Новости за 26.08.2022

Татарстан Республикасы һәм район көне алдыннан Чүпрәле районында дүрт – шуларның икесе яңа һәм тагын икесе яңартылган объект ачылды. Бу хакта «Туган як» газетасының сайтында хәбәр ителә.

Гражданнарның кайбер категорияләре мошенниклардан алдану куркынычына ия. Бу турыда Эчке эшләр министрлыгы мәгълүматларына сылтама белән финанслар министры урынбасары Михаил Котюков хәбәр итте.

27 августта Татарстан территориясендә алмашынучвн болытлы, кабат эссе һәм коры һава торышы фаразлана. Җил салмак кына, ә көндез уртача тизлектә исәчәк.

Россиядә аварияләрнең төп сәбәпләре арасында юл шартларына туры килми торган тизлек белән урам чатларын чыгу кагыйдәләрен бозу булды. Бу сәбәпләр буенча юл-транспорт һәлакәтенең 17,4 проценты теркәлгән.

30 августта Казанның Меңьеллык паркында TatarstanFuture яңа цифрлы чынбарлык фестивале узачак. Вакыйганың хедлайнеры җырчы Клава Кока булачак. 

«Елховнефть» эшләгән елларда «Татнефть» структурасында алдынгы технологияләр табу һәм кертү буенча лидерларның берсе булды. Бу казанышка бердәм профессионаллар коллективы, шул исәптән предприятие ветераннары һәм хезмәт династияләре ярдәмендә ирешелде. Бу хакта нефть-газ чыгару идарәсен 60 еллыгы белән котлап, ТР Дәүләт Советы Рәисе Фәрит Мөхәммәтшин әйтте.

Татарстан Президенты Рөстәм Миңнехановка һәм Россиянең фән һәм югары белем бирү министры Валерий Фальковка Әлмәттә Фәнни-тикшеренү һәм уку үзәге - «Югары нефть мәктәбе» кампусы төзелеше проектын тәкъдим иттеләр. Аны Әлмәт дәүләт нефть институты базасында төзү планлаштырыла.

2 меңнән артык татарстанлы яңа һөнәргә бушлай өйрәтү яки квалификация күтәрү узды. Курслар «Демография» илкүләм проектының «Мәшгульлеккә ярдәм итү» федераль программасы ярдәмендә оештырылган.

Сабан туе бала күңелендә китапка мәхәббәт уята, ди ул.

Татарстан Президенты Рөстәм Миңнеханов һәм Россия фән һәм югары белем бирү министры Валерий Фальков бүген Азнакай районы Актүбә экоҗирлегендә булды.

Түбән Кама химия-технология институты «Приоритет-2030» һәм Алдынгы инженерлык мәктәпләре программаларында катнашучы булды. Аларны гамәлгә ашырганнан соң уку йортының ничек үзгәрәчәге турында Татарстан Президенты Рөстәм Миңнехановка һәм Россия фән һәм югары белем бирү министры Валерий Фальковка КНИТУ-КХТИ ректоры вазифаларын вакытлыча башкаручы Юрий Казаков хәбәр итте.

Россиягә чит ил кешеләренә керү, чыгу һәм анда булу шартлары турында яңа закон проектын әзерлиләр.

Бүген «Татмедиа» АҖендә беренче сыйныфка барачак 25 укучыга канцелярия кирәк-яраклары салынган букчалар бүләк иттеләр. Әти-әниләре медиакомпания хезмәткәрләре булган балаларны Матбугат һәм массакүләм коммуникацияләр буенча республика агентлыгы җитәкчесе Айдар Сәлимгәрәев котлады.

Татарстан буенча Эчке эшләр министрлыгының Икътисади иминлек һәм коррупциягә каршы идарәсе хезмәткәрләре Казанның һәм Яшел Үзәннең сәүдә нокталарында ялган акча белән түләгән казанлыларны тоткарлаган. Полицейскийлар барлыгы шундый 16 фактны ачыклаган.

Кичә Биектау районы Шигали авылы күлендә ир-ат баткан. Бу турыда 16.00 сәгать тирәсендә ашыгыч хезмәтнең 112 номерына хәбәр иткәннәр.

Татарстан Президенты Рөстәм Миңнеханов һәм Россия Фән һәм югары белем бирү министры Валерий Фальков бүген Казан федераль университетының Чаллы шәһәре институтында булды. Алар инжиниринг үзәген карады, шулай ук кампусның югары уку йорты каршында булачак яңа алдынгы инженерлык мәктәбен төзү концепциясен бәяләде.

«Татмедиа»да «Язылу өчен шифаханәгә юллама, телевизор һәм башка призлар» акциясе җиңүчеләрен бүләкләделәр. Уенда Татарстаннан гына түгел, Башкортстан, Әстерхан, Красноярск крае һәм Самара өлкәсеннән 416 язылучы катнашты. 

Туймазы татар дәүләт драма театры Казахстанда узачак II «ABISH ALEMI» халыкара театр фестивалендә катнаша. Бу хакта «Башинформ» агентлыгы хәбәр итә.

15-22 августта Татарстанда кайбер җиләк-җимеш һәм яшелчәләр арзанайды. Гомумән, җәй башыннан кайберләренең бәяләре 2-3 тапкыр төшкән.

Сабада Әдәби Сабан туенда яңа «Белем радиосы» ачылды.

"Яшүсмерләр өчен татар һәм рус телләрендә эшли торган билингваль "Белем радиосы" старт ала. Ул әлегә техник режимда эшләп торачак. 1 сентябрьдән интернет радио тулы көченә эшли башлый", - дип сөйләде Татнетны үстерү фондының башкарма директоры Раил Гатауллин.

Ул радиода булачак тапшырулар турында мәгълүмәт биргән иде.

Бүген Байлар Сабасында Әдәби Сабан туе уза. 

Узган атнада, 15-22 августта, Татарстанда барлык маркадагы бензинның да бәясе күтәрелде. Бензин хакы җәйге тотрыклылыктан соң инде икенче тапкыр арта. Татарстанстат шул хакта мәгълүматлар урнаштырган.

Саба районы әдәби марафонда җиңде.

Бүген иртән Чаллының Низаметдинов урамында, «Хәрби комиссариат» тукталышы янында гадәти булмаган юл һәлакәте килеп чыккан. «Татар-информ»га агентлыкның үз хәбәрчесе авария булган урыннан шундый мәгълүмат бирде.

Яшь ярымлык сабыйның мәетен су сибү өчен ясалган савытта табып алганнар. Малай республиканың Нурлат районындагы бер авылда 24 август кичендә батып үлгән. Бу хакта Россия Тикшерү комитетының ТР буенча идарәсе җитәкчесенең өлкән ярдәмчесе Андрей Шептицкий хәбәр итте.

Әлмәт районында «Әлмәт - Азнакай» автомобиль юлындагы (4-120 чакрым) Дала Зәе елгасы аша салынган күперне төзекләндерәчәкләр. Шул хактагы мәгълүмат дәүләт сатып алулары сайтында урнаштырылган.