Новости за 18.07.2019

Палатаи ҳисоби Тоҷикистон аз моҳи август санҷиши молии ширкати “Барқи тоҷик”, яке аз бузургтарин ширкатҳои давлатии қарздорро шурӯъ мекунад.

Мақомоти Гурҷистон чанд нафари дигарро бо иттиҳоми зӯроварӣ ва бетартибӣ дар ҷараёни тазоҳуроти моҳи гузашта дастгир кардаанд. Рӯзҳои 20-ум ва 21-уми июн гурӯҳи азиме аз тазоҳургарон хостанд, ба бинои порлумон ворид шаванд. Баъд аз ин кор маъмурони пулис барои пароканда кардани тазоҳургарон аз гази ашковар истифода бурданд. Айни замон додситонҳои Гурҷистон дар идомаи таҳқиқи истифодаи нерӯи беш аз ҳад ба зидди тазоҳургарон Гиорги Гахария, вазири умури дохилии Гурҷистонро рӯзи 18-уми июл бозпурсӣ кардаанд. Читать дальше...

Раиси ҷумҳур Владимир Путин бо имзои як фармон, гирифтани ҳаққи шаҳрвандии Русияро барои сокинони вилоятҳои Донестк ва Лугански Украинаро осонтар кард. Аз ин пеш ва баъд аз пирӯзии Володимир Зеленский дар интихоботи президентии Украина дар рӯзи 21-уми апрел Путин қарореро содир карда буд, ки ба сокинони баъзе аз минтақаҳои ду вилоят имкон медод, ба осонӣ шаҳрвандии Русияро бигиранд. Ин минтақаҳо дар дасти ҷудоиталабони тарафдори Русия ҳастанд. Ҳоло тамоми сокинони ҳарду вилоят ин ҳақро пайдо карданд. Читать дальше...

Кумитаи миллии олимпии Тоҷикистон мегӯяд, ҷавонони камонвари кишвар барои дарёфти ҷоизаи мураббии шоистаи ҷумҳурӣ, Зебунисо Рустамова қувваозмоӣ мекунанд

Додситонии кулли Тоҷикистон таҳқиқи парвандаи ҷиноӣ дар нисбати чаҳор афсари милисаи Раёсати корҳои дохилӣ дар шаҳри Душанберо анҷом дода, бо айбдорӣ ба моддаи 143 прим 1, "шиканҷа", ба додгоҳи пойтахт ирсол доштааст.

Наҷоти кӯҳканҳо аз кони зеризаминӣ, ташхиси камбудӣ дар кори Бонки Миллии Тоҷикистон, нороҳатии мардум аз болоравии нархи нерӯи барқ, шикояти ҳамсари Маҳмадалӣ Ҳаит ва матолиби дигар.

Доналд Трамп, раиси ҷумҳури Амрико, барои ноогоҳӣ дар бораи тарҳрези ҳамлаҳои террористӣ дар шаҳри Бомбайи Ҳинд дар соли 2008 зери танқид монд. Ӯ гуфт, ки  мақомоти Покистон баъд аз 10 соли ҷустӯҷу дар ниҳоят Ҳафиз Саидро дастгир карданд, ҳарчанд ин ифротгаро дар Покистон озодона зиндагӣ мекард. Мақомоти Покистон рӯзи 17-уми июл гуфтанд, ки Ҳафиз Саидро, ки дар бомбгузорӣ ва қатли 166 нафар муттаҳам мешавад, боздошт кардаанд. Боздошт як рӯз пеш аз мулоқоти Имрон Хон нахуствазири Покистон бо мақомоти баландпояи Амрико сурат гирифт. Читать дальше...

Хадамоти зиддикоррупсионии Қирғизистон тарҳ ё роҳи фасодолудеро дар муассисаи давлатии "Унаа"-и Хадамоти давлатии бақайдгирӣ ошкор кард. Дар ин бора мақомоти зиддикоррупсионии Қирғизистон хабар доданд. Хадамот нисбати афроди масъули Департаменти қайди воситаҳои нақлиёт (аз соли 2018 ба "Унаа" табдили ном кардааст), таҳқиқи ҷиноиро шуруъ кард. Масъулони ин ниҳод дар якҷоягӣ бо афроди манфиатдор усули қонунигардонии мошинҳоро бидуни пардохти боҷи гумрукӣ ба роҳ мондаанд. "Ду мошини навъи "Лексус" ва "Шевроле" боздошт шуд... Читать дальше...

