Вон цамгаро хьийзочу Дагестанерчу кIантана гIо дийр ду Кадыровн фондо
Ахьмад цIе йолчу кIанта дехар динера луларчу республикан куьйгалхочуьнга. ЦIе ца йоккху цамгар ю шена кхетта ткъа ХIинжа-ГIаларчу лоьраша дарба ца дон шена аьлла, дийцинера цо.
И аудиокхайкхам кхечира социалан машанашка. Цу кIанте ладуьйгIира эзарнаш наха, шайна юкъахь Кадыров Рамзан а волуш, яздо Регнум агенталло.
Цу хьокъехь оршотан дийнахь шен агIор комментари йина Дагестанан могашаллан министралло. Цуьнан зорбанан сервисо бинчу хаамца, 2018-чу шеран федералан квотица цу кIантана мехаза дарба дан дезаш яра Москохара Алмазовн цIарх йолу медицинан талламан центр, ткъа иза охьавилла везаш вара Москох рентгенорадиологин центре Дечкен-баттахь.