Новости за 27.05.2022

Битлек режимы федераль дәрәҗәдә булган вакытта, Татарстан республикада әлеге режимны гамәлдән чыгарырга җыенмый. Бу хакта «Татар-информ»да узган матбугат конференциясендә Кулланучы хокукларын яклау һәм кеше иминлеге өлкәсендә күзәтчелек федераль хезмәтенең (Роспотребнадзор) Татарстан буенча идарәсе җитәкчесе урынбасары Любовь Авдонина хәбәр итте.

26 майда Бөтендөнья татар конгрессы Башкарма комитеты җитәкчесенең Россия Федерациясе төбәкләрендәге татар иҗтимагый берләшмәләре белән эшләү буенча урынбасары Марс Тукаев 50 яшьлек юбилеен бәйрәм итә. Бөтендөнья татар конгрессының «Татар милләтенә күрсәткән олы хезмәтләре өчен» медале тапшырылды. Бу турыда конгрессның матбугат хезмәте хәбәр итте.

Татарстанда узган атнада коронавирус йоктырудан авыручылар саны 8 процентка кимегән. Бу хакта «Татар-информ»да узган матбугат конференциясендә Роспотребнадзорның Татарстан буенча идарәсе җитәкчесе урынбасары Любовь Авдонина сөйләде.

Казанда eCOMMunity селлерлар ассоциациясе, Россиянең аналитиклар сервисын уйлап чыгарган MarketGuru компаниясе белән берлектә, маркетплейсларның селлерлар ассоциациясе ачылуга багышланган россиякүләм слет үткәрә. 27-28 май көннәрендә үтүче чарада 300 гә якын селлер катнашачак.

Казанда узган елның май аенда һөҗүмгә дучар булган 175-нче номерлы гимназия территориясендә хәтер паркы төзеләчәк. Шундый тендер дәүләт сатып алулары сайтында урнаштырылган.

Татарстан республикада китапханә челтәре үсешенә зур игътибар бирә. Биредә заманча уку заллары, иҗтимагый киңлекләр булдырыла, дип билгеләп үтте Татарстан Президенты. Бу турыда Рөстәм Миңнеханов Татарстан халкын Гомумроссия китапханәләр көне белән котлаганда белдерде.

Бүген Төркиянең Эскишәһир каласында Идел-Урал төбәгендәге дини уяну һәм заманлашу турында сөйләшәләр. Бу хакта “Төрек учаклары” иҗтимагый оешмасының Истанбул бүлекчәсе җитәкчесе Җәзми Байрам хәбәр итә. 

27 майда Казанда ТАССР Министрлар Советы Рәисе, Татарстан Республикасының беренче Премьер-министры Мөхәммәт Сабировка мемориаль такта ачу тантанасы була. Бу хакта Татарстан Мәдәният министрлыгының матбугат хезмәте хәбәр итә.

Әгәр дә маймыл чәчәге вирусы бик нык таралса, авыру тагын да зарарлы булырга мөмкин. Мондый фикерне Гамалея исемендәге эпидемиология һәм микробиология фәнни-тикшеренү институты директоры Александр Гинцбург «Россия 1» каналы эфирында әйтте.

Казанда тикшерү изоляторы бинасы төзелешенә 6 миллиард сумнан артык акча бүлеп биреләчәк. Шул турыдагы өч тендер дәүләт сатып алулары порталында урнаштырылган.

Бүген иртәнге сәгать дүрттә Бөгелмә шәһәренең Казан урамында фаҗига булды: шәхси йортка ут капкан. Россия гадәттән тыш хәлләр министрлыгының Татарстан буенча Баш идарәсе матбугат хезмәтендә бу хәл турында сөйләделәр.

Татарстан травматологлары быелдан башлап оча-бот һәм тез буыннарын протезлауда үзебезнең илдә җитештерелгән җайланмаларны кулланачак.

Казанда чираттагы телефон мошенниклыгы очрагы теркәлгән. Бу юлы җинаятьчеләрнең тозагына шәһәрдә яшәүче 40 яшьлек хатын-кыз эләккән.

Казанда Татарстан Республикасыннан килгән катнашучылар өчен «Россия – мөмкинлекләр иле» Президент платформасының «Абилимпикс» төбәк чемпионатына йомгак ясадылар.

Г.Кариев театрының «Камыр батыр» спектакле (режиссер – Марфа Горвиц) V Халыкара балалар фестивале шорт-листына керде.

4 июньдә Казанның Киров районындагы Тирән күлне чистарту буенча Рус географик җәмгыятенең Татарстан Республикасындагы төбәк бүлеге оештырган экологик акция узачак.

27 май көнне 14.00 сәгатьтә Әгерҗенең «Яшьлек» паркында ел саен үткәрелә торган Китап фестивале узачак.

«Татех» АҖ директорлар советы рәисе Шәфәгать Тәхаветдинов исеменнән Аксубай районының нефть компаниясенең административ территориясендә урнашкан биш белем бирү учреждениесенә максатчан финанс ярдәме күрсәтелде.

Быел Пионерия барлыкка килүгә 100 ел тулды. Актаныш районында әлеге уңайдан күптөрле чаралар оештырылды. Район ветераннары да юбилей бәйрәменнән читтә калмады. Актаныштагы ветераннар йортында Пионер дружинасы советының тантаналы линейкасын уздырды.

Түбән Камада Нефть химиячеләре паркында сәләтле балалар фестиваленә 4 меңнән артык укучы килгән.

Апас районы егетләре Дәвеш ял-сәламәтләндерү үзәге базасына хәрби кыр уеннарына җыелды. Киләчәктә солдат булачак егетләр көчләрен арттыра, төрле уеннарда, ярышларда сынала.