Новости за 24.12.2022

Аксубай редакциясендә «Без – Туфан варислары» иҗат бәйгесендә җиңүчеләрне бүләкләделәр. Ул элеккеге мөхәррир Роза Хәбибуллина истәлегенә оештырылган һәм икенче ел рәттән үткәрелә.

Бүген «Энергетик» мәдәният сараена Чаллының Комсомол районыннан мобилизацияләнгән ир-егетләр һәм мәҗбүри күченеп килгән гаилә балалары җыелды.

Лениногорскида үзәк чыршысы ачылу тантанасы театральләштерелгән күренештән башланды. Оештыручылар кызыклы һәм мавыктыргыч сюжетлы тамаша әзерләгән иде. Бәйрәмгә Кыш бабай һәм Кар кызы килде. Әлбәттә, әкият геройлары да тамашага аерым ямь биреп, чарага килүчеләргә яңа ел кәефе бүләк иттеләр.

Кичә көндезге сәгать уннан соң Чаллы шәһәрендә Тынычлык проспектында 103нче йорт каршында җитди юл-транспорт һәлакәте булган.

Мәктәпләрдә патриотик тәрбия бирү оештырганда төбәккә зур әһәмият булырга тиеш. Бу хакта Татарстан мәгариф һәм фән министры Илсур Һадиуллин «Татарстан 24» телеканалында «Интервью без галстука» программасында сөйләде.

Татар китабы йортында Шәриф Камалның вафатына 80 ел тулган көнне беренче тамашачыларга «BӘXET JЬLЬ» эзләнүле спектакле тәкъдим ителде. Спектакль гыйнвар аеннан музейда даими рәвештә куелыр дип планлаштырыла.

ТР мәдәният министры Ирада Әюпова мәдәният учреждениеләрендә гыйбадәт бүлмәләре ачылуын ирек элементы дип бәяләде.

Чаллыдан Лисичанскига гуманитар йөк төягән җиде машина китте. Бүгенге ярдәм Татарстан шефлыгындагы шәһәргә ярдәм итү тарихында Чаллыда яшәүчеләрдән иң зурысы булды. Фотолар автошәһәр мэриясенең Tелеграм-каналында чыкты.

Иртәгә, 25 декабрьдә, Татарстанда начар һава шартлары саклана.

Республикада болытлы, төнлә аязучан болытлы һава торышы көтелә. Җил көньяк-көнбатыштан һәм көньяктан уртача тизлектә фаразлана, ә төнлә секундына 15 метрга кадәр көчәергә мөмкин. Бу хакта Татарстан Гидрометеорология һәм әйләнә-тирә мохитне күзәтү үзәге хәбәр итә.

Татарстанда җепшек кар көтелә, урыны белән күп итеп кар яварга мөмкин. Төнлә һәм көндез кайбер районарда күз күреме 1-2 чакрымга кадәр начарланырга мөмкин. Читать дальше...

Социаль челтәрдә Яшел Үзәннең Васильево бистәсендә этләрне ату турында мәгълүмат чыкты.

Менделеевскида «Аммоний» заводында өстәмә профилактика чаралары кертелде. Мондый инициатива Татарстанда грипп һәм сулыш юлларында вируслы кискен инфекция (ОРВИ) белән авыручылар саны арту бәйле. Бу хакта Менделеевск районы администрациясендә хәбәр иттеләр.

Татарстанда җиденче көн рәттән коронавирус йоктыручылар саны кимүен дәвам итә. Бүген ковид йоктыруның 87 очрагы расланган, алдагы көндә 91 очрак теркәлгән булган. Бу хакта рф.стопкоронавирус порталында хәбәр ителә.

Шимбә, 24 декабрьдә, көндезге сәгать бердән Алабуга районында Кама аша Покровское-Кызыл Чишмә маршруты буенча боз кичүе вакытлыча ябылды.

