په بدخشان کې تر ۳ ټنه زیات نشه یي مواد سوځول شوي
د بدخشان له نشه يي موادو سره د مبارزې مدير نثار احمد جهانګير ازادي راډيو ته وويل، دوی په تېر يوه کال کې له نشه يي موادو سره د مبارزې په لړ کې په مرکز او ولسوالیو کې ۱۳۵ عملیات کړي چې په پایله کې ۱۹۵ کیلوګرامه هيرويين، ۱۲۸۲ کيلوګرامه تارياک، تر څلور سوه کيلوګرامه ډېر چرس، ۱۹۴ لېټره شراب او ۴۶۵ کيلوګرامه جامد کېمياوي مواد نيولي او دا ټول مواد يې د جوزا د میاشتې پر څلورمه نېټه سوځولي دي.
د دې موادو د قاچاقو په تور ۱۶۶ تنه نيول شوي او د عدلي او قضايي ادارو له خوا به بند محکوم شوي دي.