Новости за 31.12.2021

Shefi i Organizatës Botërore të Shëndetësisë (OBSH), tha më 31 dhjetor se është optimist që pandemia e koronavirusit do të mposhtet përgjatë vitit 2022. Ai madje kërkoi nga shtetet që të punojnë bashkërisht në parandalimin e përhapjes së pandemisë. Tedros Adhanom Ghebreyesus po ashtu foli kundër “nacionalizmit të ngushtë dhe grumbullimit të vaksinave” në fjalimin e tij të fundvitit. Ghebreyesus foli dy vjet pasi që OBSH-ja regjistroi rastin e parë me koronavirus që atëkohë besohej se ishte pneumoni e panjohur e përqendruar vetëm në Kinë. Читать дальше...

Gjermania hoqi dorë nga plani për ta nderuar me "Urdhrin e Meritave" një historian kontrovers pas kritikave që vinin nga shteti i Bosnje e Hercegovinës e më gjerë. Presidenti gjerman, Frank-Walter Steinmeier deshi ta nderonte hulumtuesin shumëvjeçar të Holokaustit, izraelitin Gideon Greif por, i cili konsiderohet mohues i gjenocidit në Srebrenicë. Më shumë se 8 mijë boshnjakë u vranë gjatë gjenocidit në Srebrenicë në korrik të vitit 1995, nga forcat serbe të Bosnje e Hercegovinës.   Në anën tjetër... Читать дальше...

Ministria e Shëndetësisë njoftoi më 31 dhjetor se në Kosovë janë regjistruar 42 raste të reja me koronavirus. Rastet e reja dolën pas testimit të 3,561 mostrave. Ndërkaq nga 30 mostra 8 persona rezultuan pozitiv me variantin Omicron të koronavirusit.  Sipas njoftimit, edhe 8 pacientë janë shëruar, ndërkaq raste aktive janë 453. Në 24 orët paraprake, autoritetet shëndetësore kanë administruar 2,018 doza të vaksinës kundër koronavirusit. Deri më tani, në Kosovë, të vaksinuar me dy doza të vaksinës janë 782,696 persona. Читать дальше...

Shtetet e Paqësorit, si Zelanda e Re e Australia janë ndër të parat që hynë në Vitin e Ri 2022. Në Zelandën e Re fishekzjarrët e ndriçuan qiellin mbi qytetin më të madh, Okland, ndërkaq në Australi festa më e madhe u shënua në Sidnej. Shumë njerëz në botë po përgatiten të përshëndeten me vitin 2021, i cili u shënua me izolime dhe valë të reja të koronavirusit. Shteti australian deri tash e ka kontrolluar kryesisht mirë pandeminë me shifra relativisht të ulëta të vdekjeve, por javën e shkuar... Читать дальше...

Qytetarët e Maqedonisë së Veriut nga 1 janari do të marrin fatura më të larta të energjisë elektrike dhe të ngrohjes qendrore. Komisioni Rregullator për Energjetikë të premten ka vendosur rritjen e çmimit të ngrohjes për 14 për qind, ndërsa të enjten energjinë elektrike e shtrenjtoi për rreth 10 për qind. Një familje që ka paguar rreth 3.000 denarë në muaj (50 euro), rritje të çmimit do të ketë për 300 denarë apo 5 euro në muaj. Fatura më të larta qytetarët do të marrin edhe për ngrohjen qendrore. Читать дальше...

Pas disa muajve të rëndë të pandemisë, më 2021 gjithë çka u është dashur njerëzve ka qenë shpresa dhe buzëqeshjet në fytyrë. Pandemia nuk është mposhtur, por njerëzit kanë nisur të mësohen me këtë situatë dhe kanë pasur sy edhe për gjëra tjera. Në këtë video i kemi përmbledhur disa ngjarje që i kanë disponuar njerëzit gjatë vitit.

