روسیه: واشنګټن سره د بندیانو د تبادلې پرسر پرېکړه نه ده شوې
د روسیې یوې محکمې د ۲۰۲۰میلادي کال په مې میاشت کې د امریکا د سمندري ځواک پخوانی غړی ۵۰ کلن ویلان د جاسوسۍ په تور په ۱۶ کاله بند محکوم کړ.
په خپله ویلان، د هغه ملاتړو او د امریکا حکومت دغه حکم غندلی او پر عدالت یې ملنډې بللې دي.
که څه هم ځینو شنونکو ویلي، مسکو هڅه کوي چې د روسي بندیانو په بدل کې ځینې امریکایي بندیان خوشې کړي، خو ریا نووستي خبري اژانس د روسیې د بهرنیو چارو وزارت د مرستیال سرګي ریاب کوف خبرې رااخیستي چې نن جمعه(د غبرګولي ۷مه) یې ویلي، دا ډول پرېکړې نه دي شوي او موږ یې اراده هم نه لرو.