Новости за 26.03.2020

Вице-премьер-министр Эркин Асрандиев 26-мартта басма сөз жыйынында ишкер чөйрөнү колдоо боюнча антикризистик план иштелип жатканын жана анда салык жеңилдиктери боюнча чаралар камтыларын билдирди. Асрандиев депутаттардан жана эксперттерден ишкерлерди салыктан убактылуу бошотуу сыяктуу сунуштар түшүп жатканын, бирок өкмөт буга бара албай турганын ачык айтты.  «Биз салыктардан толук бошотуу жана ишкерликти түздөн-түз финансылык жактан колдоо боюнча башка өлкөлөрдүн - АКШнын, Түркиянын, Европанын, Казакстандын... Читать дальше...

26-мартта президент Сооронбай Жээнбеков Ооганстандын президенти Ашраф Гани менен телефон аркылуу сүйлөштү. Бул тууралуу президенттин сайтты жазды. Эки өлкө лидери чөлкөмдөгү коронавирус инфекциясынын жайылышына каршы күрөш боюнча кызматташтыкка даярдыгын билдиришти. Ошондой эле Сооронбай Жээнбеков Ашраф Ганиге Чоң жана Кичи Памир аймагында жашаган кыргыздардын маселелерин чечүү боюнча демилгелерди колдогону үчүн алкыш айтты. Ооганстанда саясий тирешүү ушул айдын башында президенттик шайлоонун жыйынтыгы жарыялангандан кийин күчөгөн. Читать дальше...

Коронавирус илдетине чалдыгып, учурда реанимацияда жаткан алты адамда өпкөнүн сезгенүүсү (пневмония) байкалууда. Саламаттык сактоо министрлигинин өкүлү Айнура Акматованын айтымында, айрымдарына кычкылтек өзгөчө зарыл болгондуктан жандандыруу бөлүмүнө жаткырылды.   26-мартта Кыргызстанда коронавирус инфекциясына чалдыккандар катталган жок. 18-25-мартта Кыргызстанда бул илдетке чалдыккандардын жалпы саны 44 киши болгон, эң кичүүсү бирге толо элек ымыркай, улуусу 86 жашта. Реанимациядагы алты адамдан... Читать дальше...

Коронавирус дүйнөнү тушап койду. Өпкөнү сезгенткен бул вирусту жугузгандар жарым миллион кишиге чукулдап баратат. Кайсы бир өлкөлөр илдетти натыйжалуу ооздуктай алса, вирусту этибар албай күчөтүп жибергендери да болду.

26-мартта Евразия Экономикалык Биримдигине (ЕАЭБ) мүчө мамлекеттердин вице-премьер-министрлери катышкан видеоконференция форматында Евразия экономикалык комиссиясынын кезексиз жыйыны өттү. Жыйында биримдиктин өлкөлөрүнө ташылчу зарыл болгон товарларды, анын ичинде азык-түлүк жана медициналык каражаттарды бажы төлөмдөрүнөн үч айлык мөөнөткө бошотуу макулдашылды. Жакында ал товарлардын тизмеси даярдалат. 16-мартта Евразия экономикалык комиссиясы коронавирустун жайылышынын алдын алууда колдонулуучу... Читать дальше...

Казакстанда коронавирустан бир аял каза болгонун 26-мартта кечинде маалымат жана коомдук өнүгүү министри Даурен Абаев билдирди.  Учурда коңшу мамлекетте төрт адамдын абалы оор. Жуктуруп алгандардын саны жүздөн ашты. Казакстандын Алматы, Нур-Султан жана Чымкент шаарларында 28-марттан тартып карантин чаралары күчөтүлөт. Аларга ылайык, шаар тургундарына үйлөрүнөн азык-түлүк, дары-дармек алууга жана жумушка барып келүүгө гана уруксат берилет. Бардык сейилдөөчү жайлар, балдар аянтчалары жабылат. Коомдук транспорттун жүрүшү чектелет. Читать дальше...

