокъехь. Цуьнгара йийлина административан ледарлонаш бахьанехь ваьккхина иза балхара дIа. "Кавказ.Реалии"... Читать дальше...

Тбилисерчу ГIажарийчоьнан векалтна хьалха митинг дIаяьхьна цигахь бехачу гIажароша. Пачхьалкхан президенте Роуханига дарж дитаре а, шайн даймахкахь демократи ца хьешаре а кхойкху цара, дуьйцу Маршо Радион корреспонденто. Гуьржийн коьртачу шахьарна чуйогIучу Вакан кIоштахь масех иттанашкахь гулбеллера нах. Векалтан гIишлонна гергахь шолгIа вовшахкхетар ду и гIажаройн. Дин лелорехь новкъарлонаш йора шайна цигарчу Iедало, оцу бахьанашца махках довла дийзира шайн аьлла корреспонденте гулбеллачарех цхьаболчара. Читать дальше...

Байначу беттан 31-чохь Ми-24 Оьрсийчоьнан тIеман кема доьжна Шемахь. Кеманчуьра веллачу шиннах дIахьедо Conflict Intelligence Team дуьненаюкъарчу талламан тобано, социалан машанашкарчу а, леринчу форумашкахь а бинчу хаамашна тIе а тевжаш. Веллачех цхьаъ майор Кулиш Артем ву, шолгIачун фамили Матвеев ю. 2015-чу шарахь дуьйнна Оьрсийчоьно тIеман операци ю дIахьош Шемахь. Байначу баттахь тIеман министро Шойгу Сергейс дIакхайкхийра. Шемара оьрсийн доккха дакъа арадаьккхина хиларх а, Хмеймим, Тартус... Читать дальше...

Статистийн зерашца, Краснодаран кIоштахь зударий алсам бу божарел а. Къаьсттина ярташкахь чул а гIаланашкахь хаало и къоьлла, яздо KrasnodarMedia агенталло. 2011-чу шарера 2017-чу шаре кхаччлц 5 230 000 терахьера 5 570 000 хьаладаьлла бахархойн терахь. Божарий оцу регионехь 46,7 процент бу, ткъа зударий 53, 6%.

Карарчу беттан 3-чу дийнахь Нохчийчохь цхьа могIа барамаш дIахьо шаьш лору Эвлияъ, Iеламча а хилла волу къоман динан лидер Киши Кунта-Хьаьжа дагалоцуш, хаамбо "Грозный" телеканало. Кху дийнахь массо а маьждигашкахь гулбеллачарна дуьйцу Устазан дахарх, доьшу мовлидаш, зуькарш, дIасадоькъу сагIанаш. Нохчийн къоман кхолламехь йоккха метиг дIалоцу шейха Кунта-Хьаьжас. ТIамна, адамо адамна тIехь гIелоярна дуьхьал хиларал совнаха, иза муьлххачу а Iедалх ша къаьхкаш а, шен мурдаш оццу новкъа баьхна леларна а йина цунна оьрсийн паччахьо репресси... Читать дальше...

Гуьржийчоьнан кхерамзаллан белхахоша лоцучу хенахь белшах а, коьртах а герз кхеттачу ПIаьнказарчу вахархочун Мачаликашваили Тамирланан могушалла иэшна йогIу аьлла, хаамбина журналисташка цуьнан лоьро Лурсманишвили Зазас. Террорхошца зIенашкахь хилла аьлла, бехкевеш ву иза. Леринчу медицинан препаратийн гIоьнца латтош ву 19 шо долу жимстаг дарбан хIусамехь. Оьрсийчуьрчу а, Туркойчуьрчу а нейрохирургашна шен кIентан могушаллин таллам байтар доьху цуьнан дас. Лоьро бахарехь, Мачаликашвилин диагностика... Читать дальше...

ГIажаройн дешан маьршо лара а ларий, иккхинчу конфликтехь халкъанна тIехь гIело а ца яр тIедожийна Евроберто пачхьалкхан Iедалшна. Европан бертан арахьарчу политикехула йолчу лакхарчу векало Могерини Федерикас дина и дIахьедар. ГIажарийчохь халкъана тIеIаткъамбар даздаларна Вашингтоно ООН-ан кхерамзаллан Кхеташонан сихонца цхьанакхетар вовшахтоха аьлла. Iамеркан ООН-ерчу векална Хейли Никкина хетарехь, протесташкахь нах баларх шена хетарг ала деза Женеверчу адамийн бакъонашкахула йолчу Кхеташоно а. Читать дальше...