د فضايي قوماندې مرکز د بې کنټروله شوي چینايي راکټ په لټه کې دی
د سپېس راکټ به نوم دا وېب سایټ چې د امریکا د پوځ یوه څانګه یې چلوي نن شنبه (د غويي ۱۸مه) په دې تصویري پیغام کې وویل چې ښايي د دې راکټ موقعیت او اتموسفیر ته د هغه د ننوتو په وخت کې بیا بدلون راشي.
له دې مخکې د دې راکټ موقعیت چې وزن یې شااوخوا ۲۲ ټنو ته رسېږي، د ترکمنستان د فضا پرسر ښودل شوی و او له دې سره دا اندېښنې هم رامنځته شوي چې ښايي انسانانو ته زیان واړوي.
دا بې لارې شوی راکټ چین د اپرېل په ۲۹ مه د خپل ځانګړي فضايي سټېشن د لېږدولو په مقصد فضا ته وتوغاوه.