Москванын “Шереметьево” аэропортунан жүздөн ашык жаран Кыргызстанга кете албай турушат. Бул тууралуу Кыргызстандын Орусиядагы элчиги маалымдады. Мекеменин кабарлашынча, 25-мартта элчиликтин алдындагы атайын түзүлгөн штабдын мүчөлөрү “Шереметьево” аэропортуна барып, Кыргызстанга кете албай турган мекендештер менен жолугушкан. Штаб мүчөлөрү Кыргызстанда өзгөчө абал режими киргизилгендиктен рейстер токтотулаарын айтып, чогулгандарга аэропорттун аймагында калууга болбой тургандыгын түшүндүрүшкөн. Элчиликтин... Читать дальше...

АКШ Сенаты коронавирустан улам жабыркаган ишканаларга, элге, саламаттык сактоо системасына колдоо көрсөтүү үчүн 2,2 триллион доллар бөлүүнү караган мыйзам долбоорун бир добуштан жактырды. Ага ылайык, Американын ар бир бойго жеткен жаранына 1200, ал эми ар бир балага 500 доллардан бөлүнөт. Эми документти Өкүлдөр палатасы жактырган соң АКШ президенти Дональд Трамп кол коёт. Каралган каражат АКШнын 2020-жылга бөлгөн бюджетинен ашат. Ушуну менен Америкада COVID-19 менен күрөшүүгө каршы үч мыйзам долбоору кабыл алынды. Читать дальше...

Өлкөдөгү экономикалык тармак боюнча түзүлгөн республикалык ыкчам штаб кыргыз-кытай чек арасы аркылуу жүк ташууну жандандыруу маселесин карап, Кытай мамлекетине тийиштүү нота жөнөттү. Бул тууралуу вице-премьер-министр Эркин Асрандиев маалымдады. Кыргызстандын тиешелүү мамлекеттик органдарына «Торугарт» жана «Эркечтам» өткөрмө жайларында жүк ташууну баштоо боюнча Кытай тарап менен даярдык иштерин жүргүзүүгө тапшырма берилди. Ошондой эле жүк ташуучулар менен кырдаалды эске алып, бул процесстин механизмдерин иштеп чыгыш керек. Читать дальше...

Кыргызстанда коронавирус аныкталган 44 адамдын алтоо реанимацияга которулуп, дагы 10 кишинин абалы орточо оор деп бааланууда.

Иран 26-мартта коронавирустан 157 киши өлгөнүн билдирди. Ушуну менен Жакынкы Чыгыштагы бул мамлекетте ушул илдеттен жалпысынан 2200дөн ашуун киши каза тапты. Өлкө жетекчилиги COVID-19 илдетинин экинчи толкуну капташы мүмкүн деген коркунучтан улам шаар аралык аба жана жол каттамдарын токтотту. Буга калктын тыюуга карабай Нооруз майрамдарына байланыштуу ары-бери саякаттоону улантып жатканы түрткү болду. Саламаттык сактоо министрлигинин басма сөз катчысы Киануш Жаханпур маалымат жыйынында билдиргендей, Иранда инфекциянын жайылышы уланып жатат. Читать дальше...

21-22-март күндөрү Индиядан келген 39 жана 35 жаштагы жергиликтүү эки эркек киши обсервацияга жаткырылып, үй-бүлөсү карантинге алынды. Бул тууралуу «Азаттыкка» райондук үй-бүлөлүк дарыгерлер бөлүмүнүн башчысы Канат Муканбетов билдирди: «Экөөнүн теӊ абалы туруктуу, коронавируска байланыштуу эч кандай белгилери байкалган жок. Эртеӊ, 27-мартта анализ алынып, Бишкек шаарына жөнөтүлөт, анын жыйынтыгын күтөбүз. Мындай кырдаалга жараша эки адамдын үй-бүлөсү теӊ үй карантинге алынды». Дарыгердин айтымында... Читать дальше...

«Делбирим» фильмин Чыңгыз Айтматовдун «Кызыл жоолук делбирим» повестинин негизинде тарткан режиссёр фильмдин каармандары өбүшүп жаткан жерин кыркып салганы үчүн Өзбекстандын «Milliy TV» телеканалын сотко берүүгө камынууда.

