Новости за 28.07.2019

Дастаи мунтахаби ҷавонони зери 18-солаи футболи Тоҷикистон бозии аввали дӯстонаро бо ҳамсолони худ аз Арабистони Саудӣ бо ҳисоби 1:1 анҷом дод. Дар ин бора сомонаи расмии Федератсияи футболи Тоҷикистон (ФФТ) хабар додааст.

Бино ба гузоришҳо афроди мусаллаҳ ба қароргоҳи Амрулло Солеҳ номзад ба мақоми муовини раиси ҷумҳури Афғонистон ҳамла кардаанд. Ҳамла рӯзи 28-уми июл дар нахустин рӯзи маъракаи интихоботии раёсати ҷумҳурӣ сурат гирифт. Қарор аст, интихобот рӯзи 28-уми сентябр баргузор шавад. Шоҳидони айнӣ гуфтаанд, ки афроди мусаллаҳ баъди таркиши бомб дар назди дафтари Амрулло Солеҳ, ба бино ворид шудаанд. Худи ӯ, ки дар гузашта сардори Раёсати амнияти миллии Афғонистон буд, беосеб аз маҳалли ҳамла берун оварда шудааст. Читать дальше...

Артиши Покистон гуфт, дар ҳамлаҳои ҷудогонаи ҷангҷӯён дар вилояти Вазиристони Шимолӣ ва Балучистон 10 сарбозашро талаф додааст. Аз ҷумла рӯзи 27-уми июл гурӯҳе аз ифротиён аз марзи Афғонистон ба як посгоҳи сарбозон дар Вазиристони Шимол шимолӣ ҳамла карда, 6 сарбозро куштаанд. Таҳрики Толибони Покистон масъулияти қатлро бар дӯш гирифт. Ин вилояти қабоилнишин солҳост, яке аз паноҳгоҳҳои Толибон ва дигар созмонҳои ифротгарои исломӣ ба ҳисоб мерафт. Баъди амалиётҳои артиш дар соли 2014 бисёре аз тундравон ба Афғонистон гурехтаанд. Читать дальше...

Далер Назаров, овозхони шинохтаи тоҷик баъд аз сукут дар бораи ҳаёҳу дар атрофи номаш бо як баёнияе аз мухлисонаш хостааст, дигар масъалаи ҷоиза додан ба ӯро дар миён нагузоранд.

Толибон баёнияи як вазири афғон дар бораи барномаи музокироти мустақим бо ин гурӯҳи ифротиро рад кард. Суҳайл Шоҳин, сухангӯи дафтари Толибон дар Қатар рӯзи 28-уми июл гуфт, ин гурӯҳ фақат замоне бо ҳукумат мустақим гуфтӯгу мекунад, ки бо Амрико дар бораи хуруҷи нерӯҳои хориҷӣ аз Афғонистон ба мувофиқа бирасанд. Забеҳулло Муҷоҳид, сухангӯи дигари Толибон гуфт, ки “ҳеҷ гуна мувофиқате” барои гуфтӯгу бо намояндагони ҳукумат ҳосил нашудааст.  Ӯ афзудааст, ки вақте бо Амрико ба созиш расиданд, он замон... Читать дальше...

Пулиси Русия дар як рӯз бештар аз 1300 нафар тазоҳургарро, ки ба зидди қонуншиканиҳо дар сабти номи номзадҳои интихоботӣ эътироз доштанд, дастгир кардааст. Дар ин бора созмонҳои ғайриҳукуматӣ хабар додаанд. Маъмурони пулис рӯзи 27-уми июл садҳо тазоҳургарро, ки дар назди шаҳдории Маскав ҷамъ омаданд, калтаккӯб ва дастгир кард. Саркӯби тазоҳургарон баъди ҳаракати онҳо ба дигар гӯшаҳои Маскав идома ёфт. Онҳо ҳангоми раҳпаймоӣ “Русия бидуни Путин” шиор медоданд. Иттиҳодияи Аврупо ва дигар созмонҳои... Читать дальше...

Яке аз фармондеҳони баландпояи Русия ба Душанбе сафар кардааст ва қарор аст, дар ҳузури ҳайати фармондеҳии нерӯҳои мусаллаҳи Тоҷикистон дар бораи амалиёти нерӯҳои кишвараш дар Сурия сӯҳбат кунад. Хабаргузории давлатии “Спутник” рӯзи 27-уми июл хабар дод, ки генерал Александр Лапин, фармондеҳи нерӯҳои мусаллаҳи Русия дар ҳавзаи марказӣ дар ҳамин рӯз вориди Душанбе шудааст. Дар хабар омадааст, ки генерали рус бо раҳбарони вазорати дифои Тоҷикистон дар бораи масоили умдаи амниятӣ дар Осиёи Марказӣ... Читать дальше...

Даҳҳо зиндонии афғон, ки солҳо боз дар Тоҷикистон пушти панҷараи зиндон буданд, имрӯз барои идомаи адои ҳукм ба Афғонистон интиқол дода шуданд.

Муҳаммад Ҷавод Зариф, вазири умури хориҷии Эрон бо Юсуф бин Алавӣ ҳамтои худ аз Уммон мулоқот кард. Уммон дар гузашта ба ҳайси кишвари бетарафе байни Амрикову Эрон миёнҷигарӣ кардааст. Мулоқот рӯзи 27-уми июл дар Теҳрон ва дар замоне сурат гирифт, ки танишҳо байни Амрико ва шарикони он дар Гулӯгоҳи Ҳурмуз авҷ гирифтааст.  Ин гулӯгоҳ дар Халиҷи Форс яке аз роҳҳои ҳаётии ҳаракати киштиҳои нафткаш дар ҷаҳон аст. Уммон дар гузашта барои гуфтугӯ байни Амрикову Эрон миёнҷигарӣ кардааст ва гуфтааст, ки бо “тарафҳои дигар” кор мекунад... Читать дальше...

Роҳи мошингарди Душанбе-Хоруғ-Қулма барои Тоҷикистон шоҳроҳи муҳими стратегии байналмилалӣ ба шумор меравад, вале бо вуҷуди ин қисматҳои зиёди он ноҳамвору хатарнок аст. Солона дар ин роҳ даҳҳо ронандаву мусофир ҷон медиҳанд. Як сабаби фалокатҳои маргбор низ харобии роҳ аст.