ГIалгIайчохь доккха сагIа даьккхина бизнесхочо
"ГIоьналлин фондийн чоьтехь хиллачу 600 баккхий доьзалшна дIасакхачор ду дама, шекар, дуга, кхийолу сурсаташ а. Меттигерчу шен цIе ца йовзийтинчу цхьана вахархочо даьккхина ду и сагIа", - аьлла "Къилбаседа Кавказера комсомолан бакъдерг" цIе йолчу газете ГIалгIайчоьнан Iедалерчу стага.
Волонтераша гергарчу деношкахь дIасакхачор ду хIусамашка и сагIа.
ГIо кхачочу тептарехь бу 90-чу шерашкахь Нохчийчуьра тIамах бевдда баьхкина бахархой а, террорхойн карах байинчийн доьзалаш а.
Шен цIе яккха ца лиина сагIа доккхучунна, амма иза хила тарло меттигера бизнесхо.