Чаллыда төзелештә эшче туфрак астында калып үлгән
Бүген көндез Чаллыда төзелеш вакытында чокырда эшләгән эшчегә туфрак ишелеп төште, дип хәбәр иттеләр «Татар-информ»га Россия Гадәттән тыш хәлләр министрлыгының Татарстан Республикасы буенча Баш идарәсе матбугат хезмәтендә.
Фаҗига Вазил Мавликов урамында булган.
Урынга килгән коткаручылар зыян күрүчене казып чыгарган, табибларга тапшырган.
Табиблар 43 яшьлек ир-атның үлемен раслаган.