Алексей Песошин: Чаллыда җәмәгать транспортын оештыру буенча эш планы төзелде
(Чаллы, 19 февраль, «Татар-информ», Эльвира Мөхәммәтдинова). Татарстан Премьер-министры Алексей Песошин Чаллы шәһәр советы утырышында, КПРФның Татарстан фракциясе башлыгы Хафиз Миргалимовның республика җитәкчелегеннән Чаллыда җәмәгать транспортын оештыру мәсьәләсе белән шөгыльләнүене сорады. Алексей Песошин Автошәһәрдә мондый проблема юк дип белдерде.
«Трибунадан чыгыш ясаганчы, сезгә детальләргә генә игътибар итәргә кирәк иде, — диде Песошин. — Транспорт белән тәэмин итү муниципаль хакимиятнең өстенлекле мәсьәләсе булып тора. Зур автобусларның юлларга кабат кайтуына килгәндә исә, бу ике хуҗалык итүче субъект арасындагы бәхәс, ул хокук кырында хәл ителә».
Премьер-министр сүзләренә караганда, Чаллыда җәмәгать транспортын оештыру өлкәсендә төгәл эш планы эшләнгән инде. Хакимият 90 көн дәвамында пассажирлар ташуга яңа тендер уздырачак һәм элек зур автобуслар йөргән алты маршрутта эшләячәк компанияләрне билгеләячәк.
«Конкурс шартлары „Уңайлы мохит“ таләпләренә җавап бирә торган автобус йөртүчеләрнең булуын күз алдында тота. Әлбәттә, бу күчеш чорында вакытлыча уңайсызлыкларны юкка чыгармый, әмма иң мөһиме — Чаллыда халыкны транспорт белән тәэмин итүнең нинди булырга тиешлеген тулысынча аңлау бар», — дип искәртте Песошин.
Элегрәк «Татар-информ» мәгълүмат агентлыгы хәбәр иткәнчә, шәһәр алкы зур габаритлы автобусларны Чаллы урамнарына кайтару мәсьәләсен хәл итүне сораган иде.