Новости за 20.06.2021

د بښنې نړیوال سازمان د ایران د ولسمشر په توګه د ابراهیم رييسي د بریالیتوب د اعلان په غبرګون کې وویل، له نوموړي څخه باید د جرمونو تحقیقات وشي. دې ډلې د ۱۹۸۸ کال په دوبي کې د زرګونو سیاسي بندیانو اعدام کېدو ته په اشاره ویلي، د ایران راتلونکی ولسمشر ابراهیم رييسي باید د نړیوالو جرمونو په خاطر تر جنايي تعقیب لاندې راوستل شي. د بښنې نړیوال سازمان یا ایمنسټي انترنیشنل پرون شنبه (د غبرګولي په ۲۹مه) په یوه اعلامیه کې د ۱۹۸۸ کال پېښې د بشریت پر ضد جنایتونه بللي دي. د ۱۹۸۸ کال په دوبي کې د روح الله خمیني... Читать дальше...

د سعودي عربستان په مشرۍ ايتلاف وايي، په یمن کې د ایران له ملاتړه د برخمنو حوثي یاغیانو له لوري ورلېږل شوې ۱۱ بې پېلوټه الوتکې یې ویجاړې کړي دي. د سعودي عربستان دولتي ټلوېزیون پرون شنبه (د غبزګولي په ۲۹مه) د پوځي ايتلاف په قول وویل چې ۸ انتحاري بې پېلوټه الوتکې د سعودي عربستان په جنوب لوېدیځ کې د نجران ښار لورته او دوه د خمیس مشیط ښار خوا ته توغول شوې وې.

د امریکا د بهرنیو چارو وزارت په ایران کې د ولسمشرۍ د انتخاباتو پر بهیر او د ولسمشر په توګه د ابراهیم رييسي پر غوره کېدو انتقاد وکړ.  د امریکا د بهرنیو چارو وزارت یوه ویاند پرون شنبه(د غبرګولي ۲۹مه) وویل چې د ایران د کورنیو چارو وزارت له لوري یې د ابراهیم رييسي د بري خبر لیدلی دی، خو ایرانیان په یوه ازاده او عادلانه انتخاباتي پروسه کې د خپل مشر د غوراوي له حقه بې برخې شول.  د ایران د کورنیو چارو وزارت وايي چې په دې انتخاباتو کې ابراهیم رييسي څه باندې ۱۷ میلیونه او ۹۲۶ زره رایې ترلاسه کړي دي.

لاس انجلس ټایمز لاس انجلس ټایمز ورځپاڼې په خپله وروستۍ ګڼه کې له افغانستانه د امریکايي او ناټو ځواکونو له وتلو وروسته د افغان هوايي ځواک د ستونزو په اړه لیکنه خپره کړې ده. دې ورځپاڼې د کندهار په ارغنداب ولسوالۍ کې د افغان هوايي ځواک خوځښتونو ته اشاره کړې او لیکلي یې دي چې د امریکايي پوځیانو له وتلو وروسته به په کندهار کې چې د طالبانو تاریخي مرکز دی، ګواښونه زیات شي. ورځپاڼې په دې ولسوالۍ کې د امریکا د یوې قراردادي څرخکې د یوې ورځې فعالیت انځور کړی او لیکلي یې دي چې دا هليکوپټر د اکمالاتو مسوولیت لري. Читать дальше...

د ایران د کورنیو چارو وزیرعبدالرضا فضلي پرون شنبه (د غبرګولي ۲۹مه) په تهران کې په یوه خبري کنفرانس کې د ولسمشرۍ د انتخاباتو نتیجه داسې اعلان کړه.  نوموړي وویل: "سید ابراهیم رییسي، د ۱۷ میلیونه او ۹۲۶ زره او ۳۴۵ رایو په ګټلو سره انتخابت ګټلي او د ایران د ولسمشر په توګه انتخاب شو."  ۶۰ کلن رییسي چې پخوا د قضایي قوې مشر او یو تُندلاری شخص ګڼل کېږي، د بښنې نړیوال سازمان، امنیسټي انټرنېشنل په ځلونو د دې غوښتنه کړې چې له نوموړي دې د هغه رول په خاطر څېړنه وشي چې په ایران کې یې د خلکو د ورک کېدو، شکنجې،... Читать дальше...

د افغانستان د کډوالو او راستنېدونکو چارو وزارت وایي، شااوخوا شپږ نیم میلیونه افغانان د نړۍ په اویا هېوادونو کې د کډوالو یا پناه غوښتونکو په توګه ژوند کوي. ایران او پاکستان هغه دوه هېوادونه دي چې تر ټولو زیات یې افغاناتو ته په خپله خاوره کې ځای ورکړی دی.  نور شااوخوا څلور نیم میلیونه افغانان هم په افغانستان کې دننه د جګړو او نورو ستونزو له امله له خپلو اصلي مېنو بې ځایه شوي دي. یوه هم شاه ګله ده چې د کندهار ولایت له میوند ولسوالۍ څخه د جګړو له امله خپل کور پرېښودو ته مجبوره شوې ده.  نوموړې وايي... Читать дальше...

نن د جون ۲۰مه د کډوالو نړېواله ورځ ده، دا ورځ سږکال داسې مهال را رسېږي چې نه یوازې په افغانستان بلکې د نړۍ په ډېری هېوادونو کې کرونا ویروس خپله لمنه پراخه کړې. په دې وضعیت کې په نورو هېوادونو کې افغان کډوال په څه حالت کې دي؟   ایا دوی کرونا ویروس ضد واکسین ترلاسه کړی؟   په فرانسه کې افغان کډوال قیوم حبیبي وايي، کرونا فرانسه کې په ځانګړي ډول د افغان کډوالو ژوند له سختو ستونزو سره مخ کړی. قیومي زیاتوي، هغه افغانان چې په کرونا ویروس اخته شوي واکسین یې نه دی ترلاسه کړی: "ما د کرونا ویروس ناروغي... Читать дальше...

په هالنډ کې ځینې مېشت افغانان په پام کې لري چې نن یکشنبه(د غبرګولي ۳۰مه) په افغانستان کې د روانو وژنو پر خلاف لاریون وکړي. د لاریون یوې تنظیموونکې سایرې نورزۍ ازادي راډیو ته وویل، د لاریون برخوال غواړي په دې اقدام سره نړیوالو ته یو پیغام ورکړي: "دوی غواړي د دغه روان حالت پر وړاندې خپل غږ اوچت کړي او نړیوالو ته دا وښيي چې په افغانستان کې روانه جګړه د افغانانو جګړه نه، بلکې د پردیو، سیمې او نړۍ جګړه ده. دا د اقتصاد جګړه ده." لاریون به د پلازمېنې امسټردام په مرکزي میدان کې کېږي چې له نورو اروپايي هېوادونو هم افغانان ورته ورځي. Читать дальше...