Ваколатдор оид ба ҳуқуқи инсон ё Омбудсмени Тоҷикистон аз ҳамтоёни руси худ талаб кардааст, то ба намоиш гузоштани бадани урёни муҳоҷирони тоҷик вокуниш нишон диҳанд. Умед Бобозода, Омбудсмени Тоҷикистон намоиши бадани урёни муҳоҷиронро "рафтори зиддиинсонӣ" хонд. Умед Бобозода, ваколатдор оид ба ҳуқуқи инсон рӯзи 18-уми июл зимни нишасти хабарӣ гуфт, ду ҳафта пеш ба Омбудсмени Русия мактуб карда, хостанд то ин ниҳод ба қазияи таҳқири муҳоҷирони тоҷик вокуниш кунад. Аммо Бобозода гуфт, то ҳол аз ҳамтоёни руси худ посухе нагирифтаанд. Читать дальше...

Туркманистон давоми ним соли охир аст, ки ба мошинҳои боркаш ва қатораҳои Тоҷикистон иҷозаи убур кардан аз марзашро намедиҳад. Ба иттилои хабаргузории "Азия-Плюс", мақомоти Тоҷикистон ба ронандагон машварат додаанд, ки бо тай кардани масири тӯлонитар Туркманистонро давр зананд. "Мо ин мушкилро бо ду масири алтернативӣ ҳал кардем, ки ҳоло мошинҳои боркаши мо бе монеа ҳаракат доранд",-гуфт Суҳроб Мирзоев, муовини вазири нақлиёти Тоҷикистон. Вай рӯзи 17 июл хабар дод, ки бо мақомоти Озарбойҷон... Читать дальше...

Ҳар кас вобаста ба вазъи равонӣ, ё барои итминон бахшидан ба гуфта ё навиштааш, ё фаҳмидани чизе аз ончӣ дар гирду пешааш ба вуқуъ мепайвандад, ба назар ва гуфтаҳои ниёгони худ, ба андешамандони муосир рӯ меоварад.Ҳар рӯз дар шабакаҳои иҷтимоӣ иқтибосҳои зиёдеро мехонем, ки мардум паҳн мекунанд.

Владимир Зеленский, президенти Украина пешниҳод кард, ки ивази зиндониён бо услуби "ҳама бо ҳама" аз 24 маллоҳи украин шуруъ шавад, ки мақомоти Русия моҳи ноябри соли 2018 дар соҳили Қрими ишғолӣ боздошт карданд. Зеленский дар ин бора дар барномаи телевизионии "Ошкоргӯӣ бо президент" суҳбат кард. Вай гуфт, ин қадами "муътадил"-е хоҳад буд дар масири қатъи ҷанг ва барқарории муколама миёни Русияву Украина. Ба гуфтаи президенти Украина, шарти ивази "ҳама бо ҳама"-ро президенти Русия ҳангоми гуфтугӯи телефонӣ пешниҳод кардааст. Читать дальше...

Бино бар созиши ҳосилшуда миёни мақомоти масъули Қазоқистону Узбекистон, давоми соли 2019 аз Қазоқистон ба Узбекистон бештар аз 1 млрд кВ/соат барқ интиқол дода хоҳад шуд. Дар ин бора вазорати энержии Қазоқистон иттилоъ медиҳад. Интиқоли барқ шуруъ шуда ва аз охири моҳи июн то 17 июл ба Узбекистон 145 млн кВ/соат барқ ворид шудааст. Бар асоси шартнома, дар сурати сар задани ҳолатҳои пешбининашуда, Қазоқистон ҳақ дорад, интиқоли барқро ба Узбекистон маҳдуд ё қатъ кунад. Талаботи Узбекистон ба барқ 69 млрд киловатт/соатро ташкил медиҳад. Читать дальше...

