Новости за 10.07.2023

Гаилә, мәхәббәт һәм тугрылык көнендә Әлмәт шәһәренең Никахлашу сараенда 14 пар язылышты. Бу хакта «Әлмәт таңнары» газетасы яза.

Бүген Татарстан Республикасы Рәисе Рөстәм Миңнеханов һәм «Сбербанк» ААҖ идарәсе рәисе Герман Греф Бәшир Рәмиев исемендәге Казан IT-паркында булдылар. Бу хакта ТР Рәисе матбугат хезмәте хәбәр итә.

Хәзерге катлаулы вакытта Россиягә спартакиадалар кебек зур спорт ярышлары кирәк. Бу хакта бүген Татарстан Рәисе Рөстәм Миңнеханов Казанда «Сбербанкиада» ачу тантанасында әйтте.

Татарстан Рәисе Рөстәм Миңнеханов быел июнь ае йомгаклары буенча Идел буе федераль округы төбәкләре башлыкларының медиарейтингында бер урынга күтәрелеп, икенче урынны алды. Төрле медиада губернаторларны искә алу ешлыгын «Медиалогия» компаниясе исәпләп чыгарган.

Татарстанда җиңел такси кузовының төсенә таләпләр куярга мөмкиннәр. Ул ак яки сары төстә булырга тиеш, ул машинаның такси икәнен танырга ярдәм итәчәк. ТР Дәүләт Советына шул турыдагы закон проектын республика Хөкүмәте кертте.

Чаллы прокуратурасы төзелеш объектында эшче үлеме факты буенча тикшерү оештырды, дип хәбәр итте республика прокурорының матбугат һәм җәмәгатьчелек белән хезмәттәшлек буенча өлкән ярдәмчесе вазифаларын башкаручы Адел Гайнетдинов.

II дәрәҗә «Ватан алдындагы казанышлары өчен» ордены медале белән Татарстан Урман хуҗалыгы министры Равил Кузюров билгеләп үтелгән. Ул «башкарылган хезмәт уңышлары һәм күпьеллык намуслы эше өчен» бүләкләнә.

Якын көннәрдә көньяк-көнбатыштан килгән циклон һәм аның атмосфера фронтлары Татарстанда һава шартларын үзгәртәчәк. Температура фонының түбәнәюе антициклон аркасында барлыкка килгән аномаль эсселек белән алмашачак, дип хәбәр итә Татарстан Гидрометеорология үзәге.

Казанда ике машина бәрелешкән, ике кеше зыян күргән, дип хәбәр иттеләр «Татар-информ»га шәһәрнең Дәүләт автоинспекциясе бүлегендә.

Бүген көндез Чаллыда төзелеш вакытында чокырда эшләгән эшчегә туфрак ишелеп төште, дип хәбәр иттеләр «Татар-информ»га Россия Гадәттән тыш хәлләр министрлыгының Татарстан Республикасы буенча Баш идарәсе матбугат хезмәтендә.

КФУның Габдулла Тукай исемендәге Милли мәдәният һәм мәгариф югары мәктәбе деканы Рамил Мирзаһитов күп телле яшь белгечләрне әзерләү программасы белән таныштырды.

Санкт-Петербург халыкара товар-чимал биржасында Аи-92 бензинының бәясе дүшәмбе сатулары нәтиҗәләре буенча үзенең тарихи рекордын яңартты, ул беренче тапкыр тонна өчен 59 мең сумнан артып китте, дип күрсәтелә сәүдә мәгълүматлары. «РИА Новости» шул хакта яза.

КФУның Филология һәм мәдәниятара багланышлар институтының «Логос» белем бирү үзәге мөдире урынбасары Алмаз Закиров Казан федераль университетына абитуриентларның «Дәүләт хезмәте» порталы аша документлар тапшыруны өстен күрүен әйтте.

Махсус хәрби операциягә Бөгелмәдән киткән хәрбинең хатынын бала тудыру йортыннан чыгардылар. 5 июльдә Владимир һәм Анастасиянең гаиләсендә кызлары Ульяна туган. Бу сабый ир белән хатынның икенче баласы. Хәзерге вакытта гаилә башлыгы алгы сафта, шуңа күрә ул яңа туган баласын видеоэлемтә аша күрә алды, дип хәбәр иттеләр «Татар-информ»га район матбугат хезмәтендә.

Сочидан кайбер бүгенге авиарейсларның гамәлдән алынуы турында Россия Туроператорлары ассоциациясе хәбәр итте. Оешмада ачыклык кертеп үтүләренчә, сүз Истанбул, Мәскәү, Уфа, Сургут һәм Казанга рейслар турында бара. Билгеләп үтелгәнчә, моңа начар һава торышы сәбәп булган.

8 июльдә Чувашия Республикасының Козловка районы Әлмән авылында төзеләчәк яңа мәчет нигезенә беренче таш салу тантанасы булды. Аллаһ йорты революциягә кадәр эшләгән мәчет урынында торгызылачак. Бу хакта Россия мөселманнары Дини җыены Үзәкләштерелгән дини оешмасының матбугат хезмәте хәбәр итә.

15 июльдә Омск өлкәсе Тевриз муниципаль районының Утыз (Утузы) авылында Сабантуй була. Сабан туеның ачылу тантанасы 12.00 сәгатьтә. «Омск татарлары» төркеме шул турыда хәбәр итә.

Көньяк Кытайның Гуандун провинциясендә алты кеше балалар бакчасына һөҗүм корбаннары булды, дип хәбәр итте Кайцзян өязенең иҗтимагый иминлек бүлеге. «РИА Новости» шул турыда хәбәр итте.

КФУның Филология һәм мәдәниятара багланышлар институты директоры Рәдиф Җамалетдинов абитуриентлар сайлаган иң популяр юнәлешләрне атады.

Татарстан Рәисе Рөстәм Миңнеханов һәм Таҗикстанның сәнәгать һәм яңа технологияләр министры Нәзир Азиз Савзали «Иннопром — 2023» күргәзмәсе кысаларында очрашты. Бу хакта Татарстан Республикасы җитәкчесенең матбугат хезмәте хәбәр итә.

Татарстан Рәисе Рөстәм Миңнеханов «Соллерс» компаниясе заводын эшләтеп җибәрүдә катнашты. Двигательләр җитештерү белән шөгыльләнәчәк яңа мәйданчык «Алабуга» махсус икътисади зонасы территориясендә эшли башлаячак.

КФУның Филология һәм мәдәниятара багланышлар институты директоры Рәдиф Җамалетдинов күп телле белгечләр әзерләү турында сөйләде.

Россия Президенты Владимир Путин 29 июньдә чыннан да «Вагнер» шәхси хәрби компаниясе командирлары һәм компаниягә нигез салучы эшмәкәр Евгений Пригожин белән очрашкан. Бүген Кремльнең рәсми вәкиле Дмитрий Песков шулай дип белдерде. Бу хакта ТАСС агентлыгы хәбәр итә.

Татарстанның Республика клиник хастаханәсендә берьюлы өч сабый туды.

Учреждениенең матбугат хезмәтеннән хәбәр итүләренчә, биредә 2500, 2370 һәм 2230 грамм авырлыгындагы өч малай дөньяга килгән. Хәзерге вакытта алар яңа туган балалар реанимациясендә.

Искәртеп узабыз, хәзерге вакытта Республика клиник хастаханәсенең Перинаталь үзәгендә өч игезәкләр – берәү, игезәкләр – бишәү.

Татарстанда контракт буенча хәрби хезмәткә җыю өчен рәсми сайт эшли башлады.