Татарстан Президенты Рөстәм Миңнеханов бүген Әлмәттә 44 фатирлы торак йортта булды. Йортта ук балалар бакчасы да урнашкан. Бу хакта республика җитәкчесенең матбугат хезмәте хәбәр итә.

Татарстанда агымдагы елга планлаштырылган җир кишәрлекләре 43 муниципаль районда 23 гаиләгә тапшырылды. Җир кишәрлекләрен бирү белән бәйле катлаулы вазгыять Казанда һәм Чаллыда күзәтелә. Бу хакта Татарстан Хөкүмәте Йортында узган киңәшмәдә төбәк җир һәм милек мөнәсәбәтләре министрының беренче урынбасары Артур Галиев хәбәр итә.

Татарстан Президенты Рөстәм Миңнеханов Әлмәттә «Кванториум» балалар технопаркында булды, тәрбияләнүчеләр белән аралашты һәм аларга производствога экскурсияләр оештырырга вәгъдә итте. Бу хакта ТР Президентының матбугат хезмәте хәбәр итә.

Татарстанда торак-коммуналь хезмәтләр өчен түләүләрнең уртача еллык дәрәҗәсе 99,3 процент тәшкил итте, ләкин, шуңа да карамастан, муниципалитетларга бурыч артуын булдырмау мөһим. Бу хакта ТР Премьер-министры Алексей Песошин төбәк Хөкүмәте Йортында узган традицион республика киңәшмәсендә белдерде.

«Рәшә» премьерасы алдыннан Камал театрында «Яңа татар пьесасы-2022» бәйгесенә йомгак ясалды – җиңүчеләрнең берсе дә республикада билгеле татар драматурглары түгел.

Татарстанда 2651 объектта капиталь ремонт буенча 29 республика программасын гамәлгә ашыру тулысынча төгәлләнде. Әлеге программаларны финанслау күләме 24 млрд 618 млн сум тәшкил иткән. Бу хакта Татарстан Хөкүмәте Йортында узган традицион киңәшмәдә төбәкнең төзелеш, архитектура һәм торак-коммуналь хуҗалык министрының беренче урынбасары Алексей Фролов сөйләде.

Бүген Кәрим Тинчурин театры мобилизациягә эләгүчеләрнең балалары өчен чыршы бәйрәмен үткәрде. 

Бүген, 24 декабрьдә, татар хәрәкәте активисты - Самара өлкәсенең «Туган тел» татар җәмгыяте әгъзасы, «Ялкынлы яшьлек» җыр, бию һәм шигърият ансамбленең җитәкчесе Альбина Мәхмүтова авыр операциядән соң вафат булган. Аңа 43 яшь иде.

Татарстан Президенты Рөстәм Миңнеханов Татарстан Биологик ресурслар буенча дәүләт комитеты хезмәткәрләре өчен «УАЗ Hunter» 43 автомобиленә сертификатны ведомство җитәкчесе Федор Батковка тапшырды. Тантана Татарстан Хөкүмәте Йортында узды.

Һава шартлары начарлану сәбәпле, Татарстанда сәгать 10нан ике боз кичүе вакытлыча ябылган. Бу хакта Россия Гадәттән тыш хәлләр министрлыгының Татарстан буенча Баш идарәсе матбугат хезмәтендә хәбәр иттеләр.

Бүген иртән республиканың Түбән Кама районында Чистай-Түбән Кама юлының 80нче чакрымында юл-транспорт һәлакәте фаҗига белән тәмамланган. Республика Дәүләт автоинспекциясе хәбәр иткәнчә,якынча мәглүмат буенча, Mitsubishi внедорожнигы иминлек тизлеген сакламаган, каршы як полосага чыккан һәм «Нива» белән кара-каршы бәрелешкән.

Россиядә рәсми рәвештә гражданнарның мәгълүмати иминлеге культурасын формалаштыру һәм үстерү концепциясе расланды. Бу күрсәтмәне Россия премьер-министры Михаил Мишустин имзалады.