“Viti 2021 tregoi këmbënguljen dhe qëndrueshmërinë e Kosovës dhe kosovarëve”, tha i ngarkuari me punë në Ambasadën e SHBA-së në Kosovë, Nicholas Giacobbe. Nëpërmjet një postimi në Twitter, Giacobbe shkroi se viti 2021 dëshmoi që partneriteti ndërmjet Kosovës dhe Amerikës është më i fortë se kurrë. Ai shpërndau edhe një video, në të cilën përmenden disa prej marrëveshjeve midis dy vendeve gjatë këtij viti. “Këtu janë vetëm disa shembuj të përparimit që kemi bërë së bashku këtë vit. Gëzuar Vitin e Ri!”... Читать дальше...

Dhjetëra mijëra njerëz u detyruan të evakuohen dhe mijëra shtëpi tashmë janë shkatërruar si pasojë e zjarreve që po përhapen me shpejtësi në shtetin amerikan, Kolorado. Sipas zyrtarëve pritet të ketë viktima e të lënduar. Rreth 30 mijë njerëz në qytetet Luisvill dhe Superior u urdhëruan të largohen nga shtëpitë më 31 dhjetor. Njëkohësisht, guvernatorit Jared Polis shpalli gjendje e jashtëzakonshme. “Ky zjarr nuk është çështje e resurseve, është fuqi e natyrës”, tha ai në një konferencë për media. Читать дальше...

Ministrja e Punëve të Jashtme e Kosovës, Donika Gërvalla e ka shpallur non grata (të padëshiruar) një zyrtar rus të Misionit të Kombeve të Bashkuara në Kosovë (UNMIK). Sipas njoftimit të ministres, vendimin e ka marrë me kërkesë të Kryeministrit të Kosovës, Albin Kurti. “[Vendimi është marrë] për shkak të veprimtarisë së tij të dëmshme, e cila ka cenuar sigurinë kombëtare të Republikës së Kosovës. Njëkohësisht kam njoftuar institucionet ligjzbatuese dhe autoritetet përkatëse për zbatimin e këtij vendimi”, thuhet në njoftimin e ministres. Читать дальше...

Përfundimi i pandemisë, stabilizimi i çmimeve dhe zhbllokimi i procesit të integrimeve, janë kërkesat kryesore të qytetarëve të anketuar nga Radio Evropa e Lirë në Shkup në prag të ndërrimit të moteve.   Për shkak tëkrizës energjetike në kryeqendrën e Maqedonisë së Veriut, në Shkup, janë vendosur zbukurime minimale, ndërkohë që edhe shumë komuna tjera të vendit kanë vendosur që ta kursejnë energjinë duke hequr dorë nga stolisjet për të shënuar atmosferën festive me rastin e festave të fundvitit. Читать дальше...

Në Kosovë deri më 30 dhjetor 2021 në Kosovë janë administruar 10, 112 doza përforcuese të vaksinës kundër COVID-19. Sipas të dhënave nga Ministria e Shëndetësisë, përveç kësaj, deri në këtë datë janë administruar 2093 doza të treta të vaksinës. Administrimi i dozës përforcuese dhe të tretë të vaksinës në Kosovë ka nisur më 9 dhjetor. Në Kosovë tani doza përforcuese u jepet qytetarëve tre muaj pas marrjes së dozës së dytë të vaksinës. Kurse doza e tretë u jepet personave, të cilët i kanë marrë dy dozat e vaksinës kundër COVID-19... Читать дальше...

Nora Gjakova dhe Distria Krasniqi janë sinonim i suksesit më të madh që sporti në Kosovë arriti më 2021. Dy xhudistet nga Kosova ishin të pamposhtura në tatami në Lojërat Olimpike “Tokio 2020”, që u mbajtën më 2021 për shkak të pandemisë së koronavirusit. Më 24 korrik, xhudistja 26-vjeçare Distria Krasniqi fitoi medaljen e artë në Lojërat Olimpike “Tokio 2020” në kategorinë deri në 48 kilogramë. Dy ditë më vonë, ishte radha e xhudistes 29-vjeçare, Nora Gjakova që të rrëmbente medaljen e dytë të artë në këto lojëra për Kosovën. Читать дальше...

