Татарстанда 23 район планлаштырылган җир кишәрлекләрен биргән
Татарстанда агымдагы елга планлаштырылган җир кишәрлекләре 43 муниципаль районда 23 гаиләгә тапшырылды. Җир кишәрлекләрен бирү белән бәйле катлаулы вазгыять Казанда һәм Чаллыда күзәтелә. Бу хакта Татарстан Хөкүмәте Йортында узган киңәшмәдә төбәк җир һәм милек мөнәсәбәтләре министрының беренче урынбасары Артур Галиев хәбәр итә.
Киңәшмә гадәттәгечә республиканың барлык муниципалитетларының видеоконференцэлемтә режимында узды. Аны Татарстан Премьер-министры Алексей Песошин уздырды. Бу хакта ТР Президентының матбугат хезмәте хәбәр итә.
Аның сүзләренчә, Әлмәт, Арча, Баулы, Бөгелмә, Биектау, Яшел Үзән, Кукмара, Лаеш, Лениногорск һәм Түбән Кама районнарында күп балалы гаиләләргә җир кишәрлекләре бирү 80 проценттан да ким түгел.
Балтач, Зәй һәм Тукай районнарында күп балалы гаиләләргә җир кишәрлекләрен бирү күләме 80 проценттан 90 процентка кадәр тәшкил итә.
Моннан тыш, тагын җиде район 90 процентка кадәр җир бирү күләменә ия (Алексеевск, Буа, Алабуга, Мөслим, Питрәч, Тәтеш һәм Чистай), дип ачыклык кертте министрның беренче урынбасары.