Путин во Саудиска Арабија за постигнување договори за нафта
Рускиот претседател Владимир Путин денеска пристигнал во Саудиска Арабија. Неговата посета доаѓа во време на растечки тензии во Персискиот залив. Според официјален Кремљ, неговата посета е во насока на постигнување за договори за нафта.
Се очекува неговата посета да резултира со привлекување на инвестиции. Москва не успеа да ја исполни целта за раст на БДП-то од 3 проценти, во услови на засилување на западните санкции.
Пред посетата, Путин во интервју за арапските медиуми рече дека ги продолжува своите добри односи со саудискиот крал и принц.
Политички аналитичари велат дека Путин може да го искористи своето влијание за да ја смири растечката тензија меѓу Техеран и Ријад, по нападот со проектили на саудиски нафтени објекти за што беше обвинет Иран.
Путин утре ќе ги посети Обединетите Арапски Емирати.