Новости за 07.03.2020

Коронавирустун (таажы вирусунун) жаңы түрүнө каршы чечкиндүү чаралар алгачкы жемишин берип жаткан маалда, кайдыгерликке жана шалаакылыкка жол бербешибиз абзел. Коронавируска каршы биргелешкен аракеттин зарылдыгы тууралуу блог.

Быйыл «Байчечекей» журналынын үзгүлтүксүз чыгып келатканына 42 жыл болот. Учурда ал 8-9 миң нуска менен туруктуу басылып келет. Балдар адабияты өксүккө учурап турган мезгилде аталган журнал кантип өз окурмандарын таап жатат? Бүгүнкү замандын балдары кандай ырларды, кандай жомокторду, кандай аңгемелерди окуйт? Бул суроолорго Кыргыз эл акыны, «Байчечекей» журналынын башкы редактору Токтосун Самудинов жооп берди.

Ош шаарында "Ынтымак" телеканалынын кабарчысы шаардык милицияга 6-мартта сурак берип чыкты. Буга журналисттин шайлоону утурлай студенттерди мажбурлап, каттоого тургузуп жатканы жөнүндө жасаган репортажы себеп болгон.

8-март Аялдардын эл аралык күнүнө карата "Эркин Европа/Азаттык" радиосу Борбор Азия өлкөлөрүндө жашап, иштеп, ийгиликке жеткен айымдарына микрофон сунду. Алардан "Эгер жаш кезиңизге кайтып барсаңыз, өзүңүгө кандай кеңеш берет элеңиз?" деп сурады.

Италиянын гезиттери соңку мезгилде Өзбекстанга өзгөчө көңүл буруп, көп макалаларды басып келет. Борбор Азия боюнча изилдөөчү Давиде Канкарини Өзбекстандын аймактын лидерине айлануу потенциалы бар деген пикирде.

Алты жыл мурда убада берилген ЕАЭБдин мигранттарын пенсия менен камсыз кылуучу келишим кабыл алынды.

Совет доорунда Ташкентке жакын курулган жашыруун объекттин азыркы көрүнүшү кандай?​

Бишкектеги «Вефа» соода борборуна ээлик кылуу боюнча кыргыз ишкери менен түрк бийлигинин ортосундагы мүлк талаш экинчи айлампага чыгып, кайрадан Жогорку сотто каралууда.

“Күлкү кербени” түрмөгүнүн кезектеги чыгарылышы үй-бүлөдөгү кайчы пикир жөнүндө юмордук аңгемени камтыйт.