Новости за 18.08.2022

Түбән Камада яңа уку елы башлану алдыннан, шәһәр һәм район мәгариф учреждениеләрен традицион тикшерү башланды. Беренче сентябрьдә кыңгырау Түбән Каманың барлык мәктәпләрендә дә яңгыраячак. Быел линейкалар традицион форматта үткәрергә планлаштырыла.

Казанда «Татар-информ» мәгълүмат агентлыгы фотографы, Татарстанның атказанган мәдәният хезмәткәре Солтан Исхаковның юбилей күргәзмәсе ачылды. Дәрвишләр бистәсендәге Сәет-Галиев мәдәният сараенда тәкъдим ителгән экспозициядә фотографның 30 еллык иҗаты чагылыш тапкан 80нән артык фотохезмәтен күрергә була.

Мамадыш районы Башкарма комитетына җитәкче итеп Олег Павлов билгеләнде. Ул дүртенче чакырылыш Мамадыш муниципаль районы Советының унбишенче утырышында тәкъдим ителде. «Нократ» газетасының сайты шул турыда хәбәр итә.

«Уйнагыз, гармуннар!» республика бәйрәмендә гармунчылар парады алдыннан быел да Татарстанның атказанган артисты Фирдүс Тямаев барачак.

Бүген Татарстан Республикасы Президенты Рөстәм Миңнеханов эш сәфәре белән Кукмара муниципаль районында булды. Ул район өстеннән вертолетта республиканың Авыл хуҗалыгы һәм азык-төлек министрлыгы башлыгы Марат Җәббаров белән очып узды, кырларны, урып-җыюның барышын карады. Республика җитәкчесенең матбугат хезмәте шул турыда хәбәр итте.

Ковидтан бустер вакцинаны кабат кадату авырудан соң өзлегүләр куркынычы югары булган кешеләр өчен генә киңәш ителә. Иммунлаштыру буенча экспертларның Стратегик консультатив төркеме рәисе Алехандро Кравиото шулай дип белдерде. РИА Новости шул турыда яза.

Татарстан буенча Эчке эшләр министрлыгы башлыгы Артем Хохорин Россия Эчке эшләр министрлыгының Мөслим районы буенча бүлегенең шәхси составын яңа җитәкче – полиция подполковнигы Марат Дәүләтшин белән таныштырды.

Татар баянчысы, «Урман арты» мәдәният үзәгенең «Татар гармончылары» халык ансамбле җитәкчесе Ринат Мөхетдинов Россия гармунчыларының Алтын унлыгына кергән.

Рубль пәнҗешәмбе көнне Мәскәү биржасы сәүдәсендә ышанычлы үсеш күрсәтте. «Российская газета» шул турыда яза.

Премьер-министр Михаил Мишустин «Авыл ипотекасы» программасының озайтылуы турында хәбәр итте. Моңа кадәр ул быел тәмамланыр дип көтелгән иде. «Российская газета» шул турыда яза.

КНИТУ-КАИ үзенең тулай торагында «Сервис-строй» компаниясе ясаган сыйфатсыз ремонтка зарланып Монополиягә каршы федераль хезмәтнең Татарстан буенча идарәсенә хәбәр иткән. Хәзерге вакытта бу эш буенча судта тикшерү бара. Бу хакта журналистларга Монополиягә каршы федераль хезмәтнең Татарстан буенча идарәсе җитәкчесе урынбасары Алмаз Яфизов хәбәр итте.

Казанның Яңа Савин районында яңа типик проект буенча 220 балага исәпләнгән балалар бакчасы төзелә. Киләчәктә аның буенча башка мәктәпкәчә учреждениеләр дә төзелә башлаячак. Ясле төркемнәренең саны күп булуы яңа балалар бакчасының үзенчәлеге булачак. Мондый бакчаларда өч яшькә кадәрге сабыйларга урыннарның гомуми саныннан 45 проценты биреләчәк. Бүген объектта Татарстан башкаласы мэры Илсур Метшин булды.

Татар утарын төзекләндерү эшләре актив алып барыла. Бина 70 процентка әзер.

Татарстан Президенты Рөстәм Миңнеханов Биектау районында булды. Сәфәр кысаларында ул «Бөреле» ябык акционерлык җәмгыяте механизаторлары белән очрашты, район кырлары өстеннән вертолетта очып узды һәм урып-җыю кампаниясенең барышы белән танышты. Аны Татарстан Республикасы Авыл хуҗалыгы һәм азык-төлек министрлыгы башлыгы Марат Җәббаров озата йөрде.

Татар балалары өчен яңа татар герое барлыкка килде. Бүген ТР Милли китапханәсендә «Туган батыр» брендын һәм китабын тәкъдим иттеләр.

11 октябрьдә Башкортстанның Республика көненә багышланган чаралар Уфаның барлык төп мәйданчыкларында узачак. Башкортстан башлыгы администрациясе җитәкчесе Максим Забелин Совет мәйданын реконструкцияләү буенча гаять зур эш башкарылганлыгын билгеләп үтте. Бу турыда ул бүген республика оештыру комитеты утырышында сөйләде. «Башинформ» шул турыда яза.

«Клипның үзенчәлеге – рәсемнәрнең кеше кулыннан ясалмавында. Нейрочелтәр ярдәмендә клип төшерү зур трендка әйләнер», - диде Рәдиф Кашапов.

Баннерларны әзерләгәндә, Татарстан Милли китапханәсе материаллары кулланылды, әлеге коллективка рәхмәтебезне белдерәбез.

Берничә ай дәвамында республиканың төрле районнарындагы полиция бүлекләренә автомобиль хуҗаларыннан гаризалар килгән, аларның машиналарыннан арткы күренешне күрсәтә торган көзгеләрне урлаганнар. Бу хакта ТР буенча Эчке эшләр министрлыгының матбугат хезмәте хәбәр итә.

«Татмедиа» акционерлык җәмгыяте басмаларына язылучылар «Язылган өчен санаторийга юллама, телевизор һәм башка призлар» дип аталган бүләкләр уйнатуда катнаша ала. Конкурста җиңүчеләрне иртәгә, ягъни 19 августта билгеләячәкләр.

4 октябрьдә Казаннан Грозныйга даими авиарейслар ачыла. Рейслар атнасына ике тапкыр ясалачак, дип хәбәр итә Казан аэропортының матбугат хезмәте.

Татарстан Дәүләт Советы депутаты, «Бәхетле» ҖЧҖ генераль директоры Мөслимә Латыйповага «Казанның мактаулы гражданины» исеме бирелде. Әлеге карар Казан шәһәр Думасының чираттан тыш XVI сессиясендә кабул ителде.

Татарстанда соңгы тәүлектә коронавирус инфекциясенең 102 очрагы ачыкланган. Бу – 10 июньнән соң иң зур сан, дип хәбәр итә стопкоронавирус.рф порталы. Шул ук вакытта, 63 пациент хастаханәгә озатылган.

«1991 елда яңадан тудым дисәң дә була – операцияләр кичердем. Шуннан соң рәссам һөнәрен искә төшерергә туры килде», - диде ул.

Хөкүмәт автомобильләрне бензиннан газга күчергән вакытта россиялеләрнең чыгымнарын субсидияләү күләмен арттырды. Хәзер аларга сарыф ителгән сумманың 24 процентын түгел, ә 48 процентын компенсацияләячәкләр. Бу хакта Министрлар Кабинетының матбугат хезмәте хәбәр итә.