Новости за 29.07.2019

Як гурӯҳ ҳомиёни ҳуқуқ, Ваколатдор оид ба ҳуқуқи инсон ва намояндагони Эътилофи зидди шиканҷа бо Зайд Саидов, соҳибкори маҳкумшуда, дар зиндон дидор кардаанд.

Як ширкати чинӣ мехоҳад дар атрофи шаҳри Душанбе корхонаи бузурги коркарди партовҳои сахти маишӣ таъсис дода, истеҳсоли металҳои мухталифро аз ҳисоби партовҳо, ба роҳ монад.

Дар дунёи муосир торафт фаъолтар шудани занон дар сиёсат ва расидан ба мансабҳои раҳбарӣ ба назар мерасад.

Осия Зулфонова, кӯдаки шашсолаи тоҷик, ки қазияи оташ зада шуданаш ҷомеаро нигарон кард, баъди чиҳил рӯз ба по хест. Волидони ин кӯдак мегӯянд, умедашон барои сиҳат шудани Осия аз нав бедор мешавад.

Дар Душанбе муҳокимаи собиқ сухангӯйи нерӯҳои марзбони Тоҷикистон шурӯъ мешавад, натиҷаҳои мулоқоти раҳбарони Тоҷикистону Қирғизистон дар Чолпонота, Осия ба по хест, блогерҳо мегӯянд, ба вокуниши тунд омода буданд ва матолиби дигар.

Осия Зулфонова, кӯдаки шашсолаи тоҷик, ки қазияи оташ зада шуданаш ҷомеаро нигарон кард, баъди чиҳил рӯз ба по хест. Волидони ин кӯдак мегӯянд, умедашон барои сиҳат шудани Осия аз нав бедор мешавад. Осия Зулфонова рӯзи 19-уми июни соли ҷорӣ аз ҷониби се наврас дар ҳудуди Боғи миллии ноҳияи Сино оташ зада шуд. Осия ҳафт ҷарроҳиро паси сар кард ва ҳоло ба гуфтаи табибон вазъаш хуб мебошад.

Дар шаҳри Москваи Русия ширкатдорони иқдоми эътирозии рӯзи шанберо ҳабс мекунанд, ки бо талаби роҳ додани номзадҳои мустақил ба интихоботи маҷлиси Москва ба кӯча баромада буданд. Миёни боздоштшудаҳо ҳам ширкатдорони иқдоми эътирозӣ ҳастанд ва ҳам номзадҳои сабтиномнашуда, ки пулис онҳоро пеш аз шурӯи иқдом боздошт карда буд. Иля Яшин, яке аз номзадҳои сабтиномнашударо ба додгоҳи ноҳияи Шербини Москва бурданд. Расонаҳо менависанд, ҳафтаи ҷорӣ 22 додгоҳи шаҳри Москва ба муҳокимаи боздоштшудаҳо машғул мешавад. Читать дальше...

Анастасия Василева, табиби сиёсатмадори рус Алексей Навалний гуфт, эҳтимол дорад, вай "заҳролуд" шуда аст. Навалнийро, ки 24 июл ба 30 рӯзи ҳабс маъмурӣ маҳкум шуд, ахиран аз ҳабс бо мошини ёрии таъҷилӣ ба бемористон бурданд. Вакили мудофеи вай гуфт, дар бадани сиёсатмадор нишонаҳои ҳассосият дида мешавад. Вакил гуфт, ки Навалний пештар аз ин "ҳеч гоҳе ҳассосият (аллергия) надоштааст". Анастасия Василева афзуд, ки кормандони маҳбас "нахостаанд, ба наздикони Навалний аз бемории вай хабар диҳанд"... Читать дальше...

Ҳукумати Қирғизистон тасмим дорад, барои харидани мошинҳои ёрии таъҷилӣ бештар аз 35 миллион сом (наздики 500 ҳазор доллар) ҷудо кунад. Ҳукумати он кишвар хабар медиҳад, ки аз ҳисоби ҷаримаҳои вайронсозии қоидаҳои ҳаракат дар роҳҳо 175 миллион сом ҷамъ шудааст. Қисме аз ин маблағҳо барои беҳсозии роҳҳо, хадамоти почта сарф мешавад. Бештар аз 35 миллион он барои харидории мошинҳои ёрии таъҷилӣ ҷудо мегардад. "Интизор меравад, ки то охир соли ҷорӣ, дар сурати ба ҳамин шакл давом кардани ҷамъоварии ҷаримаҳо... Читать дальше...

Дастаи мунтахаби наврасони зери 16-солаи Тоҷикистон дар бозии дувумаш дар мусобиқоти қаҳрамонии Ассотсиатсияи футболи Осиёи Марказӣ (CAFA) тими наврасони Қирғизистонро бо ҳисоби 1:0 шикаст дод.