Премьер-министр Мухаммедкалый Абылгазиев өзгөчө абал учурунда улуу муундагы адамдарды аралыктан иштөөгө которуп же иштен толук бошотуу зарыл экенин эскертти. Бул тууралуу 26-мартта өкмөттүн басма сөз кызматы кабарлады. «Өкмөттүн сунуштамасына карабастан айрым уюмдар улгайган адамдарды иштен толук бошотпой жатканы тууралуу маалымат түшүп жатат», деп айтылат мекеменин билдирүүсүндө. Өкмөттүн бардык чечимдери адамдын өмүрү менен ден соолугуна коркунучту мүмкүн болушунча азайтууга багытталганын эскерткен... Читать дальше...

Пандемияга байланыштуу Франция Ирактан өз күчтөрүн чыгарып кетет. Расмий Париж коронавирустун жайылышын ооздукташ үчүн аскерлерге муктаж экенин 25-мартта жарыялады. Андан бир күн мурда ушундай эле жүйө менен Чехия да өз аскерлерин чыгарып кетерин билдирген. Эки өлкөнүн аскерлери ал жакта «Ислам мамлекети» радикал тобуна каршы күрөшүү операцияларынын алкагында жергиликтүү күчтөрдү машыктырган АКШ баштаган топтун катарында жүрүшөт. Ал арада баш калаа Багдадда өкмөттүк мекемелер жана элчиликтер жайгашкан районго ракетадан чабуул коюлду. Читать дальше...

Кыргызстандагы жардамга муктаж адамдар жана үй-бүлөлөр бекер ун менен камсыз болот. Өкмөт бул үчүн Мамлекеттик материалдык резервдер фондунан 10 миң тонна ун чыгарганы жатканын 26-мартта билдирди. Унду бөлүштүрүп, жеткирип берүү милдети Өзгөчө кырдаалдар министрлиги менен Эмгек жана социалдык өнүктүрүү министрлигине, ошондой эле жергиликтүү өз алдынча башкаруу органдарына жүктөлдү. Премьер-министр Мухаммедкалый Абылгазиев коронавирустун жайылышын ооздуктоо жана адам өмүрү менен ден соолугун коргоо... Читать дальше...

Коронавируска байланыштуу кырдаалдан улам быйыл республикалык бюджетке 27-28 миллиард сом түшпөй калышы мүмкүн. Бул тууралуу вице-премьер-министр Эркин Асрандиев 26-мартта басма сөз жыйынында билдирди. Ал арада өлкөнүн Экономика министрлиги менен Финансы министрлиги бюджеттин толбой калуу коркунучун санап жатат. Азырынча 28 миллиард сомго чейинки каражат бюджетке түшпөй калышы мүмкүн деп болжолдонууда.  Эркин Асрандиев азыркы тапта ишкер чөйрөнү колдоо боюнча антикризистик план иштелип жатканын... Читать дальше...

Баткенде өзгөчө кырдаал маалында шаардыктардын көчөгө чыгышын чектөө максатында үй-үйлөргө ун жеткирип берүү кызматы уюштурулду. Шаар мэри Мамыржан Рахимовдун чечимине ылайык аймактык комитеттер унга муктаж тургундардын тизмесин телефон аркылуу түзүп, анын негизинде ишкерлер унду Антимонополиялык көзөмөл агенттиги бекиткен баага ылайык ар бир үйгө дареги боюнча жеткирүүдө. Кыргызстанда 21-марттан баштап жалпы өзгөчө кырдаал, 25-марттан баштап айрым аймактарга өзгөчө абал киргизилген. Баткен шаары өзгөчө абал киргизилген аймакка кирбейт. Читать дальше...

