Новости за 24.12.2022

Төнлә Кемеровода шәхси картлар йортында янгын чыккан. Бу хакта РИА Новости хәбәр итә.

Татарстан Президенты Рөстәм Миңнеханов 2022 елгы автоспорт сезонына йомгак ясау тантанасында катнашты. Тантанада Татарстан Автоспорт федерациясе әзерләгән бу чордагы уңышлар турында фильм күрсәтелде. Бу хакта республика җитәкчесенең матбугат хезмәте хәбәр итә.

Әлмәттә мобилизацияләнгәннәрнең балалары өчен өстәмә яңа ел бәйрәмнәре оештырыла. Бу хакта Тимур Нагуманов «Нур» үзәгендә узган матбугат конференциясендә сөйләде. Бу хакта «Әлмәт таңнары» хәбәр итә.

Түбән Кама мэры Рамил Муллин медианәтиҗәлелек рейтингында өченче баскычка күтәрелде. Бу хакта Түбән Кама муниципаль районы рәсми сайтында хәбәр ителгән.

Чүпрәле районы башлыгы Марат Гафаров «Теләкләр чыршысы» акциясендә катнашты. Ул Иске Чүпрәле авылында яшәүче Николай, Владимир һәм Юлия Савлюковларның теләкләр язган открыткаларын Яңа ел чыршысыннан алды. Бу хакта «Туган як» сайтында хәбәр ителә.

Татарстан авыл хуҗалыгы һәм азык-төлек министрлыгы үткәргән «2022 елның иң яхшы комбайнчысы» конкурсында Әлкидә яшәүче 17 егет зур күләмдәге акчалата премияләргә лаек булды. Аны халык телендә «Президент премиясе» дип тә атап йөртәләр. Бу хакта «Әлки хәбәрләре» сайтында хәбәр ителә.

Ростех дәүләт корпорациясенең «ПОЗиС» компаниясендә 2022 елның 23 декабреннән грипп һәм вируслы инфекция таралуны булдырмау өчен чикләү чаралары кертелде. Бу хакта «Яшел Үзән» сайты хәбәр итә.