Паҳлавони навраси тоҷик Ғаниҷон Ғаниев дар Қаҳрамонии Осиё оид ба ҷудо миёни наврасон, сазовори медали тилло шуд

Рӯзи 29 июли соли 2018 гурӯҳи ҳафтнафарии сайёҳони хориҷӣ, ки савори велосипед аз ҳудуди ҷамоати Себистони ноҳияи Данғара мегузаштанд, нахуст аз ҷониби мошини сабукраве пахш шуданд ва баъдан як-як мавриди ҳамлаи мусаллаҳона қарор гирифтанд. Дар натиҷа, чор нафар кушта ва се нафар захмӣ гашт.

Дар Туркманистон боздошти паҳнкунандагони овозаи марги президент Қурбонгулӣ Бердимуҳаммадов шуруъ шуд. Дар ин бора расонаҳои маҳаллӣ хабар медиҳанд. То ин замон корманди ширкати "Туркмантелеком" дар вилояти Лебап, корманди муассисаи обёрӣ ва корманди муассисаи комуналиву манзилӣ боздошт шудааст. Пештар аз ин баъди радсозии расмии овозаи марги президент, дар шабакаҳо маъракаи густурдае бо даъвати бовар накардан ба хабарҳои бардурӯғ роҳандозӣ шуд. "Имрӯзҳо дар шабакаҳо дар бораи президенти муҳтарами мо хабари нохуше паҳн мешавад. Читать дальше...

Ба ҷонибдорӣ аз роҳбари созмони сабтиномнашудаи "Атажурт ериктилерӣ" Серикҷон Билаш, ки ҳомии ҳуқуқи қазоқтаборон ҳам ном бурда мешавад, имрӯз, 29 июл дар назди бинои шаҳрдории Алмато ҳамоиши эътирозӣ баргузор шуд. Алмат Маратулӣ ва Исо Курманбек ба назди бинои шаҳрдории Алмато омада, норозигии худро ба таъқиби Билаш баён карданд. Билаш феълан дар ҳабс буда, ба "ангехтани бадбинӣ" айбдор мешавад. "Серикҷон Билаш зидди ягон миллат ё дин набаромадааст. Бинобар ин, ба назари мо, парвандаи ӯ беасос аст. Читать дальше...

Сарвазири Узбекистон Абдулло Орипов ба манъи тахриби иншоот ва биноҳое дастур дод, ки соҳибонашон ҷубронпулии заруриро дарёфт накардаанд. Ин фармони сарвазири Узбекистон дар як ҷаласаи видеоӣ пас аз он содир шуд, ки ахиран дар ноҳияи Яккабоғи вилояти Қашқадарё як соҳибкори маҳаллӣ дар эътироз ба тахриби бинои фурӯшгоҳаш бидуни пардохти ҷубронпулӣ муовини раиси ноҳияро бензин пошида, оташ зад. Ҳамчунин дар шаҳри Урганҷи вилояти Хоразм ҳазорон сокин шаби 26 ба 27 июли соли равон роҳи Урганҷ-Ҳазораспро баста... Читать дальше...

Парвандаи ҷиноятӣ дар нисбати сардори пешини дафтари матбуоти Сарраёсати нерӯҳои марзбонии Тоҷикистон Муҳаммадҷон Улуғхоҷаев, аз Додситонии кулл ба Ҳайати мушовараи ҳарбии Додгоҳи олӣ ирсол шудааст.

Вазири умури хориҷии Амрико мегӯяд, ки ҳукумати Эрон пешниҳоди ӯ барои сафар ва гуфтугӯи мустақим бо шаҳрвандони Эронро напазируфтааст. Ишораи Майк Помпео ба пешниҳоде аст, ки рӯзи панҷшанбеи 25-уми июл матраҳ карда буд.

Бар асари чаппа шудани кӯҳпора дар кони "Тиллои тоҷик"-и Шугнови Ховалинг, ду нафар ҷон бохта, як нафари дигар бо ҷароҳатҳои вазнин ба бемористон интиқол ёфтааст. Айни ҳол ҷасадҳои қурбониёни ҳодисаро аз зери кӯҳпора берун оварда, ба наздиконашон супурдаанд. Як манбаъ аз мақомоти интизомии минтақаи Кӯлоб рӯзи душанбеи 29-уми июл ба Радиои Озодӣ гуфт, ки ҳодиса баъд аз зӯҳри 27-уми июл рух додааст. Ба гуфтаи вай, дар ин ҳодиса Бобоҷон Файзуллоев ва Дилшод Худоиев, сокинони шаҳри Кӯлоб ва ноҳияи Панҷ, ба ҳалокат расиданд. Читать дальше...

