Казанда биш катлы йортта өлкән яшьтәге хатын-кыз төтен белән агуланган
(Казан, 16 февраль, «Татар-информ»). Өлкән яшьтәге хатын-кыз Казанда биш катлы йортта чыкан янгында төтен белән агуланган. Бу хакта Россия Гадәттән тыш хәлләр министрлыгының ТР буенча Баш идарәсе матбугат хезмәтендә хәбәр иттеләр.
Төнлә Кол Гали урамындагы йортларның берсендә өченче катта өч бүлмәле фатирда янгын чыга. Өч квадрат метрлы мәйданда әйберләр һәм җиһазлар янган.
89 яшьлек фатир хуҗабикәсе ис газы белән агуланган, аны хастаханәгә озатканнар.
Белгечләр янгын чыгу сәбәбен ачыклый.