Раҳбарияти телевизиони хусусии "Zo’rTV"-и Узбекистон қарор кардааст, ки сароянда Ҷаҳонгир Фозилҷонов ва ҳунарманд Ҳалима Иброҳимова аз 12 июли соли равон дигар ба эфир роҳ дода нашаванд. Ду ҳунарманд барномаи фароғатиеро дар телевизиони мазкур пеш мебурданд. Ба гуфтаи як корманди телевизион, ҳамчунин сурудҳои Райҳон Ғаниева ва Зиёда Қобила аз эфир гирифта шуданд. Бархе аз афроди огаҳ аз шоу-бизнеси узбек мегӯянд, ин ҳунармандон баъди ҷонибдорияшон аз Гулнора Каримова, духтари зиндонии президенти... Читать дальше...

Савринисо Ҷӯраева, ҳамсари Маҳмадалӣ Ҳайит, муовини собиқи ҳизби дар Тоҷикистон мамнуи наҳзати исломӣ аз шиканҷаи шавҳараш дар зиндон ба Ваколатдор оид ба ҳуқуқи инсон шикоят бурдааст. Маҳмадалӣ Ҳайит ба ҳабси абад маҳкум шудааст ва мақомоти ҳамеша шиканҷа шудани ӯро рад кардаанд.

Дар вилояти Ҷиззахи Узбекистон 17 июл ба ҳарорати беш аз 45 дараҷа гарм будани ҳаво нигоҳ накарда кормандони муассисаҳои давлатии ноҳияи Зоминро ба рӯбучини роҳи мошингарди "Даштобод-Зомин" бароварданд. "Ба ҷуз аз мо, онҷо ҳудуди 100 каси дигар -- ҳамшираҳо ва кормандони дигари техникии бунгоҳҳои тиббӣ низ буданд. Ба ҳар як кас минтақаеро ҷудо карда доданд, то тоза кунанд. Мо атрофи роҳро дар ҳудуди деҳаи "Лайлакуя" тоза кардем",-гуфт як корманди ҳукумати ноҳияи Зомин. Як ҳамшираи бемористони ноҳияи Зомин гуфт... Читать дальше...

Як мақоми вазорати дифои Амрико рӯзи чаҳоршанбеи 17-уми июл эълон кард, ки Туркия аз тарҳи сохти ҳавопаймои ҷангии F-35 берун карда мешавад.

ИМА беш аз 40 миллион доллареро, ки бояд ҳамчун кумаки башардӯстона ба кишварҳои Амрикои Марказӣ ҷудо мешуд, ба мухолифони Венесуэла хоҳад дод. The Los Angeles Times санадеро нашр кардааст, ки дар он Оҷонси рушди байналмилалии ИМА Конгрессро аз тасмими мазкур огаҳ мекунад. Ин 42 миллион доллар ба тими раҳбари мухолифони Венесуэла Хуан Гуайдо дода мешавад. Маблағи мазкур ба маоши кормандони ситоди мухолифон, харҷи сафарҳо, ташкили давраҳои омӯзишӣ ва иҷрои ташаббусҳо дар самти "бунёди демократия" равона хоҳад шуд. Читать дальше...

Мақомоти ҳифзи ҳуқуқи Узбекистон бо масъулони ширкати чинии Huawei барои ҷорӣ кардани низоми шинохти чеҳра дар шаҳри Тошканд гуфтугӯ доранд. Расонаҳои маҳаллӣ бо истинод ба Раёсати пулиси Тошканд хабар доданд, ки дар ин замина аллакай гуфтугӯҳои пешакӣ анҷом шудаанд. Ба гуфтаи манобеъ, ин низом яке аз бахшҳои тарҳи "Шаҳри бехатар" хоҳад буд, ки дар якҷоягӣ бо чиниҳо иҷро мешавад. Манобеъ мегӯянд, дурбинҳои назоратие, ки дар 116 чорроҳаи Тошканд қоидавайронкуниро сабт мекунанд, ҳамчунин метавонанд, симои инсонро шиносоӣ кунанд. Читать дальше...