Кыргызстанда стратегиялык маанидеги «Дастан» заводунун директору Таалайбек Темиралиев 23-мартта кызматтан кетип, анын ордуна милдетин аткаруучу болуп Талантбек Иманов дайындалды. Бул тууралуу аталган заводдун расмий сайтында кабарлады. Маалыматка ылайык, Имановду Мамлекеттик мүлктү башкаруу фонду заводдун жетекчисинин милдетин аткаруучу кылып дайындаган. Эми директор кылып дайындоо боюнча премьер-министрдин буйругу чыгышы керек. Бирок заводдун расмий сайтында Талантбек Иманалиев башкармалыктын төрагасы катары көрсөтүлгөн. Читать дальше...

Европадагы Коопсуздук жана Кызматташтык Уюму (ЕККУ) жакында эле Азербайжанда коронавирус тууралуу жалган маалыматтар менен күрөшүү максатында мыйзамдарга киргизилген өзгөртүүлөр боюнча тынчсызданууда. Бул тууралуу уюмдун массалык каражаттардын эркиндиги боюнча өкүлү Арлем Дезир 25-мартта билдирди. Ал өзгөчө кырдаалдарда жалган маалыматтарга каршы күрөш маанилүү экенин, бирок Азербайжанда мыйзамга киргизилген өзгөртүүлөр журналисттердин ишине жана пандемияга байланыштуу окуяларды чагылдырууга тоскоолдук кылбашы керек экенин белгиледи. Читать дальше...

Кыргызстанда коронавирустун жайылышы токтоду деп айтуу азырынча эрте. Бул тууралуу 26-мартта Саламаттыкты сактоо министрлигинин өкүлү Айнура Акматова билдирди. Адистин белгилешинче, чет жактан келип жаткандар азайды, эпидемияга каршы иш-аракеттер көрүлүп жатат, өзгөчө абал киргизилди, ары-бери каттоого тыюу салынды, бирок, ошентсе да “бул инфекцияны жеңдик деп айтуу эрте”. Акматова ооруну жайылтпоо ар бир адамдан көз каранды экенин, өзгөчө абалдын талаптарын аткаруу зарылдыгын белгиледи. Бул... Читать дальше...

Өз өмүрүндө идеалдуу аял жөнүндө кыялданбаган, идеалдуу аялды самабаган, күтпөгөн, издебеген эркек жок болсо керек.

Кыргызстан коронавируска каршы туруш үчүн Кытайдан дарыгерлерди чакыруу мүмкүнчүлүгүн караштырып жатат. Бул тууралуу 26-мартта Саламаттык сактоо министрлигинин өкүлү Айнура Акматова билдирди. Анын айтымында, Кытайдын медицина кызматкерлери «бүгүн-эртең келе калбайт, сүйлөшүү жана даярдык гана жүрүп жатат».  «Кытайда коронавирусту ооздуктоого катышкан адистер менен телеконференция уюштурулду. Кытайлык дарыгерлерди биздин өлкөгө чакыруу тууралуу кат даярдалып, Тышкы иштер министрлигине жөнөтүлгөн», - деди Акматова. Читать дальше...

26-мартта Сауд Арабиясынын төрагалыгы алдында «Чоң жыйырманын» онлайн-саммити башталат. Ага АКШнын лидери Дональд Трамп жана Орусиянын президенти Владимир Путин да катышары күтүлүп жатат. Бул ирет G20га кирген мамлекеттер дүйнөнү коронавирус пандемиясы каптап, экономика кескин начарлап кеткен шартта кезексиз жыйынга чогулганы турушат.​ «Дүйнө COVID-19 пандемиясына туш болуп, саламаттык сактоо тармагы, глобалдык экономика кризиске кептелип турган чакта биз күчүбүздү бириктириш үчүн «Чоң жыйырманын» чукул жыйынын уюштуруудабыз»... Читать дальше...

Жалал-Абаддагы ооруканаларга Бишкек шаарынан ыктыярчы сегиз дарыгер барды. Алар алдыдагы күндөрү коронавируска чалдыккандарды дарылап жаткан адистер менен орун алмашат. Саламаттык сактоо министрлиги учурда башка дарыгерлерди да аймактарга жөнөткөнү жатат.