Nga efektet e pandemisë së koronavirusit, deri te pasojat e përleshjeve të armatosura, ju paraqesim disa prej fotografive më mahnitëse të vitit, të shkrepura nga fotografët e Radios Evropa e Lirë. (Përgatiti: Trim Haliti)

Qeveria e Kosovës gjatë këtij viti është përballur me tri kriza, për të cilat ka pasur nevojë për mjete shtesë financiare, tha Ministri i Financave dhe Transfereve, Hekuran Murati. “Kosova edhe sivjet është përballur me pandeminë COVID-19, për të cilën është kërkuar mbështetje shtesë financiare. Kriza e dytë është importimi i inflacionit. Për të lehtësuar këtë situatë, ministria ka ndarë 40 milionë euro për familjet në nevojë dhe e fundit është kriza energjetike. Ministria e Financave për këtë... Читать дальше...

Kompania amerikane Tesla ka tërhequr nga tregu më shumë se 475 mijë vetura elektrike për të adresuar disa probleme me kamerën prapa veturës dhe bagazhin që shtojnë rrezikun e përplasjes. Kështu ka thënë Rregullatori i Shteteve të Bashkuara të Amerikës për sigurinë në rrugë, të enjten (30 dhjetor). Administrata për Sigurinë e Trafikut në Autostradat Kombëtare (NHTSA) ka diskutuar edhe një çështje tjetër të kamerave me prodhuesin e veturave, duke hetuar edhe sistemit e asistencës në vozitje të kësaj kompanie. Читать дальше...

Festimet e Vitit të Ri nëpër botë janë anuluar pasi rastet në rritje me koronavirus po i zbehin festimet për vitin e dytë me radhë. Megjithatë, Australia tha se është e vendosur për ta shijuar natën, ndërsa pati paralajmërime se Koreja e Veriut po përgatit fishekzjarrë. Infeksionet globale me koronavirus arritën rekorde në shtatë ditët e fundit, me një mesatare me mbi 1 milion raste të reja në gjithë botën nga 24 deri më 30 dhjetor. Pasi shumë shtete kanë arritur rekorde të rasteve me COVID-19... Читать дальше...

Formimi i institucioneve dhe menaxhimi i pandemisë së COVID-19 mbeten sfida të mëdha për Kosovën gjatë vitit 2021. Por, Kosova si një vendi vogël shënoi edhe suksese. Kryesisht sporti dhe kultura prodhuan ngjarjet më pozitive për Kosovën.

Izraeli ka filluar të administrojë dozën e katërt të vaksinës për grupet më të ndjeshme ndaj koronavirusit, duke u bërë një nga vendet e para që e bën këtë. Izraeli, i cili udhëhoqi një program vaksinimi nga më të suksesshmit në botë në vitin 2020, do të administrojë një dozë të katërt të vaksinës për individët me sistem imunitar të dobësuar së bashku me banorët e moshuar dhe punonjësit në shtëpitë e kujdesit. Përhapja e dozës së katërt filloi në Qendrën Mjekësore Sheba të Izraelit të premten... Читать дальше...

Presidenti i Shteteve të Bashkuara të Amerikës, Joe Biden, ka kërkuar nga homologu i tij rus, Vladimir Putin, që t’i zbusë tensionet, gjatë një thirrjeje telefonike të enjten (30 dhjetor). Kjo thirrje u bë mes tensionesh afër kufirit Ukrainë - Rusi. Në bisedën nëpërmjet telefonit që zgjati rreth 50 minuta, liderët patën një shkëmbim serioz për të vendosur bazën për bisedime në fillim të muajit të ardhshëm. Kështu tha një zyrtar nga administrata e Bidenit, i cili foli nën kushte anonimiteti për shkak të çështjeve të ndjeshme diplomatike. Читать дальше...

Therra e barishte jo të mirëmbajtura, mbeturina e baltë përshkojnë tokën te tuneli në afërsi të Stacionit të Trenit në Prishtinë. Zymtësinë e kësaj zone në një ditë të dimrit e thyejnë vetëm ngjyrat e ndritshme të muraleve gjithandej murit të tunelit. Në një nga këto murale shihet një vajzë e veshur me motive të veshjeve tradicionale të amerikanëve nativë dhe që mban në duar kokën e “Hyjneshës në Fron”, simbol i qytetit të Prishtinës. Ky është njëri ndër muralet e punuara nga artistja zvicerane... Читать дальше...