Новости за 23.06.2021

په افغانستان کې د ملګرو ملتونو د سیاسي دفتر (یوناما) مشره وايي، د روان کال د لومړیو درېیو میاشتو په امنیتي پېښو کې افغان ښځې زیاتې قرباني شوي دي. دیبرا لاینز پرون سې شنبه (د چنګاښ ۱مه) د ملګرو ملتونو د امنیت شورا یوې انلاین غونډې ته په خبرو کې په افغانستان کې د ملکیانو مرګ ژوبله د اندېښنې وړ وبلله. نوموړې وویل: "د ۲۰۲۱میلادي کال په لومړیو درېیو میاشتو کې د ملکیانو مرګ ژوبله د تېر کال د همدې مودې پر تله ۲۹ فیصده زیاته شوې ده. له بده مرغه د ښځو مرګ ژوبله ۳۷ فیصده او د ماشومانو مرګ ژوبله ۲۳ فیصده... Читать дальше...

د افغانستان د بشري حقونو خپلواک کمېسیون له وسله والو طالبانو، دولتي ځواکونو او پاڅونوالو د ملکیانو د خوندیتوب غوښتنه وکړه. کمېسیون دا غوښتنه وروسته له هغې کوي چې په ځینو ولایتونو کې په سلګونو کسانو د وسله والو طالبانو په وړاندې د جګړې لپاره وسلې واخیستې. د بشري حقونو خپلواک کمېسیون ویاند او کمېشنر شکر الله مشکور ازادي راډیو ته د دغه کمېسیون غوښتنه مطرح کړه: " افغانستان د بشري حقونو خپلواک کمېسیون د تل په څېر د جنګ پر  ښکېلو خواوو غږ کوي چې د جنګ قواعدو او د بشرپالنې نړیوالو قوانینو ته جدي پام وکړي. Читать дальше...

د ننګرهار په سپین­ غر ولسوالۍ کې قومي مشرانو پرېکړه وکړه، هغه کورنۍ به کډې کولو ته مجبوروي چې کوم غړی یې د وسله والو طالبانو په لیکو کې وي. د قومي مشرانو د پرونۍ پرېکړې په اړه د ننګرهار د والي ویاند عطا الله خوګیاڼي ازادي راډیو ته وویل: "که تردې وروسته د دې سیمې د کورنۍ هر غړی د طالبانو په لیکو کې وي، یا به هغوی د طالبانو له لیکو باسي، یا به هم له سیمې کډه کوي." د والي ویاند وايي، قومي مشرانو دا پرېکړه وروسته له هغې وکړه چې وسله والو طالبانو د سپین­غر ولسوالۍ بازار په وروستیو کې وسوځاوه، د خلکو کورونه او نور تاسیسات یې ویجاړ کړل. Читать дальше...

د روسیې ولسمشر پر پخواني شوروي اتحاد د نازيانو د یرغل د اتیایم کال د پوره کېدو په مناسبت وینا کې، د شوروي اتحاد قربانۍ وستایلې. ولادمیر پوتین د اړیکو د ترینګلتیا په اوج کې پرون سې شنبه (د چنګاښ ۱مه) ادعا وکړه چې د اروپا امنیت په ډراماتیک ډول خراب شوی دی. وروسته له هغې چې روسیې په ۲۰۱۴میلادي کال کې د اوکراین کریمیا ټاپو وزمه له خپلې خاورې سره الحاق کړله، له لوېدیځ سره د روسیې اړیکې د سړې جګړې د پای د مهال په څېر تر ټولو ټیټې سطحې ته رسېدلې دي. نازي جرمني له مسکو سره د تړون له لاسلیک سره- سره... Читать дальше...

د اروپا د ملتونو جام د سیالیو په لړ کې نن چهارشنبه (د چنګاښ ۲مه) څلور مسابقې کېږي. په لومړیو دوو مسابقو کې د افغانستان پر وخت د شپې اته نیمې بجې سویډن له پولنډ او سلواکیا له هسپانیا سره مخامخېږي. په دوو نورو مسابقو کې د کابل پر وخت دشپې یوولس نیمې بجې پرتګال د فرانسې او جرمني د هنګري په وړاندې د سیالۍ ډګر ته وځي. د اروپا د ملتونو جام سیالۍ یا یوفا چې له تېر میلادي کاله سږکال ته د کرونا وبا له کبله وځنډول شوې، د جون پر یوولسمه پیل شوي او د جولای تر یوولسمې دوام کوي.

د افغانستان د بهرنیو چارو وزیر وايي، وسله والو طالبانو خپلې هغه مهمې ژمنې نه دي پر ځای کړي چې له واشنګټن سره په تړون کې یې کړې وې. محمد حنیف اتمر د ملګرو ملتونو د امنیت شورا پرونۍ (سې شنبه -د چنګاښ ۱مه) انلاین غونډې ته وویل، د طالبانو ډله لا هم له ځینو سیمه ییزو او نړیوالو تروریستي ډلو سره اړیکې لري. نوموړي زیاته کړه: "دوی له نړیوال ټرورېزم سره خپل ارتباط نه دی پرې کړی. دوی نه یوازې القاعده شبکې ته پناه ورکړې او کوربه توب یې کوي، بلکې نورو سیمه ییزو تروریستي ډلو ته یې هم پناه ورکړې، لکه لشکرطیبه... Читать дальше...

هندوستان د کرونا ویروس د مثبتو پېښو په شمېر کې د پام وړ کموالي خبر ورکړی دی. د دغه هېواد د روغتیا وزارت یوه مرستیال راجیش بوشن پرون سې شنبه (د چنګاښ ۱مه) رسنیو ته وویل، په هندوستان کې تر ۱۸ کلونو زیات عمر لرونکو ته د کرونا ضد واکسین لګول په شدت روان دي. نوموړي وویل: "که د مې میاشتې اوومې نېټې ته پام واړوو، د کرونا وبا په اوج کې مو په ورځني ډول تر ټولو لوړ شمېر ثبتاوه چې د ورځې تر څلورو لکواو ۱۴زرو اوښت. وروسته دا شمېر ډېر کم شو، که له هغه اوج سره یې پرتله کړو، نن سبا مثبتې پېښې ۹۰ سلنه کمې شوې... Читать дальше...