Новости за 10.07.2019

Ҷон Марк Поммершайм сафири Амрико дар Тоҷикистон гуфт, мушкили марбут ба амният набояд ҳамчун як восита барои нақз ё маҳдуд кардани озодиҳои динӣ истифода шавад.

Генерал Ҷузеф Донфурд, раиси Ситоди муштараки артиши Амрико рӯзи сешанбеи 9-уми июл гуфт, ки ИМА дар пайи ташкили эътилофи низомӣ бо бархе кишварҳо барои таъмини амнияти киштиронӣ дар обҳои байналмилалӣ дар гулӯгоҳи Ҳурмуз ва Боб Ал-Мандаб аст.

Тоҷикистон ва Чин дар вилояти Вилояти Мухтори Кӯҳистони Бадахшон ҳаммарз бо Бадахшони Афғонистон, размоиши муштараки низомӣ доир мекунанд. Ба гуфтаи мақомоти тоҷик, ин тамрини муштараки ҳарбӣ дар авохири моҳи июл баргузор мешавад.

Дар Донбасс яке аз зархаридони дигари узбек, ки ба ҷонибдорӣ аз ҷумҳурии мардумии худхондаи Донетск зидди артиши Украина меҷангид, кушта шуд. Афсари артиши Украина Анатолий Штефан (Штирлитс) дар Telegram хабар дод, ки зархариди узбек 3 июл дар шарқи ин кишвар кушта шуд. Вай ҳамчунин акси шаҳрванди Узбекистонро нашр кард. Ба гуфтаи Штефан, ҷасади сокини 32-солаи вилояти Навоии Узбекистон Ҳоҷиакбар Шарипов 6 июл ба ватан фиристода шуд. Сомонаи "Миротворетс" низ аз кушта шудани Шарипов хабар додааст. Читать дальше...

Дар Узбекистон 8 июл ҳангоми супоридани ҳуҷҷатҳо барои дохилшавӣ ба донишгоҳҳо мушкили ҷиддӣ пеш омад. Дар аксҳое, ки шоҳидон аз Тошканд, Ҷизах, Андиҷон ва Фарғона фиристоданд, дида мешавад, сокинон барои супоридани ҳуҷҷатҳо зери офтоби сӯзон навбат истодаанд. Яке аз видеоҳо навбатпоии тӯлонии волидони довталабонро дар назди комиссияи қабули Донишкадаи омӯзгории Ҷизах нишон медиҳад. "Чаҳор довталаб дар натиҷаи навбатпоии тӯлонӣ аз ҳуш рафтанд. Инҷо бетартибиҳо дида мешавад ва касе касеро эҳтиром намекунад. Читать дальше...

Муассиси Викиликс (Wikileaks) Ҷулиан Ассанж ҳангоми будубошаш дар сафорати Эквадор дар шаҳри Лондон таҳти назорат қарор доштааст. Дар ин бора нашрияи "Эл Паис"-и Испания бо такя ба наворҳои садоӣ ва видеоие хабар дод, ки дар ихтиёр дорад. Вохӯриҳои ӯ бо меҳмононро ширкати муҳофизатии Испания бо дархости мақомоти Эквадор сабт мекардааст. Ба иттилои нашрия, ширкати UC Global аз соли 2012 Ассанжро таҳти назорат қарор дода, тамоми суҳбату гуфтугӯҳои ӯро сабт кардааст ва дар бораи вазъи ӯ пайваста гузориш медодааст. Читать дальше...

Дар Туркманистон сокинони душаҳрвандӣ ҳангоми дарёфти шиносномаи хориҷӣ бо як қатор маҳдудиятҳо рӯбарӯ мешаванд. "Дар шаҳри Ишқобод санадҳои онҳоеро қабул намекунанд, ки пас аз моҳи майи соли 2015 шаҳрвандии Русияро дарёфт кардаанд. Санадҳоро бо ҳар баҳона рад мекунанд. Мегӯянд, ҳоло қарор имзо нашудааст ва кай ба имзо мерасад ҳам маълум нест",-гуфт як ҳамсуҳбати мо ба шарти ифшо нашудани номаш 9 июл. Миёни Туркманистону Русия тайи 10 сол душаҳрвандӣ амал мекард, вале он моҳи апрели соли 2003... Читать дальше...

Вазорати тандурустии Қирғизистон сабаби заҳролудшавии дастаҷамъии сокинонро дар тарабхонае дар Токмок эълом кард. Ба иттилои вазорат, дар маҷмуъ 174 сокин барои дарёфти табобати тиббӣ муроҷиат карданд. Аз ин шумор 78 тан дар бемористон бистарӣ шуданд. Ташхиси тиббӣ муайян кард, ки сокинон аз ғизо заҳролуд шудаанд. Тарабхонаи "Мегаполис" бо дастури мақомот муваққатан баста шудааст. Заҳролудшавии дастаҷамъии сокинон рӯзи 29 июн дар тарабхонаи "Мегаполис" дар маросими издивоҷ рух дод. Дар ин маросим 256 меҳмон ширкат дошт.

Созмони байналхалқии PEN International Қазоқистонро барои саркӯби эътирозҳои осоиштаи сокинон танқид ва аз мақомоти он кишвар хост, "барои ҳифзи ҳуқуқи гирдиҳамоиҳои осоишта ва озодии баён фавран чораандешӣ кунанд". Дар изҳороти созмон, ки рӯзи 9 июл нашр шуд, омадааст, дар рӯзи интихоботи президентии 9 июн ҳазорон сокин "ба хотири изҳори эътирозашон зидди интихобот мавриди таъқиб қарор гирифтанд". PEN International мегӯяд, "вокуниши мақомоти Қазоқистон ба пайдоиши мухолифони осоиштаву қонунӣ... Читать дальше...