Созмони байналмилалии ҳомии ҳуқуқи Human Rights Watch 17 июл бо нашри як гузориш гуфт, дар муассисаҳои давлатии Қазоқистон садҳо ҷавону кӯдаки дорои имконияти маҳдуд мавриди зӯроварӣ ва хушунат қарор дошта, ба онҳо иҷборан доруҳои психотропӣ дода мешавад. HRW бо истинод ба Вазорати меҳнат ва ҳифзи иҷтимоии аҳолии Қазоқистон хабар додааст, ки дар ин кишвар барои кӯдакони дорои имконияти маҳдуд 19 муассисаи давлатӣ фаъолият мекунад. Ба гуфтаи ҳомиёни ҳуқуқ, бештари тарбиятгирандагони ин муассисаҳо ҳадди ақал падар ё модар доранд. Читать дальше...

Кормандони муассиса ва корхонаҳои давлатиро дар вилояти Марии Туркманистон маҷбур мекунанд, ки аз ҳаққи истифодаи хизматрасониҳои комуналӣ қарздор набудани худро тасдиқ созанд. "Оғози ҳафтаи гузашта ҳамаи кормандони муассисаҳои давлатиро вазифадор карданд, ки расидҳои пардохти ҳаққи истифодаи газ, об ва барқро нишон диҳанд. Дар коргоҳҳо гуфтанд, ки ин расидҳо барои додситонӣ зарур аст, онҳо чунин талаб кардаанд",-гуфт як сокини вилояти Марӣ. Ба гуфтаи вай, ба кормандон танҳо дар сурати нишон додани расидҳо маош медиҳанд. Читать дальше...

Роҳбарони ҳукуматҳои Қазоқистону Узбекистон Аскар Мамин ва Абдулло Орипов рӯзи 17 июл роҳи мошингарди "Бейнеу - Оқжигит - сарҳади Узбекистон"-ро ифтитоҳ карданд. Дар ин бора дар саҳифаи расмии сарвазири Қазоқистон дар Инстаграм хабар дода шудааст. Ба иттилои хабаргузориҳои Узбекистон, тӯли роҳ 84 километр аст. "Роҳи мазкур имкон медиҳад, ки маҳсулоти Узбекистон ба бозори Русия ва кишварҳои Қафқоз тавассути бандарҳои баҳрӣ ва роҳҳои Қазоқистон дар фосилаи кутоҳтар бирасад",-гуфт сарвазири Қазоқистон Аскар Мамин. Читать дальше...

Омурбек Текебоев, роҳбари зиндонии ҳизби "Ота Макон"-и Қирғизистон ба ҷарроҳӣ омода мешавад. Дар ин бора Собирбек Ҷумабеков, мудири бемористони пажуҳишии шаҳри Бишкек хабар дод. "Текебоев дар гузашта сутунмуҳраашро ҷарроҳӣ кардааст. Ҳоло дар сутунмуҳраи вай ду "грижа"-и нав пайдо шудааст. Мо мехостем, ҷарроҳӣ кунем, вале қалбаш мушкил дорад. Ҳоло қалбшиносон табобат доранд. Баъди ташхис ҷарроҳӣ карда мешавад",-гуфт Ҷумабеков. Раиси Ҳизби "Ота Макон", вакили порлумони Қирғизистон Омурбек Текебоев... Читать дальше...

Дастаи мунтахаби футболи Тоҷикистон бар асоси қуръакашии марҳилаи дуюми интихобии қаҳрамонии ҷаҳон-2022 ва Ҷоми Осиё-2023, ки рӯзи 17-уми июл дар қароргоҳи Конфедеросиюни футболи Осиё (AFC) - шаҳри Кула-Лумпури Малайзия - доир гардид, дар гурӯҳи “F” бо тимҳои миллии Ҷопон, Қирғизистон, Мянмар ва Муғулистон рақобат мекунад. Мунтахаби Тоҷикистон аввалин бозиашро 5-уми сентябр дар Душанбе бо тими миллии Қирғизистон баргузор менамояд. Футболбозони тоҷик дар даври дуюм 10-уми сентябр дар меҳмонӣ муқобили мунтахаби Муғулистон бозӣ хоҳанд кард. Читать дальше...

Панҷ сол пеш дар шарқи Украина ҳавопаймои навъи “Боинг” МН17-и ширкати ҳавоии Малайзия суқут дода шуд. 298 нафар ба ҳалокат расид. Гурӯҳи байналмилалии таҳқиқотӣ ба хулосае омад, ки ҳавопайморо мушаки навъи “Бук” асобат кард, ки аз Русия интиқол ёфта буд.