Варзишгарони тоҷик дар мусобиқаи байналмилалии Гран-прии ҷудо (“Zagreb Grand Prix 2019”), ки рӯзҳои 26-28-уми июл дар шаҳри Загреби Хорватия баргузор шуд, дар даврҳои муқаддамотӣ шикаст хӯрда, аз ҳаққи идомаи мубориза барои медалу ҷоизаҳои молӣ маҳрум шуданд.

Варзишгарони тоҷик дар мусобиқоти қаҳрамонии Осиё оид ба ҷудо миёни наврасон, ки рӯзҳои 27-28-уми июл дар Тайпейи Чин баргузор шуд, се медал (як тилло ва ду биринҷӣ) ба даст оварданд.

Вазорати умури дохилии Қирғизистон гуфт, президенти пешини ин кишвар Алмосбек Отамбоев наметавонад ба суоли муфаттишон хаттӣ посух диҳад. Расонаҳо ахиран хабар доданд, ки вазорат ба Отамбоев имкон медиҳад, ки ба суолҳо хаттӣ посух диҳад. "Тафтишот сирри худро дорад. Бинобар ин, Хадамоти тафтишотӣ ба Отамбоев фаҳмонд, ки бояд ба бозпурсӣ ҳозир шавад",-гуфтанд дар хадамоти матбуотии вазорат ба бахши қирғизии Радиои Озодӣ. Вазорати умури дохилии Қирғизистон се бор Отамбоевро ба бозпурсӣ даъват кард. Читать дальше...

Иттиҳоди Аврупо гуфт, боздошти иштирокдорони тазоҳуроти беиҷозат дар шаҳри Москва ҳуқуқи озодии баён ва ҷамъомадҳоро хатчадор мекунад. "Онҳо ҳуқуқҳои бунёдие ҳастанд, ки дар Конститутсияи Русия дарҷ шудаанд ва умедворем, ҳифз хоҳанд шуд",-изҳор дошт сухангӯи намояндаи олии ИА дар умури хориҷӣ Майя Косянчич. Мақомоти ИА мегӯянд, аз Русия интизори онро доранд, ки дар ҷараёни интихоботи минтақавӣ уҳдадориҳои худро дар доираи Созмони Амнияту Ҳамкорӣ дар Аврупо ва созмонҳои дигар риоя мекунад. Пештар... Читать дальше...

Зидди муовини раиси ноҳияи Яккабоғи вилояти Қашқадарёи Узбекистон дар умури сохтмон Мансур Туймаев парвандаи ҷиноӣ боз шудааст. Туймаев дар анҷоми амалҳое айбдор мешавад, ки аз салоҳияти ӯ берун буданд. Дар ин бора Оҷонси иттилоот ва иртиботи умумии маъмурияти президенти Узбекистон хабар медиҳад. Пештар хабар доданд, ки 20 июл дар ноҳияи Яккабоғ соҳибкори маҳаллӣ Баҳриддин Исомов муовини раиси ноҳияро, ки мехост, фурӯшгоҳи нави дуошёна ва сехашро тахриб кунад, бо бензин оташ задааст. Ба гуфтаи шоҳидон... Читать дальше...

Шаби 27 июл иддае аз фаъолони қазоқистонӣ бо талаби озодии раиси пешини ширкати миллии "Казатомром" Мухтор Ҷакишев даст ба эътироз заданд. Додгоҳ ҳафтаи гузашта дархости Ҷакишевро дар бораи озодии пеш аз муҳлат рад кард. Даная Калиева, фаъоли шаҳрвандӣ бо либосе дар эътироз ҳозир шуд, ки ному насаби тамоми зиндониёни сиёсӣ дар он навишта шудааст. Вай гуфт, талош дорад, ба ҳамаи роҳгузарон ва сокинон аз сарнавишти зиндониёни сиёсӣ "ититлоъ диҳад". Фаъолони дигар дар даст навиштаҷоти "Озодӣ ба Ҷакишев"-ро доштанд. Читать дальше...

Шоми 26 июл ҳазорон сокини кӯчаи "Ишқобод"-и ноҳияи Урганҷи вилояти Хоразми Узбекистон бо бастани роҳи мошингарди Урганҷ-Ҳазорасп, талаб карданд, ки дар ивази тахриби хонаҳояшон ҷуброн пардохта шавад. Яке аз шоҳидон нақл кард, 26 июл соҳиби 400 манзили тахрибшуда, ки дар хаймаҳои муваққат ҷойгир шудаанд, ба қабули раиси вилояти Хоразм рафтанд. Сокинон аз пардохт нашудани ҷубронпулӣ норозӣ буданд. Аммо роҳбари вилоят гуфт, танҳо шом метавонад, онҳоро қабул кунад. Шом роҳбари вилоят ба хаймагоҳ ҳозир шуд, аммо бо сокинон суҳбат накард. Читать дальше...