Рөстәм Миңнеханов: Безнең бурыч — Татарстанда 1,5 миллион кешегә прививка ясау

(Казан, 15 февраль, «Татар-информ»). Татарстан Республикасы Президенты Рөстәм Миңнеханов республикада яшәүче 1,5 миллион кешегә прививка ясау бурычын куйды. Бу хакта Татарстан җитәкчесе ТР Икътисад министрлыгының киңәйтелгән утырышында сөйләде. 

«Пандемиядә без эшләргә өйрәндек, шуңа да карамастан, бүген халыкны вакцинацияләү буенча бик җитди эш тора. Минемчә, предприятиеләрдә һәм оешмаларда бу эшне системалы рәвештә алып барырга кирәк. Бүген без 40-50 меңгә якын кешегә прививка ясадык. Безнең алда кимендә 1,5 миллион кешене вакцинацияләү бурычы тора.

ТР Президенты сүзләренчә, электрон сәүдә эшен активлаштырырга кирәк, ул Татарстан продукциясен алга этәрергә һәм үзмәшгульләргә ярдәм итү чараларын эшләргә ярдәм итәчәк. Шул ук вакытта республика җитәкчесе эшмәкәрлек тәҗрибәсен укучыларга мәктәп эскәмиясеннән өйрәтергә, шулай ук булачак эшмәкәрләрне югары уку йортлары, шул исәптән тиешле мәгариф мәйданчыклары ярдәмендә дә генерацияләргә тиеш.

Рөстәм Миңнеханов илкүләм проектларны гамәлгә ашыру темасына да кагылды.

«Без республика проектларында гына мөмкин кадәр күбрәк катнашырга тиеш түгел. Материаллар әзерләргә һәм федераль дәрәҗәдә булган барлык проектларга кушылырга кирәк», — дип өстәде Миңнеханов.

Татарстан җитәкчесе быел көз Россиядә узачак Дәүләт Думасына сайлауларны да билгеләп үтте.

«Без кемнең үзен ничек күрсәтүен һәм туган республикабызга нинди файда китерүен игътибар белән карыйбыз», — диде ул.

Шул ук вакытта Рөстәм Миңнеханов төбәкнең салым бурычын да читләтеп узмады, ул бүген 8,7 млрд сум тәшкил итә. Ул тармак министрлыкларын һәм Татарстан Икътисад министрлыгын әлеге мәсьәлә белән активрак шөгыльләнергә өндәде.